Mateo 11:21 - Kulina New Testament Brazil

²¹ Poua attipa: —Rraho, oza panani Corasinauarri timadimanarrarodenipe narrizoue oppina tanicca tiadeniza ssonarinitoui. Rraho, oza panani Besaidauarri timadimanarrarodeni naqui narrizoue oppina tanicca tiadeniza ssonarinitoui. Arrina, ticcadeni oza pananiuarri ocanauatori canani qqui qqui tiqueneraha tibodideni cacarriqquimerehe nerrerade. Neraha maittaccazama oza panani Tirouarri madimanaporraridenipa uaidiraqquiri narrari, arri oza panani Sidouarri madimanaporrarideni naco uaidiraqquiri narrari pouadeni bazimapa ocanauatori canani qqui toquenapo-rrararrari. Rridacca qqui toquenazapa Deoza toquerrenauiuarrine narromana-rrarauitouiraha. Poccadeni uimasirirrine bodideni ocassera tazapa etero rriza tanicca uezemanaza zippocca tabarroconi pouadeni tatiza uira uira quenaza orri orri quenauitouiraha −nade Zeso.

Culina Mádija

²¹ Pohua attipa: —Jaho, odsa panani Corasinahuaji timadimanajarodenipi najidsohue oppina tanicca tiadenidsa ssonarinitohui. Jaho, odsa panani Besaidahuaji timadimanajarodeni naqui najidsohue oppina tanicca tiadenidsa ssonarinitohui. Ajina, ticcadeni odsa pananihuaji ocanahatori canani qqui qqui tiquinaraha tibodideni cacajiqquimerehe nejerade. Naraha maittaccadsama odsa panani Tirohuaji madimanapojaridenipa tabaccoraqquiri najari, aji odsa panani Sidohuaji madimanapojarideni naco tabaccoraqquiri najari pohuadeni huapimapa ocanahatori canani qqui toquinapo-jarajari. Nassa qqui toquinadsapa Diodsa toquejenahijine najomana-jarahitohuiraha. Poccadeni imasirijine bodideni ocassera tadsapa etero jidsa tanicca huedsamanadsa dsippo oconi pohuadeni tatidsa huira huira quinadsa oji oji quinahitohuiraha −nade Jeso.

Mateo 11:21 Iomraidhean Croise

Mateo 11:22

—Naraha arri Corasinauarri timadimanarraro tiadeniza, Besaidauarri timadimanarraro tiadeniza naqui ouattipe: Niza madirra bazimacca uima cattemaniuarrinecca uada bacco teza Deo Poua baccouarri tidomodeni uezape Tirouarri madimanarrarideniza Deo pocca narrizoue arrimani torranitoui. Sidouarri madimanarrarideniza naco arrimani torranitoui. Neraha tiadenizana Deo pocca narrizoue denima oppina tanitoui −nade Zeso.

Mateo 15:21

Nazapa nauiuarri mari icanabaqquia rricazapa Zeso toccarrari. Oza panani pamehe Tiro, Sidouarri toccarrari.

Mateo 18:7

Rraho, arrirraro namicca uimasiripe rriquerrerani. Arri namiza timadimanarrarope uima tinanemananiuarrine carri tani. Parri, nema narraroza uimasiri tinanemana tani. Naraha madirrarrine uimasiri tinanemanezape pouaza uima denima oppina tanicca ssonarinitoui. Madirra nama narraripa manaco Deona inarrizouitoui.

Mateo 26:24

Rrehe, ouape Madirra Bedi orrarraroa niza ozoqquenitoui. Pina maittaccazama otezerremacca uima Deo Atti cacomeraqquiri narrarideni dozo iquenaporrarossa onanitoui. Neraha oua ccaccoradeza oppina tehe torranitoui. Rraho, narrari maqquiderre tossona-rrarazapa bica teraha, oppina tanicca zori tauitouiraha −nade Zeso.

Maraco 3:8

Madirra ouahadeni naco Zesocca uima mittemanaza poua canauatoriri canaui qquide touini quenaza Zesotoui rrauimissassa canarrari. Madirra uapi taha rrauirronana canarrari. Zama arobeni Zodeauarricca, oza panani Zerozareuarricca, zama arobeni Idomeauarricca, ueni Zorodao rrippeuarricca, oza panani Tirouarricca, oza panani Sidouarricca madirra naco rrauirronana canarrari.

Maraco 6:45

Nazapa canauatori canauicca pao rripemanaui nattipa Zeso poua uatimadedeni coriza rrippeuarri zosse inabaqquiporrari: —Rrari, darroniza rraui tirrezezape taide oza panani Besaidauarri rraui tirraporri, onarraro −naui nade. Naraha Zeso pouapa iboccarrari. Nazapa madirra bazimaza naco uati tarrari: —Peperri, rraui tirranina −naui nade Zeso.

