Mateo 11:11 - Kulina New Testament Brazil

¹¹ —Nazama parrissehera tiadeniza uati onarraro: Arri namiza madimanarizarrarideniza naco madirra ouaha pina Zouao Batistassa narrari noueraui. Zouao Batista pouarrinena madirra bodideni otauimaritoui Deocca cacauehecca uima zati inanarrorabaqquiporrari. Narrarorrine Zouaopa namiza madimanarizarrarideni bazimaza deni torrarrari. Naraha niza zotode madirrapa Deocca cacauehecca uima zati torrani qqui toquenaza narraroza toquerrenazapa pouadenipa Zouao Batistaza deni toquerrenauitoui. Madirra arramani torrarrari pina touati nauana tarrari poua naco Deocca cacaueheza torrazapa poua naco Zouao Batistaza deni torrauitoui −nade Zeso.

Culina Mádija

¹¹ —Nadsama pajissara tiadenidsa huati onajaro: Aji namidsa madiridsamanajaridenidsa naco madija ohuaha pina Huano Baotistassa najari nohuerahi. Huano Baotista pohuajinena madija bodideni otahimaritohui Diocca cacahuehecca ima dsati inanajorabaqquipojari. Najarojine Huanopa namidsa madiridsamanajarideni huapimadsa deni tojajari. Naraha nidsa dsotode madijapa Diocca cacahuehecca ima dsati tojani qqui toquinadsa najarodsa toquejenadsapa pohuadenipa Huano Baotistadsa deni toquejenahitohui. Madija ajamani tojajari pina tohuati nahana tajari pohua naco Diocca cacahuehedsa tojadsapa pohua naco Huano Baotistadsa deni tojahitohui −nade Jeso.

Mateo 11:11 Iomraidhean Croise

Mateo 11:10

Arra, Zouao Batistapa maittaccazama poua tezerremacca uima Deo Atti cacomerabote Maraquia dozo inaporraro. Narrarope pina Deopa Cristo-Mesiaza uati taporrarissa narraro: “Taide titauimari touaccade madirra orraria titezerrema zosse onapouitoui. Naui mittemanaza madirra bodidenipa titoui narroremanapouiuarrine, pina tirrauine narroremanaporrarossa inanemananitoui, onarraro” napoui nade Deo Atti −nade Zeso atti.

Mateo 11:12

—Rrehe, Deocca cacauehecca uima zati madirraza torraniuarrine Zouao Batistapa taide mari mari narronaporrari. Rridapana oua naqui maride nema onarronarraroa arrirraroparri. Naraha madirrapa Deocca cacauehecca uimaza nacasseraqquiri naza pouadenirrine narrizoue ssonari ssonari narronarraroparri. Rricaniuarrine dameraqquiri naraha parriremana-rraraui.

Mateo 3:1

Uarrano toccaui uapi taza madirra oni Zouaopa zama arobeni onini Zodeacca uamoni ssono carri, siba carri taniuarri madirra maride torrarrari. Pouaza: Batista, quequenanarrari. (Ettizape: Passo dopaniza niniquide, inarraro.)

Mateo 3:11

—Ouape passo dopaniza tiadeni niqui ozanabaqquirraro, uimasiri tinebomaneza Deotouira tiquenanicca uima auato taniuarrine. Naraha madirra dacorarrari ccarronabote naui. Ouape taide mari mari onaporaha arra zotodecca mamaride ccarronarrarina deni torrarrari. Narrarina Deo Corime tibodideniza madiuiuarrine tiadeniza inanarizauitoui. Pouapa pouaza toquerrena-rrararraridenipa rrororoni rriquerreraniuarri ua izimabaqquiuiuarrine parrirerrari. Ouape arrimani orrani. Pina pocca zozossessa onaniuarrinepe oparrire-rrerani. Poua amoricca sadaria zorrode naqui oparrire-rrerani −naui nade Zouao.

Mateo 5:19

Nazama madirradenipa Deo Atti orrarieza iboqquiri nazapa uimasiri carrimanarrari. Madirra ibo tarrari poua tesse touibouiuarrine mari icanarrari attipa: “Deocca zossenirri motape narro tani, tineborri” nanarra nazapa narraripa Deocca cacaueheza arramani torrauitoui. Naraha madirra ouaha Deocca zossenirri uapimaza ibora tarraripa poua tesseza: “Deocca zossenirri bazimaza ibora tinarri” nanarra nazapa narrarina Deocca cacaueheza deni torrauitoui.

Roca 1:15

Nazama narrari ticca erredenipa Deoza bica taha torrauitoui. Pouapa uva pperrene ze narrarauitoui. Zeze coma tanicca naco ze narrarauitoui. Pouapa tossona-rraraccazama Deo Corime pouaza torrauitoui.

Roca 7:28

—Nazama tiadeniza uati onarraro: Arri namiza madimanarizarrarideniza naco madirra ouaha pina Zouao Batistassa narrari noueraui. Zouao Batista pouarrinena madirra bodideni otauimaritoui Deocca cacauehecca uima zati inanarrorabaqquiporrari. Narrarorrine Zouaopa namiza madimanarizarrarideni bazimaza deni torrarrari. Naraha Deocca cacauehepe uima onihi carrirraro. Narraroa niza zotode madirrapa Deocca cacauehecca uima zati torrani qqui toquenaza narraroza toquerrenazapa Zouao Batistaza deni toquerrenauitoui. Madirra arramani torrarrari pina touati nauana tarrari Deocca cacaueheza torrazapa poua naco Zouao Batistaza deni torrauitoui −narrari Zeso.

