Mateo 10:2 - Kulina New Testament Brazil

² Nazama ia pocca zozosse tabaqqui iquerrenarrarope ia oni bazimape arrima inarraro: Taidepa Simao, oni ouaha naco Pedoro. Pedoro poua ouaha onipa Adere. Madirra ouaha onipa Tiaco. Poua ouahapa Zouao. Pouadeni pamahapa Zebedeo bedi.

Culina Mádija

² Nadsama ia pocca dodosse tabaqqui iquejenajaropi ia oni huapimapi ajima inajaro: Tahidepa Ssino, oni ohuaha naqui Pedro. Pedro pohua ohuaha onipa Adiri. Madija ohuaha onipa Satiaco. Pohua ohuahapa Huano. Pohuadeni pamahapa Sebedeo bedi.

Mateo 10:2 Iomraidhean Croise

Mateo 17:1

Zeso poua tezerremacca uima uati taui nattini uada 6 naza ssonouarri Zeso toqquemorazapa Pedoro, Tiaco, Zouao quenarraridenira iaqquemorabaqquirrari. Rraui torremorazapa ssono tetepiuarri bacco tomoremanarrari.

Mateo 20:20

Nezape Zebedeo bedimenipe poni bedi pamaha Tiaco, Zouao quenaza Zesouarri touarriressimanarrari. Poni bodinipe: —Zesopa deni torraui, ouape arrimani orrani −neza Zeso baccouarri poni pitoniza uitta neza Zesoza uati tade: —Oua Maride, tiaza uati onaniuarrineua −nade.

Mateo 26:37

Nazapa poua uatimade 3 quenaha rrina inabaqquirrari. Pouadenipa Pedoro, Zebedeo bedideni Zouao, Tiaco quenarrarideni pouaza denima rraui torrarrari. Nauizana Zeso bodi qquezazapa orribote narrari.

Mateo 4:18

Zeso Carireacca coriza inidi toccabacossaza madirra pamaha qqui inabaqquirrari: Simao poua oni ouaha Pedoro, poua ouaha Adere tezerre. Pouadenipa aba cocorodedeni. Aba corode toquerrenaraha Zeso bacco narronarrari.

Mateo 4:21

Nazapa denima rraui torrabacossanarra Zesopa madirra ouaha poua imecote tezerre qqui inabaqquirrari. Narraridenipa Zebedeo bedideni Tiaco, Zouao quenarrari. Poccadeni abi quenaza darroniza rrassi zarrari. Tarrapa ssequinimade toquerrenaraha Tiaco, Zouao tezerre Zeso ua inabaqquirrari.

Maraco 1:29

Nazapa nani zodeodenicca Deo Atti mamariuarri rrauininezapa Zeso, Tiaco, Zouao quenaza Simao, Aderedenicca ozauarri rraui torrezimarrari.

Maraco 13:3

Nazapa ssono (onini) Rritonauarri quenauiuarri Zeso poua uatimadedeni tezerre rraui torremorarrari. Narraro ssonope Deoza dada toqquimauarri auato tarraro. Nauiza Zeso uittaza Pedoro, Tiaco, Zouao, Adere quenarrarideni pouadenira Zesoza uati toquenarrari:

Maraco 6:30

Nazama Zouao Batista zoqqueui natti Zeso pocca zozosse tabaqqui zosse inabaqquiporrarideni rrauiniqquirrari. Zesoza poccadeni bobodecca uima uati nanimanarrari: —Uima bicani zati mari icanabaqqui-rizaderra. Ticca deni torrehe iaza tinanarrarorrine madirra coma tarrari naco inanomibaqqui-rizaderra −quenaui nade.

Roca 11:49

—Nazama Deopa Poua bodi nauato tapozapa arrama narrari: “Madirradeniza Ouatti cacomeraqquiri narrarideni zosse onabaqquiuitoui. Occa zozosse tabaqqui naco pouadeniza zosse onabaqquiuitoui. Naraha motapa inarriquemanauitoui. Motana rricauiuarrine itaqquizo-rizemanauitoui” napoui nade Deo.

Roca 22:14

Rripemanauiuarrinecca marri bacco tazapa Zeso pocca zozosse tabaqqui tezerre rripemanauiuarrine zamatapa uauanariza rrassi nauarranirrari.

Roca 22:8

Naza Zesopa Pedoro Zouao tezerre zosse inabaqquirrari: —Rridapana Pascoacca rripaqquie tinarroremanaporri, zome irripaqquiniuarrine −narrari.

Roca 5:10

Arra Simao poua tesse Zebedeo bedideni Tiaco, Zouao quenarrarideni naco: —A nerrecotoui aba uemarrari? −quenarrari. Bazima cappinemanaraha Zesopa Simaoza uati tarrari: —Ticappina terrerarri. Rridapanape madirra maride tirrana. Taidepe aba tiaza torrauiuarrine tizepe ihirri naccaderra neraha rridapanape madirra Deoza toquerrenauiuarrine tizepe irrizanaponitoui −narrari Zeso Simaoza.