Maraco 7:24

Nazapa nauiuarri mari icanabaqquia rricazapa Zeso toccarrari. Oza panani onini Tirocca zamauarri toccarrari. Nauiuarricca ozaza bacco tazapa mouaraza Zeso toqquezimarrari. —Bacco onani madirra motadeni ssamoqquiri nana −narrari. Naraha poua bacco naui uima torrarizarraro.

Maraco 7:31

Zesopa oza panani Tiroza rroppemarrari, oza panani Sidouarri toccauiuarrine. Naui Sidoza tossoniqquima, ccauarranizapa zama arobeni onini Decaporiza ccarizarrari. Zotodepa Carireacca corizauarri bacco tanirrari.

Maraco 8:22

Nazapa Zeso poua uatimadedeni tezerre oza panani Besaidauarri bacco toquenarrari. Nauicca madirrapa Zesoza nocco siri eccarronemanaza attidenipa: —Zeso ettiza nacassa tinaqui? Itesse nocco bara tarro, inarraro −quenaui nade.

Roca 4:26

Naraha narrarodeni bazimape Eria acco icanabaqquiniuarrine Deo zosse inarrararrari. Zama onihiuarrina Deo Eria zosse inarrari. Oza pamehema narraro oninipe Sarepetauarrina toccarrari. Sarepetape oza panani Sido uarrira taniza oza torrarraro. Nanicca amonerre zodeo rrerarraro maqqui zoqquerrarina acco icanarraro.

Roca 6:17

Nazapa Zeso pocca zozosse tabaqqui 12 quenarrarideni tezerre qquezippaniraha nani tabodi uamo taniuarripa madirra bazima Zeso pouatoui madimanarrari. Nauiuarri Zesocca zozosse tabaqqui bazima queriqquimanarrari. Nauiza naco zama arobeni Zodeacca madirra, oza panani Zerozarecca madirra, ueni imehi inidiza madimanarrarideni, arra oza panani pamehe Tirocca, Sidouarricca rrauirronana canarrari.

Roca 9:10

Zesocca zozosse tabaqqui bacco nanimanazapa poccadeni bobodecca uima uati nanimanarrari. Naui zotodepa Zeso pouadeni pouadenira oza panani Besaidauarri iaccabaqquirrari.

Huano 1:44

Nazama Piripipa Besaida oza pananicca. Pedoro, Adere naco narraro oza pananicca.

Huano 12:21

Zeso uatimade Piripi bacco iquenazapa pouaza uati toquenarrari. Piripipa zama arobeni Carireacca madirra. Oza Besaidaza madirrari. Nazapa pouaza uati toquenarrari: —Zeso qqui inana −quenaui nade.

Tahimarideni 12:20

Naraha tamine Erodipa oza panani Tirocca madirraza boque, oza panani Sidocca madirraza naco boque tarrari. Erodicca madirrapa narrarideniza zamatapa dada iquenaza rrirripemana naraha tamine Erodi pouadeniza uadizapa zamatapa dada paparra quenarrari. Naraha pouadenira queriqquimanazapa: —Rrina, tamine Erodiza rrauirrezimeza icarronerapomana −quenarrari. Naraha taidepa tamine Erodi birri accode onipa Barastozaha rraui torrezimaporrari. Pouaza attidenipa: —Rrari, tamine Erodi iaza torronemaniuiuarrine ia acco ticanabaqquirri −quenarrari Barastoza. Nazapa Barasto Erodiza uati tarrari.

Tahimarideni 27:3

Uada ssiuarrape oza panani Sidouarri uana icanade. Nazapa Paoro cacauade Zoriopa pouaza uati uana taza: —Titessedeni qquide tiqquemorani bica tani −nade. Nazapa poua tessedeniza Paoro toqquemorazapa inarripemanade. Poua cappirauicca naco pouaza da iquenarrari.

Jodacca 1:11

Rraho, narraridenipa uauattarro toquerrenauitoui! Pouadenipa pina maittaccazama Caimicca uima uaidira taporrarossa inanemanarraro. Zinirotouira naco dameraqquiri nazapa pina maittaccazamacca Deo Atti cacomerabote Baramissa quenarrari. Poccadeni ibouerrine pina maittaccazama Core pocca madirrama rricaporrarissa quenauitoui.

Apocalipsis 11:3

Nazapa Deo Atti cacomerabote pamaha ocazossebaqquiuitoui. Etero rriza tanicca pina madirra ocasserani auemanaza uezemanarrarissa narraro uezemanaza uada 1.260 nehe (abazico 42 canaha) nama quenauitoui Deo Atti ehecomeremana nanitoui −narrari.

Apocalipsis 6:12

Nazapa papeo nepi tamaroni onihi 6 nanicca Eueue Bedi itaborraro. Ocattoma cananerre zama nemanehe zaroro narraro. Marripa tozizirrari. Pina etero soueni madirra zoqqueuitoui orri quenaza uezemanarrarissa narraro. Abazico naco tomaccorrari, pina touemenessa nade.