Mateo 10:1 - Kulina New Testament Brazil

¹ Nazapa Zeso itoui pocca zozosse tabaqqui 12 inarraro, itoui uaua nazapa iaza pocca nauatohe inanarizarrarode. Nezape ia naqui madirra bodidenicca tocorime zosse inineriza-baqquiuiuarrine ia tonaparrire-baqquiuissa tarrari. Nazapa iaza pocca nauatohe inanarizeza naqui comaqquiri narrarideni naco comani onihi, onihi carririzemanaraha ihinanomi-rizabaqqui nauiuarrine ia tonaparrire-baqquirraride.

Culina Mádija

¹ Nadsapa Jeso itohui pocca dodosse tabaqqui 12 inajaro, itohui huahua nadsapa iadsa pocca nahatohue inanaridsajarode. Nadsapi ia naqui madija bodidenicca tocorime dosse inineridsa-baqquihijine ia tonapajira-baqquihissa tajari. Nadsapa iadsa pocca nahatohue inanaridsadsa naqui comaqquiri najarideni naco comani onihi, onihi cajiridsamanaraha ihinanomi-ridsabaqqui nahijine ia tonapajira-baqquijaride.

Mateo 10:1 Iomraidhean Croise

Mateo 19:28

Naraha Zeso iaza uati tade: —Parrissehera tiadeniza uati onana: Ouape Madirra Bedi orrarraroa niza arrirraro zama Deorrine zati torrezape occaronapomanitoui. Nezape deni orranicca uiuittari bicaniza ouittariza zosse zosse onanitoui. Nazana tiadeni 12 tiquenarraro naqui uima cacauadecca uiuittari 12 nehe cacauittari narraroza rrassi tinaririzanitoui. Nezape icca madirra zodeodeni arra icca idi Izarraeo poua bedi 12 quenarrarideni potemauicca uima ticattememananitoui −nade.

Mateo 26:20

Nezape narraro zomeza ia Zesocca zozosse tabaqqui 12 inarraro poua tezerre zamatapa uauanariza irripaqquiniuarrine rrassi inauarranirrarode.

Mateo 26:47

Zeso uati uati naccaraha Zoda bacco narronarrari. Zodapa Zesocca zozosse tabaqqui 12 quenarrarideni orraria. Pouana madirra uapi taha eccarronabaqquirrari. Rrazirecca massito eccarronemana, uauacca eccarronemana narraro. Pouadenipa dada toqquimade taminedenicca zossenirri, ime rrocouidenicca zossenirri rrauirronarrari.

Mateo 4:23

Zesopa Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarri mari mari nanariza narrari. Pouapa Deocca cacauehecca uima bicani ehecomerariza narraro. Comaqquiri narrarideni naco comani onihi, onihi carririzemanaraha bazima ihinanomi-rizabaqqui narrari.

Mateo 6:13

Uimasiritoui ibodi uatoza naqui narraro touini inerreraniuarrine ia acco ticanabaqquirri, uimasiri inana-rreraniuarrine, inarraro. Uaidirehe rrinede Tocorime-Tamine pouauarri ia rroca tozimanibaqqui-rrarauiuarrine ia tecauabaqquinissa tarri, inarraro. Tiana ia bazima tecauabaqqui-zanaporraro. Daco tirrirani! Bica tinani! ihizanapo narraro. Peperri.”

Mateo 9:35

Nazama Zesopa oza panani onihi, onihi narizarraroza, oza capamema narraro onihi, onihi narizarraroza bacco bacco nanariza nazapa poccadeni Deo Atti mamariuarri mari mari nanariza narrari. Zesopa Deocca cacauehecca uima bicani mari mari nanariza narrari. Comani onihi, onihi carririzemanarrarideni naco ihinanomi-baqquiriza narrari.

Mateo 9:38

Nezape uizarra rrinede Deoza uati tiquenarri, Poua Atti maride zosse inabaqquiza bono bitede touapiuiuarrine −nade Zeso.

