Mateo 11:25 - Kulina New Testament Brazil

²⁵ Naui zotode Zesopa Imehiza uati tarrari: —Rrehe Abi, Tiaza ouatizerraro. Tiape memeuarri madimanarrarideni Cacauade tirra, namiuarri madimanarrarideni Cacauade tirra narraro. Rrehe, madirra nauatoqquiri narraridenipa arrirraro zamacca uima tocauatteraraha Tiazapa nacasseraqquiri narrari. Nazama tirrinepe ticca parrissehecca uima mittemana-rrarauiuarrine pouadeniza auatora tinanarraro. Naraha madirra motadenipa: “Iape ssamomo inarraro, pina erredeni bedissa inarraro” quequenanarraridenizana ticca uima parrissehecca auato tinanarraro.

Culina Mádija

²⁵ Nahi dsotode Jesopa Imehidsa huati tajari: —Jehe Abi, Tiadsa ohuatidsejaro. Tiapi memehuaji madimanajarideni Cacahuade tija, namihuaji madimanajarideni Cacahuade tija najaro. Jehe, madija nahatoqquiri najaridenipa ajijaro dsamacca ima tocahatteraraha Tiadsapa jiperaqquiri najari. Nadsama tijinepi ticca pajissehecca ima mittamana-jarahijine pohuadenidsa ahuatora tinanajaro. Naraha madija motadenipa: “Iapi ssamomo inajaro, pina ejedeni bedissa inajaro” quiquinanajaridenidsana ticca ima pajissacca ahuato tinanajaro.

Mateo 11:25 Iomraidhean Croise

Mateo 16:17

Nazapa Pedoroza Zeso attipa: —Rrehe Simao, tiape Zouaocca erredeni tirrarraro. Deopa tiaza uima bicani inanarraro. Arri otauimari nauato tinarrarope madirrarrine rrerani. Occa Abi memeuarri madirrarina otauimari Cristo-Mesia orrani tiaza auato inanarraro.

Mateo 21:16

Erredeni attideni pouadeniza ocassera taza Zesoza uati toquenarrari: —Arrarrari erredeni attideni timitte-rrerarraroqui? −quenade. Naraha Zesopa: —Rrehe, omittani. Attideni omitteraha tiadenina Deo Atti dozo nanicca ua ua titiquena neraha narraro uima tetideni rrimemanarrarorane? Uimape arrima narraro: “Erredenideni, erredeni tobaccocca naco tiaza uatizemanaza rriri rriri quenauitoui: ‘Bica tinani! Bica tinani!’ quenauitoui” naponi nade Deo Atti dozo naniza −nade Zeso.

Roca 22:42

Arrama narrari: —Abi, nacassa tinezape otezerremacca uima oppina tanicca ouaza torra-rrerana, oneraha. Madirra bazimacca uima manaconi narrizoue ouaza torrezape ocasserani ouanitoui Pina zeze bidabote ze onaniuarrinessa narraro. Narraro onauananiuarrine nacassera oneraha oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −narrari Zeso.

Roca 23:34

Nazapa Zeso Imehiza uati tarrari: —Abi, pouadenipa ouaza ssamoqquiri naza oua inanazoqque-maneraha peperriua. Arri ocasserani ouarraro manaconipe pouadeniza tinana-rrerana, onarraro −narrari Zeso. Nazapa isso teppeppedeni Zesocca eterotoui siba bedeniza coro coro quenarrari, —Pocca etero nerrecorrarizana torraniuarrine? −quenaza. Narraro sibaza ittomemanazapa pocca etero pouadeniza orrari orrari narizarraro.

Huano 11:41

Nezape siba cco irrizemanade. Nazapa Zeso memeuarri tocattamacossa naza uati tade: —Abi, ouatti timittezape peperri bica tani, onarraro.

Huano 12:27

Amazati Zesoza ocasserehe ssonariza poua attipa: —Rraho, orraborreriri canani! Nerrecoma onaniuarrine? “Abi, arrirraro uima bacco tabote nani oua tinassiuauarri” onaniuarrinequi? Naraha ouape arrirraro uimatoui occarronarrarode.

Huano 12:28

Abi, ticca deni torrehera auato tana! −nade. Nanerre memeuarri atti mittaronade: —Ouape occa deni torrehe auato onanapode. Rridapana naqui occa deni torrehe auato onanapomaniuarrine −nade atti memeuarri.

Tahimarideni 17:24

—Arrirraro zamape Deo inauatorraro. Arra bazima carri tarizarrari naco Deo inauatorizarrari. Poua inauatorizarraripa Deo Pouana bazima ecauarraro. Meme ecaua, nami ecaua narraro. Deopa madirracca nauatonirriza madiriza-rraraui. Pina ozaza, siba nauatoniza, Deopa nama nauiza madiriza-rraraui.

1 Corintodeniza 2:10

Deo Poua Corime icazosseza pocca uima iaza auato inanezape imittarraro. Deo Corimena Deo Poua inanarroraporrarocca qqui qqui zanapozapa nauato tarrari. Pouapa Deo Poua bodicca uima uapima nauato tauissa tarrari.

2 Corintodeniza 3:14

Naraha Izarraeo potemauideni mittemanauiuarrine uaribodeni didiqquiri narrari. Pouadenipa Deocca rrehe canirenirricca zossenirri taidecca ua ua quenaporaha uaribodeni didiqquiri narronemanarraria arra rridapana naco mittemana-rrararrariparra. Cristona orrarirrari uaribodeni inassiuarrabaqquiza mittemanauiuarrine.