—Naraha rridapanana arra madirra madirizemanarraridenipa pina nerrecorraridenissa quenarrari? −nade. Nazapa pocca marinarra mittemanauissa tauiuarrine arrirraro namiza imadinicca uimaza mari icanabaqquirrari. Poua attipa: —Rrehe, madirra rridapana madirizemanarraridenipa pina erredenideni boroniza rrassi taza poccadeni ittome tossamoza arrauarri rroua, arrauarri rroua quenarrarissa narrari, onarraro.
Mateo 11:15 - Kulina New Testament Brazil15 Nazama teribodeni ticarrimanezape ouatti timittemananissa tarri, onarraro −nade Zeso. Faic an caibideilCulina Mádija15 Nadsama teribodeni ticajimanadsapi ohuatti timittamananissa taji, onajaro −nade Jeso. Faic an caibideil |
Mateo 11:15
17 Iomraidhean Croise
Nazama icatterriza-baqquimanaha rricazapa madirra Deo Poua nacassa tauicca inanemanarrarodenina arra Pouaza toquerrenarrarideni bazima Abi Deocca cacaueheza madimana-zanapozapa pina marri zibehi tarrarissa quenauitoui. Nazama teribodeni ticarrimanezape ouatti timittemananissa tarri, onarraro −nade Zeso.
Tiadenizape rrirripa oppina tauicca carri taui. Madirra nama nauicca rripazapa tettidenipe: “Deoza bica terrerani, Moizecca marinarraza naqui oppina tani” titiquena narraro. Naraha ouattipe arrima narraro: Bazima itaparipa dappi inaza ibodiza torrazapa uimasiri torra-rrerani. Naraha ebenoza uati uati ihinanarrarorrinena madirraza uimasiri ihinanemana narraro.
Namiza uira inezape sahorrine icca ppa taui moro tarraraui. Aua uassa tarrariza carrimaza naqui sahorrinepe ppa taui moro tarraraui. Nazama saho ponima torrezape neborraro. Narraro uimape pina tiadeni naqui arrirraro zamacca madirraza uima bicani tinanemanarizarraro. Nema tizanapomanana. Nema tinanemana-rrerazape ticcadeni rrehenirri ponima torrerana. Nazama teribodeni ticarrimanezape ouatti timittemananissa tarri −narrari Zeso.
Nazapa nocco mota uira narizarraripa nami bicaniza catorrarizazapa mororo canarizaza bica taha napirrari. Bono carririzazapa ede orrariapa bono 100 naha carrirrari. Ede uapimacca nama narizarrari −narrari Zeso. Zeso uati uati taha rricazapa pouadeniza rrazirema uati tarrari: —Nazama teribodeni ticarrimanezape ouatti timittemananissa tarri, onarraro −narrari Zeso.
—Deo Corimepa otauimariza quequeriqquimana narrarideniza uati uati tarrari. Arri bazima titiqueriqquiriza naniuarri teribodeni ticarrimanezape Poua Atti timittemananissa tarri, onarraro. Arri occa dacorehema timadimaneza ouaza rrehe tiquenarraro tinebomane-rrerezape tizoqquemaneraha zoqquehe zotodeccape tinauanemana-rreranitoui, onarraro −nade Zeso.
—Deo Corimepa otauimariza quequeriqquimana narrarideniza uati uati tarrari. Arri bazima titiqueriqquiriza naniuarri teribodeni ticarrimanezape Poua Atti timittemananissa tarri, onarraro. Arri occa dacorehema timadimaneza ouaza rrehe tiquenarraro tinebomane-rrerezape tiadeniza pao oni mana memeuarri tonarrimauicca tirripemananiuarrine da onarizauitoui. Siba moponi naqui tiadeniza da onarizanitoui. Narraro sibazape tiadeni oni zati dozo nani carririzani. Narraro tiadeni onipe tiadenira nauatoqquiri tiquenarraro −nade Zeso.
—Deo Corimepa otauimariza quequeriqquimana narrarideniza uati uati tarrari. Arri bazima titiqueriqquiriza naniuarri teribodeni ticarrimanezape Poua Atti timittemananissa tarri, onarraro. Arri occa dacorehema timadimaneza ouaza rrehe tiquenarraro tinebomane-rrerezape niza Deocca zama bicaniuarri aua bono camittehecca tirripemananiuarrine tiadeniza da onarizauitohui −nade Zeso.
Sanasan