Mateo 11:29 - Kulina New Testament Brazil

²⁹ Occa marinarra tiadeniza torraniuarrinepe ouaza tiadeni teccoremanarri, ouaza iboraqquiri tiquenaniuarrine, onarraro. Ouaza ticauatterarri. Tiadeni Maride ouape rrone onani, bica onani. Tibodideni onabicabaqquinitoui.

Culina Mádija

²⁹ Occa marinaja tiadenidsa tojanijinepi ohuadsa tiadeni teccoramanaji, ohuadsa iboraqquiri tiquinanijine, onajaro. Ohuadsa ticahatteraji. Tiadeni Maride ohuapi jone onani, bica onani. Tibodideni onabicabaqquinitohui.

Mateo 11:29 Iomraidhean Croise

Mateo 17:5

Pedoro uati uati nanarra pouadeni tetepiuarri esseni zibehi tarraro ccaronarraro. Ccaronezape pouadeniza irriuarranirraro. Nazapa naui esseni bodiza atti qquenarraro: —Arrarraripa occa erredeni. Pouaza ouati uana tarraro. Pocca uima bica tarrarorrine ouatizerraro. Poua atti timittemananissa tarri −naui nade Deo.

Mateo 21:5

—Oza panani Sioza madimanarrarideniza arrima tarri: “Qqui tiquenanarra, ticcadeni tamine bicabote tiadeniuarri bacco naui. Pouapa rrone taui, rrazire toui narraraui. Arrana, borro imehiza uittarirrona-rraraui. Borro namizaza tozepetarri rrorrorede bedi ideza uittarirronaui” −napoui nade Zacaria.

Mateo 28:20

Arri occa marinarra tiadeni onauattabaqquirraro nemaneheza iboraqquiri nauiuarrine naco mari mari titicanabaqqui-rizemana nana, onarraro. Ouape uada uarrirriraza tiadeniza ohomadiriza nanitoui. Nema ozanaporraroa zama rricani bacco tanitoui −nade Zeso. Peperri.

Mateo 7:24

—Madirra ouatti mittemanaza ouattissa inanemanarrarope pina arra madirra pocca oza nauatode nauato tarrarissa quenarrari. Madirrapa pocca oza icanauatozape nami ccara taniuarri bacco tazana ueuema ppa izarraro. Nezape oza daco carrirarraro.

Roca 8:35

Nazapa madirra bazima qquide rrauirronana canarrari. Zesouarri bacco narronemanazapa arra madirra bodicca tocorime rrauinineza tonomiuira qqui toquenarrari. Naui Zeso uauiza uitta canarrari. Etero oro tozimapomarrari, bodi uatoue naco carripomarrari. Nazapa madirra bazima cappinemanarrari.

Huano 13:15

Arrirraro marinarrape tiadeni mari ocanabaqquirraro. Pina arri orrinessa tinanemananiuarrine, onarraro.

Huano 13:17

Nezape arrirraro uima timittemananissa teza nema tinanemanezape tetizemananitoui, onarraro.

Tahimarideni 7:37

Icca idideni Izarraeodeniza arrama naporrari: “Niza Deorrine icca madirra orraria Poua Atti cacomerabote torrauitoui, pina ouassa inanauitoui” naui nade.

1 Corintodeniza 9:21

Nazama madirra ouaha Moizecca marinarra ssamoqquiri narrarideni mari ocanabaqquizapa pina pouadenirrinessa onanarrarode. Moizecca marinarra rrirehe omadirizarraro, Zeso Cristoza toquerrenauiuarrine oneza. Naraha ouape Deocca zossenirri onebo-rrerarraroa arri Zeso Cristocca marinarra ouacauarraroparri.

2 Corintodeniza 10:1

Oua Paoro ouatti bica teza tiadeniza uati onana, ouattissa tinanemananiuarrine. Arra tiadeni mota ouaza uima ponimacca uati uati quenaui omittarraro. Attidenipa: —Paoro ibaccoza uazapa inoppine cappina tade. Naraha uarri taniza madizapa poua atti dacoranicca dozode cappinera tarrari −quenarrari ttarana. Nezape pina Cristo rrone tarrari, bica tarrarissa oneza tiadeniza uati onana:

2 Corintodeniza 10:5

Madirradenicca deni torrehe naqui inarricanitoui. Madirrapa Deocca parrissehe tocauatterauiuarrineraha pouadeni deni totonanadedeni ecossemanarraro. Poccadeni deni torrehe inarriquezape pouadeni bodicca uatoue Cristocca parrisseheza nattome inauitoui. Nezape pouadeni bodicca uatoue maizehe torrani auato tanitoui. Bodideni cacarriqquimeraza Cristozana touiboremanauiuarrine, onarraro.

Piripodeniza 2:5

—Ouape arrimani orrani bica tani −tiquenezape tibodideni pina Zeso Cristo bodi uatomarrarissa tiquenarraro. Nema tiquenani bica tani.

1 Tesaronicadeniza 4:2

Tiadeni mari icanabaqquirrarorrine icca marinarra nauatoqquiri tiquenani. Iape Zeso Cristo ia tocazossebaqquiza tiadeni mari icanabaqquirrarode.

2 Tesaronicadeniza 1:8

Nazapa madirra inarrizobaqquiuitoui. Arra madirra Deoza noccodeni rrizaqquiri narrarideni, arra ia Zozossede Zeso Cristo tauimari icassiuaueraniuarrineccaza iboqquiri narrarideni naco inarrizobaqquiuitoui.

Ebreodenidsa 5:9

Pocca iborehe Deoza parrirenissa taza Deorrine madirra Tonassiuauade torrauiuarrine inaparrireuissa tarrari. Bazima pouaza iboraqquiri narrarideniza tossiuauehe rriquerreranicca inanarizarraro.

1 Zouao 2:6

Madirra attipa: —Deocca orrani −nazapa pocca madie pina Zesocca madiessa nazana bica tani.