Maraco 5:2 - Kulina New Testament Brazil

² Nauizana Zesopa toqquemoraraha madirra bodiza Tocorime-Taminecca zozosse madizarrari tonoccobiriuarri qquenaza Zesoza bacco zipparrari.

Culina Mádija

² Nahidsana Jesopa toqquemoraraha madija bodidsa Satanacca dodosse tocorime madidsajari tonoccobirihuaji qquenadsa Jesodsa bacco dsippajari.

Maraco 5:2 Iomraidhean Croise

Maraco 1:23

Nazapa Deo Atti mamariuarri madirra poua bodiza Tocorime-Taminecca zozosse tocorime carrirrari naco uittarirrari. Zeso qqui tazapa poua bodiccarrine rrazirema atti atti narrari:

Maraco 1:26

Nazapa tocorimerrine narrari madirra touedimazapa pitora pitora narrari. Nazapa rrazirema rroua rroua nazapa poua bodicca qquenarrari.

Maraco 3:30

Arra Zeso atti nama narraria zodeodenicca marinarra maridedeni maizemanaza: —Zesopa Tocorime-Taminecca dacorehe carrirrarirrine canauatoriri canarizarrari −quenazapa manaco Zesopa pouadeniza uima oppina tani uati tarrari.

Maraco 3:9

Nazapa madirra sibema toqueriqquirrari, naza Zeso poua uatimadedeniza uati tarrari: —Darroni qqui ticanemanarri. Niza naniza oqquezaniuarrine. Madirra uapi taha rrauirronaui ia mere inanemanerana −naui nade.

Maraco 4:1

Zesopa coriza inidiza maride torrapomarrari. Madirra ouaha ouaha quenaha pouaza toqueriqquirrari. Madirra pouaza panauicca torrazapa Zeso corizacca darronizana toqquezazapa darronicca uiuittariza uittarirrari. Nazama madirrapa naui coriza inidicca ssiquiza domo uarrari.

Maraco 4:36

Nazapa pouaza queriqquimanarrarideni inebobaqquirrari. Zesopa narraro darroniza uittariza maride torraraha maride rricaza parra iaqquemanariui narrari. Madirra ouahadeni naco darroni onihiza touaccamissemanarrari.

Maraco 5:21

Zesopa poua uatimadedeni tezerre darroniza rrippeuarri touaccanimanarrari. Bacco tanimanazapa madirra Zeso qquide rrauizippappa canarrari. Zesopa coriza inidiza uarrari.

Maraco 5:3

Pouapa tonoccobiriza mamadi narrari. Nazapa naui Zerasauarricca madirrapa birri rrore iquenaraha rroca tarrorro, rroca tarrorro narrari. Isso naco rrore iquenaraha ttai tarrorro, ttai tarrorro narrari. Corritiza naco rrore iquenaraha pouarrine tarroppi tarroppi narraro. Rrore iquenapomaza naco nama zanapozapa pouaha deni torrazanaporrari. Rrore iquenaza ecauemanauiuarrineraha rrorrorededeni arramani toquerrenazapa parra inebomanariui narrari.

Maraco 7:25

Nanerre amonerre —Zeso arraza bacco naui −quenaui uima mittezape pouatoui toqquezimarraro. Poni bedeni bodiniza tocorime carrirraro. Imeni bodinipe: —Arrarrarina occa erredeni inanomiuiuarrine parrireui −nezape Zeso poua baccouarri poni pitoniza uittarraro.

Roca 8:27

Nauiza Zeso toqquemorazapa nauicca ozacca madirra orraria pouaza bacco narrari. Narrari madirrapa Tocorime-Taminecca zozosse tocorime carrirrari. Narraripa tocorimerrine ccororre mamadi narrari. Ozaza madi-rraraui. Tonoccobiriuarrina mamadi narrari.

Roca 9:42

Naraha erredeni Zesouarri touarrirazapa tocorime sirirrine touedimarrari. Pouarrine pitora pitora naraha Zeso poua zosse ininerrari. Poua attipa: —Tocorime siri uaidirabote! Erredeni tineboza tiqquenarri, onarraro! −narrari. Nazapa qquenaza amazati erredeni tonomirrari. Nazapa Zeso erredeni imehiza inananirrari.