Roca 9:10

Zesocca zozosse tabaqqui bacco nanimanazapa poccadeni bobodecca uima uati nanimanarrari. Naui zotodepa Zeso pouadeni pouadenira oza panani Besaidauarri iaccabaqquirrari.

Huano 12:22

Nazapa Piripi poua tesse Aderetoui toccarrari, Cresiadenicca uima uati tauiuarrine. Nazapa Zeso madiuiuarri uima uatide touedarrari.

Huano 13:23

Nazapa poua uatimade orraria Zeso pouaza uati uana tarraria poua uinoriza rriparraride.

Huano 20:2

Nezape Maria rroppa nanirraro, Simao-Pedoro oua inarrarodeniza bacco nanirrarode. Ouape Zeso poua uatimade. Ouazana denima uati uana tarrari. Maria attinipe arrima nanide: —Zeso noccobiri touabaparra! Poua assire idinemanaza zorro iquenarrarirana. Nerrecouarri ibemananarra? Ssamomo inani −nanide Maria Madarenauarricca attini.

Huano 21:2

Naniza iqueriqquirrarope Zeso poua uatimadedeni 7 inade. Simao-Pedoro, Tome (poua tessedeni pouaza: Papamade quequenanarrari), Natanaeo (zama Carireacca oza panani Canacca madirra), Zebedeo bedi oua, ocote Tiaco, denima Zeso poua uatimade ouaha pama nade.

Huano 21:20

Nazapa Pedoro poua nattiuarri qqui naninarra, Zeso uatimade oua pouadeni natti occamissarrarode. Ouazana Zeso uati uana tarrari. (Ouana errete Pascoacca zome taideccaza irripaqquiza Zeso uinoriza ouittariza pouaza uati onarrarode: —Nerrecorrarina tia ccaccorauiuarrine? −onade Zesoza.)

Huano 21:24

Arrirraro uima nemanehepe parrissa. Zeso uatimade oua qqui onarraro dozo onarraro. Nazama narrarope nauatoqquiri inarraro. Narrarope parrissa.

Huano 6:67

Nazapa Zeso poua uatimade 12 inarraroza uati tade: —Tiadeni naqui: “rrauirranina” tiquenaqui? −nade.

Huano 6:70

Nazapa Zeso uati tapomade: —Arri 12 tiquenarrarope tiadeni ocatterriza-baqquirrarode. Naraha orrariapa pina oua uauadi Tocorime-Taminessa naui −nade.

Huano 6:71

Arra Zeso uati tarraripa Simao Iscariote bedi Zoda tauimari uati tarraride. Zeso poua uatimade 12 ineraha narrari orrariana Zeso ccaccorade torrarraride.

Huano 6:8

Naraha Zeso uatimade orraria onipa Adere, pouapa Simao-Pedoro ouaha narrarina zabisso pao carriui qqui tazapa Zesoza uati tarraride:

Tahimarideni 1:13

Nazapa ozauarri bacco nanimanazapa oza tetepiuarricca coba canauarraninizana rraui torramaronizapa nauiza madimanarrari. Nauiza madidepa: Pedoro, Zouao, Tiaco, Adere, Piripi, Tome, Batoromeo, Mateo, Arapeo bedi Tiaco, Simao, pouaza rromanodeni momouade quequenanarrari, Tiaco bedi Zoda quenarrari.

Tahimarideni 1:26

Nazapa pouadeni pamahaza: —Nerrecorrarina Zoda zepe irrirrariccaza torrauiuarrine? −quenaza siba bedeni pamehe izabemaneza: —Arrirrarope Zozecca, arrirrarope Matiacca −quenaza zamineza icodizemana neza qqueze qqueze quenaza orrarie ssonezape: —Matiana parra –quenarrari. Nazapa Matia Zesocca zozosse tabaqquiza torrarrari. Nazapa 12 quenapomarrari.

Tahimarideni 12:2

Nazapa poua attiza Zouaocca ato Tiaco toponi uauarrinaza inanazoqque-manarrari.

Tahimarideni 3:1

Nazapa uada onihiza Pedoro Zouao tezerre Deoza dada toqquimauarri marri touenarronarrari pina 3'za touedezimarrari. Narrari marriza zodeodeni Deoza uatide rrarraui torrezima narrari.

1 Corintodeniza 15:7

Naui zotode Tiacoza naco auatonipomarrari. Naui zotode naco pocca zozosse tabaqqui bazimaza auatonipomarrari.