Roca 9:48

Nazapa pouadeniza uati tarrari: —Arrarrari erredenissa narrariza tetideni uanaqquiri nezape ouaza naqui tetideni uanaqquiri narraro. Ouaza tetideni uanaqquiri neza naqui oua Cazossede Abi Deoza tetideni uanaqquiri narrarossa narraro. Arra madirra erredeniza uati uana tazapa poua tesseza naco uati uana tarrari. Narraripa madirra bazimaza acco canade damera tazapa poua atti naco: “Ouape arrimani orrani, Deozara ibora onani” nanarra narrarina Deoza bica tarrari. Pocca uima bica tezape pocca deni torrehe parrissehecca auato tarraroparri −narrari Zeso.

Huano 1:15

Nazama arra Zouaopa Zeso tauimari ecomerarizarrarope: —Narrari tauimaria uati onaporrarode: Oua mari mari onaporaha arra zotode mari mari narrarina deni torrarrari. Pouapa nazama madiporrari, ohonanapode −nade Zouao Batista atti.

Huano 1:27

Narrarina deni torrarrari. Ouape taide mari mari onaporaha pouapa zotode mari mari narronauitoui. Ouape arrimani orrani. Pina pocca zozossessa onaniuarrinepe oparrire-rrerani. Poua amoricca sadaria diccade naqui oparrire-rrerani −nade Zouao atti.

Huano 10:41

Nauiza madizapa madirra uapi taha Zeso qquide rraui torrarrari. Nauizana Zouao Batista tauimari bodideni uatome-manaza uimahaha canarraride: —Rrehe, parrissa. Zouaopa canauatori cana-rrararaha pocca uatinarrape Zeso tauimari uati tapouissa naderra −quenade.

Huano 3:30

Zeso deni torrarrazanapoui nazapa bica tani. Oua arrimani orranini naqui bica tani, onarraro −nade Zouao.

Huano 5:35

Zouao Batistapa pina rrorrororo toqueuessiza rrororo canaporrarissa narrari. Poua rrororonepa arra pocca uatinarra tiadeniza bica tade. Pouaza tetetizemana neraha amossi nazapa peperri tiquenade.

Huano 7:39

Arra Zeso uati tarraripa pouaza madirra parrissa quenarraridenina Deo Corime carrimanauitoui, narrari. Naraha Zesopa zoqque, nauatoni, toccamacossani narraraccazapa Deo Corime torrariza-rraraccarrariparrade.

1 Corintodeniza 15:9

Nazama Zeso Cristocca zozosse tabaqqui taideccapa bicaqquiri naraha ouape arrimani orrarrarode. Taidepe Zeso Cristoza toquerrenarrarideni Deo Attiza totoqueriqqui narrarideni ohonarrizobaqqui naccade. Zeso Cristocca zozosse tabaqqui orraniuarrine bica onerrereraha Zeso pouarrinena pocca zozosse orrarrarode.

1 Corintodeniza 6:4

Nazama arrirraro zamaza timadimanaqqueza timecotedeni tezerre uima ticarrimanezape nerrecotouira arrirraro zamacca uima cacattemade-deniuarri rrarraui tirra narraro? Narraridenipa Zeso Cristoza titiqueriqqui naza tiadeniza carrimemana-rraraui.

Epesodeniza 2:3

Ia bazimape taide nema inaporraro. Deoza iboqquiri inarrarode, ibodiza uaidirehe touini inaniccara ihinana narrarode. Ime touini inanicca uaidira taniccaza dameraqquiri inarrarode. Uimasirima issonarrarorrine Deo ia tonarrizo-baqquizapa pina madirra bazima inarrizobaqquirrarissa inanitouiraha.

Epesodeniza 3:8

Zeso Cristoza toquerrenarrarideni mota uapi taha bicaqquiri naraha ouape bica onerrerani. Occa uima rradanipe uaidira tade. Ouape Deocca madirra bazimaza arrimani orrani. Nema oneraha Deona ouaza bica tarrari. Oua tocatterrizazapa tozepe irrie bicani ouaza da inarrarode. Narrarope arri zodeo querrenarrararrarideniza Zeso Cristo tauimari icassiuaueraniuarrinecca uima bicani maride occarizaniuarrine.

2 Timoti 1:10

Pocca touati uanehe iaza auato inananiuarrinepe ia Tonassiuauade Zeso Cristo iauarri zosse inaronarrari. Zeso zoqqueza nauatonizapa parri izoqquerinicca zoqquehe inassamorraro. Poua tauimari icassiuaueraniuarrineccape camittehe rriquerreranicca iaza auato inanarraro.

Ebreodenidsa 11:40

Poua uati taporraricca uima pouadeniza da inerrerarrarope itoui bodi uatorrari. Iaza naqui Poua uati taporraricca inananitoui. Arra Deoza rrehe quenaporraridenipa rricaporaha iazama Deo uati taporraricca carrimanauitoui. Nazana pouadeni, ia bazima itassaqquiza Poua uati taporrari bicabote iaza torrarizanissa tanitoui.

1 Pedoro 1:10

Maittaccazama Deo Atti cacomeraqquiri narraridenipa Deo madirra inassiuauabaqquiuiuarrinecca uima mittemanauissa tauiuarrine touini quenaza Deo Atti dozo naporrarocca ua ua nimanimanacca narrari. Icassiuaueraniuarrinecca uima ehecomerarizemana naza naqui: —Deo madirraza uati cauanari canaza pocca tossiuauehe da inanitoui −quequenanarrari.