Maraco 8:2 - Kulina New Testament Brazil

² —Madirraza ouati cauanariri canani. Uada 3 nehe ouaza rrauirizazapa pouadeni tapari rricarrari.

Culina Mádija

² —Madijadsa ohuati cahanariri canani. Huada 3 nehe ohuadsa jahiridsadsapa pohuadeni tapari jicajari.

Maraco 8:2 Iomraidhean Croise

Mateo 14:14

Nazapa Zeso darroni uana tocaneza toqquemorarrari. Nanarra madirra pouatoui rraui torrarrarideni bacco toquenapoza domo uaui qqui inabaqquirrari. Nazapa pouadenitoui uati cauanari canazapa comaqquiri narrarideni inanomiriza-baqquirrari.

Mateo 20:34

Nazapa Zeso touideni uati uana taza noccodeni bara inabaqquizapa amazati noccodeni ssire-re nade. Nazapa Zesoza touedade.

Mateo 9:36

Zeso madirra pouatoui rrauirronana canaui qqui inabaqquizapa pouadenipa pina eueue pouadeni cacauade rriraha pouama mamadiri narizemanarrarissa quenarrari. Nama quenazapa Zeso poua bodiza: —A, touati nauanaqquiri naui −naza pouadenitoui uati cauanariri canarizarrari. Madirra bazimapa pouadeni acco canade, pouadeni maride cappiremanazapa pina eueue pouadeni cacauade noueraza nanarrizo toquerrenarrarissa quena taui.

Maraco 1:41

Nazapa Zeso poua bodiza: —Touati nauana taui −naza poua zepeza bara inaza: —Rrehe, touini onani. Tibicarri −narrari.

Maraco 5:19

Naraha Zeso attipa: —Poni, ticcanirri. Ticca ozauarri ticca madirraza tirranirri. Ticca madirraza uati tinabaqquina: “Onomirrarope Deorrine. Deopa ouaza uati uana tarrari” tinanina −naui nade Zeso.

Maraco 6:32

Nama nazapa Zeso pocca zozosse tabaqqui tezerredeni todidi taniuarri rrassi quenauiuarrine darroniza touaqquemanarrari.

Maraco 6:34

Uana tocanemanaza Zeso toqquemorazapa madirra domo ueri naui qqui inabaqquirrari. Pouadenipa pina eueue pouadeni cacauade rriraha pouama mamadiri narizemanarrarissa quenarrari. Nazapa Zeso poua bodiza: —A, touati nauanaqquiri naui −naza pouadenitoui uati cauanari canarrari. Nazapa pocca uima onihi onihi nehe pouadeni mari icanabaqquirrari.

Maraco 8:3

Naraha rripemanauiuarrine poccadeni ozauarri zosse onanibaqquizapa pemi uatiacossarra canimarana. Motadenipa zamarideni uarri tani −naui nade Zeso.

Maraco 9:22

—Uarrirriraza quiza inanazapa zippoza naco ihinassonizana narrari. Passoza naco ihinassonippa nanarra narrari, inanazoqqueuiuarrine. Nezape Zeso tiana nauato tinanitide. Iaza teti uana tarri, ia acco ticanabaqquiniuarrine −naui nade Zesoza.

Roca 15:20

—Nazapa pocca abiuarri toccanirrari. Toccanirrari… bacco tanibote naza pocca abipa uarri taraha pocca erredeni ccaniui qqui tarrari. Qqui tazapa pocca erredeniza uati uana tarra narrari. Rroppa tauizarra rrari, poua dama, icauarrocossa, pano mose inarrari.

Roca 7:13

Naraha Zesopa poniza uati uana tazapa: —Orri terrerarri −narrari.

Ebreodenidsa 2:17

Pouapa pina iassa narrarirrine ia acco canade parrireuissa tarrari. Nama nazapa poua poua ccaccoraza zoqquezapa icca danirri Deoza torrarrari. Narraria icca uimasiri manaconi torrarrari. Pouaza parrissa inezape Deopa iaza: —Peperri, tiaza ouadi-rrerani. Ticca uimasiri ouati rrimani −narrari. Narrarorrine —Zesopa icca danirri Deoza dada toqquimade deni torrauicca −inarraro. Pouapa iaza uati uana, Imehi Deoza uati uana tarrari. Maizera tarrari, Imehi Deoza damera tarrari.

Ebreodenidsa 4:15

Arra icca uima Deoza uauati toqquimade deni torrauicca Zeso pina iassa naha namiza madizapa uimasiri totonanade nattome inarrari. Pina ia nanattome narrarissa narrari. Uimasiri totonanade attia: —Zesopa ouattiza ibora taco? Ibo tarana? −naraha Zesopa Imehi Deozara ibora taza uimasiri inana-rrerarraro. Nama nazapa iaza uati uana taui. Ibodi mirrira tani nauato taza ia acco canade nacassa taui.

Ebreodenidsa 5:2

Deoza dada toqquimadepa Deoza zepe irriraha poua naco madirrarra narrari. Deoza ibora tauissa tauirrine pouaza naqui narro tani. Nama nazapa Deo Atti mittemanauissa tarrararrarideniza uati uana tazapa mouaraza uati uati ihicanabaqqui narrari.