Roca 10:19

Occa dacorehe tiadeniza onanarizarrarope arra Tocorime-Taminecca dacorehe carrimanarrarideniza tiadenina deni tiquerrenanitoui. Nazama oppina tanicca pina macca ttai tinanaqquimanaza tiadeni cca toza-rrarauitoui. Zomouassa naco ttai tinanaqquimanaza tiadeni ttodi toza-rrarauitoui. Tocorime-Tamine poua, pocca dacorehe carrimanarrarideni naco tiadeni tonarrizobaqquimana-rrarauitoui.

Roca 21:15

Tettideni tecomeremananiuarrinepe tiadeni acco ocanabaqquinitoui, tiadeni uadidedeni tettideni inassamomana-rreraniuarrine, uima uatide nauatoqquiri tiquenaniuarrine. Nazapa pouadeni attina tettideniza arrimani torranitoui.

Roca 24:49

Neraha taidepe Zerozareza timadimanaccarri. Niza occa Abi Deo uati taporrarissa narrari ouana tiadeniza zosse onaronauitoui. Narrari Deo Corimena tiadeniza torrarizauitoui. Pouapa Deo memeuarri madirraricca dacorehe tibodideniza inanarizanitoui. Nezana otauimari mari tarizemananiuarrine −narrari Zeso.

Roca 6:13

Cassiuarrazapa pocca mamari tabaqquiza uaua narrari. Bazima queriqquimanaza 12 quenaha icatterrizabaqquirrari, poua uatimade toquerrenauiuarrine. Nazapa Zeso onideni icanacanibaqquirrari: —Occa zozosse tabaqqui −narrari.

Huano 17:2

Arri oua ticca erredenipe madirra bazimaza tirrine tamine orrarraro. Arra ouaza tinanabaqquirraridenipa pouadeniza camittehe rriquerreranicca da onarizaniuarrine.

Huano 3:27

Naraha Zouao pouadeniza uati tade: —Deopa madirra zepe irriuiuarrine pouaza da inerrerezape nama narraraui. Naraha Deo madirra zepe irriuiuarrine pouaza da inezape zepe irrie carriui −nade.

Huano 3:35

Imehipa Bediza uati uana tarrari. Poua Bediza pocca nauatonarra uapima pouaza inanarraro.

Huano 6:70

Nazapa Zeso uati tapomade: —Arri 12 tiquenarrarope tiadeni ocatterriza-baqquirrarode. Naraha orrariapa pina oua uauadi Tocorime-Taminessa naui −nade.

Tahimarideni 1:8

Naraha Deo Corime ccarronabote naui. Tibodideniza torrarizazana pocca dacorehe ticarrimananitoui. Nazana otauimari maride tiquerrenarizaniuarrine. Arri timadimananicca oza panani Zerozareza maride tiquerrena, ticcadeni zama Zodeaza maride tiquerrena, Zodea uinorinicca zama Samariaza maride tiquerrena narizaniuarrine, onarraro. Arra zama uarri tanicca madirizemanarrarideni naco bazima otauimari mittarizemanauiuarrine teccorarize-manana. Arri ouaza rraui tirrarizeza qqui tiquenarrarocca uima, occa marinarra timittemanarrarocca uima naqui mari ticanabaqquirizana, onarraro –narrari Zeso.

Tahimarideni 19:15

Nazapa uada onihiza Seba bedi madirra poua bodiza tocorime siri, mona madirrariza nama quenapomaraha arra poua bodicca tocorime siri uati tarrari: —Rrehe, Zeso attipa nauato onani, Paoro atti naco nauato onani. Naraha tiadenipe nerrecorrari madirra tiquerrenani? −narrari.

Apocalipsis 12:1

Uima nauatoqquiri inaniuarrine memeuarri amonerre auatorraro. Ponicca eterope pina marri ssiuerrenessa nehe uezarraro. Abazico tetepiza uarirraro. Tatiniza tamine taticca uittarirrariza amouadeni 12 canaha carriuarranirrari.