Epesodeniza 4:11

Nazama madirraza da inarizarrarope zepedeni irrimanauiuarrine inanarizarraro. Ouahadenipa Zeso Cristo pocca zozosse tabaqqui toquerrenauiuarrine inanabaqquirrari. Ouahadenipa Deo Atti uati iqquime-mananiuarrine inanabaqquirrari. Ouahadenipa Deo Atti ecomeremana-rizeza Zeso Cristo pouaza rrehe quenauiuarrine zosse inabaqquirizarrari. Ouahadenipa Deocca madirra cacauade toquerrenauiuarrine inanabaqquirrari. Ouahadenipa Deo Atti mamaride toquerrenauiuarrine inanabaqquirrari.

Ebreodenidsa 3:1

Rrehe ouimecotedeni, Deopa pocca madirra pouaza bicaqquiri tiquenaniuarrine tiadeni tocatterrizabaqquirrari. Nema nezape Zesoza tibodideni uatonissa tarri, onarraro. Pouaza rrehe inezape poua tauimari ehecomera narraro. Pouapa Imehi Deocca zossenirri ccaronarrari, iaza Imehi tauimari uati tauiuarrine. Poua naco icca uima uauati toqquimade deni torrauicca. Icca uima Imehiza uati uati tarrari, inarraro.

1 Pedoro 1:1

Nirra ouimecotedeni? Ouape Pedoro, Zeso Cristocca zozosse orrarraro. Tiadenipe Deocca tocatterrizabaqquinarra tiquerrenarraro. Zeso Cristoza rrehe tiquenarrarodeni ticcadeni zamaza timadimanaporaha tiadeni totamouabaqqui-manaza tirraribaqquimanarrarode. Nezape zama Pontouarri, Carasiauarri, Capadosiauarri, Asiauarri, Bitiniauarri timadirizemanarrarodeniza occa uima dozo onarraro.

2 Pedoro 1:1

Nirra ouimecotedeni? Ouape Simao-Pedoro, Zeso Cristocca zozosse orrarraro. Pocca marinarra mari ocanabaqqui-rizauiuarrine oua cazosserrari. Nezape occa uima teppe tiadeniza dozo onapomarraro. Zeso Cristopa icca Deo, ia Tonassiuauade. Pouapa tiadeniza bica tarrari, pocca uima tiadeniza parrirenissa tarraro. Pouarrinena pouaza parrissa tiquenarraro, pina ia pouaza parrissa inarrarossa tiquenarraro.

2 Zouao 1:1

Nirra ouimecotedeni? Ouape Zesoza rrehe quenarrarideni cacauade orrani. Deo Attiza titiqueriqqui narrarodeni bazima Deocca tocatterrizabaqquinarra tiquerrenarraro. Deocca parrisseheza iquerrenarrarorrine tiadeniza ouati uana tarraro. Oua orrari onerrerani, arri ia bazima Deocca parrisseheza nauatoqquiri inarrarope tiadeniza eti uanaqquiri narraroparri.

3 Zouao 1:1

Nirra Caio? Otesse bica tinade, tiaza dozo onarraro. Ouape Zesoza rrehe quenarrarideni cacauade orrani. Deocca parrissehecca uimaza rrehe tezape tiaza ouati uana tarraro.

Apocalipsis 1:1

Deona Zeso Cristoza itezerremacca uima auato inanaporraro. Manaco Zeso Cristopa pocca zozossedeniza auato inananiuarrine. Arrirraro uima iaza auato inananiuarrine Zeso Cristo pocca zozosse memeuarricca zosse inaronazapa ouaza uati tarrari. Pouarrine qqui onarraro. Ouape Zouao, Zeso Cristocca zozosse orrani.

Apocalipsis 1:9

Ouape Zouao timecotedeni orrani. Titezerredeni Deocca cacaueheza iquerrenarraro. Madirra Deo Attiza nacasseraqquiri narraripa ia totonarrizo-baqquimana narrari. Naraha Zeso Cristorrinepe uima inauananiuarrine iparrireni. Ouape ueni nocconiza zama uittacossani Patimoza oua inebomanezape pina toponi cocoroza ouezarrarossa narraro. Deo Atti maride orrarizeza, Zeso Cristo tauimari ouaccora-rizezape Pouaza nacasseraqquiri narraridenirrine tozepe orrarraro.

Apocalipsis 18:20

Nezape memeuarri timadimanarrarodenipe arrirraro oza panani rricarraroza tetizemanarri! Zeso Cristocca zozosse tabaqqui, Deo Atti cacomeraqquiri narrarideni, Deoza tiquerrenarrarodeni bazima tetizemanarri. Ponirrine nanarrizo tiquerrenarizaporraro manaconi rridapanana Deo inarrizorraro.

Apocalipsis 22:8

Ouape Zouao, arri rridapanacca, itezerremacca Deorrine bazima ouaza auato inaneza omittarraro, qqui onarraro. Narraro rriquezape Deocca zozosse ouaza uati uati tarrari baccouarri opitoza ouittarraro, pouaza ouatizeniuarrine.