Mateo 10:9 - Kulina New Testament Brazil

⁹ —Ticcadeni bobodeza naqui ziniro tiaqquemana terrerarri. Oro poni, prata poni, ccarara onihi naqui poni.

Culina Mádija

⁹ —Ticcadeni benehidsa naqui dsiniro tiaccamana tejeraji. Oro poni, plata poni, ccarara onihi naqui poni.

Mateo 10:9 Iomraidhean Croise

Mateo 10:8

Comaqquiri narrarideni Deocca dacorehema titinanomi-baqquimana nana. Madirra zoqquemanarrarideni naco Deocca dacorehema pouadeni titinauatonimana nana. Madirra zamacoma onini leprarrine rrazimanarrarideni naco Deocca dacorehema uapidenicca titinanomi-baqquimana nana. Madirra bodideniza Tocorime-Taminecca zozosse tabaqqui tocorime madizemanarrarideni naco bodidenicca zosse zosse titininebaqquimana narro, onarraro. Rrehe, tiadenizape manaconi rrirehe Deo pocca dacorehe tiadeniza inanarraro. Tiadeni naqui narrarideni tobiquemani-manazapa manaconitoui uati tiquenerrerarri, onarraro −nade Zeso.

Maraco 6:7

Nazapa pocca zozosse tabaqqui 12 quenarrari ua inabaqquiza zosse inabaqquirizarrari. Arrauarrica rraui topama, arrauarricca rraui topama, arrauarricca rraui topama quenauiuarrine zosse inabaqquirrari. Zesopa pocca nauatoue pouadeniza inanarizarraro. Madirra bodidenicca tocorime naco zosse inineriza-baqquiuiuarrine pouadeni inaparrirebaqquirrari.

Roca 22:35

Nazapa Zeso pocca zozosse tabaqquiza uati tarrari: —Madirra maride tiquerrenarizaniuarrine tiadeni zosse onabaqquipoza rraui tirrarizade. Ticcadeni saco, ticcadeni ziniro, ticcadeni sadaria narraro rrirehe rraui tirrarizarri onezape nerrecora ticappiremanatte? −narrari Zeso. Naraha pouadeni cacomeremanarrari: —Nouerade. Icappira nehe rrauirrariza-rrerade −quenarrari.