Maraco 4:4 - Kulina New Testament Brazil

⁴ Zamatapa nocco uira inarizarrari. Naraha motapa rrauiuarri catorrarra narrari. Nazapa ppiriri rrauironaza amazati saca iquenarrari.

Culina Mádija

⁴ Nocco huira inaridsajari. Naraha motapa jahuihuaji catojaja najari. Nadsapa ppiriri jahironadsa amadsati saca quinajari.

Maraco 4:4 Iomraidhean Croise

Mateo 13:19

Nocco uira inarizarrari mota rrauiuarri catorrarraripa pina madirra Deocca cacauehe tauimarini mittemanaraha rra quena-rraraza pina mittemaneraui nazapa bodideniza Deo Atti toqquezima-rrerarrarossa narraro. Arra ppiriri nocco saca inarizarraripa pina maizehe rrinede Tocorime-Tamine ccarronaza bodideni inassamobaqquirrarissa narraro. Nazapa Deo Atti pouadeniza nouerarraro.

Mateo 13:4

Nocco zamatapa uira inarizarrari. Naraha motapa rrauiuarri catorrarra narrari. Nazapa ppiriri rrauironaza amazati saca iquenarrari.

Maraco 4:15

Zamatapa nocco uira inarizarrari mota rrauiuarri catorrarraripa pina madirra Deo Atti mittemanaraha pouadeni bodi iboqquiri nazapa bodideniza Deo Atti toqquezima-rrerarrarossa narraro. Arra ppiriri zamatapa nocco saca inarizarraripa pina maizehe rrinede Tocorime-Tamine ccarronaza bodideni inassamobaqquirrarissa narraro. Nazapa Deo Atti pouadeniza nouerarraro.

Maraco 4:3

—Titauaribobo canarri. Uizarra ppappadepa pocca uizarra uirade toccarrari.

Maraco 4:5

Arra zamatapa nocco uira narizarrari mota naco siba ccababa taniza catorrarrari. Nanizape nami bicani bazira teraha nama naha uassinarra moro tarrari.

Roca 8:12

Zamatapa nocco uira inarizarrari mota rrauiuarri catorrarraripa pina madirra Deo Atti mittemanaraha pouadeni bodiza torra-rreraniuarrine maizehe rrinede Tocorime-Tamine ccarronazapa pouadeni bodicca Deo Attipe amossi inanarizarraro. Narraripa pina zamatapa nocco rrauiza catorraza ahauatori nazapa ppiriri saca inarizemanarrarissa narrari. Narrarossa narraroa maizehe rrinede Tocorime-Taminerrine bodideni inassamobaqquizapa Deoza parrissa quena-rraraza tocassiuauera-rrarauitoui.

Roca 8:5

—Rrehe, uizarra ppappadepa pocca uizarra uirade toccarrari. Uizarra bacco tazapa uirade torrarizarrari. Cazi uira, cazi uira, cazi uira narizarrari. Arra zamatapa nocco uira inarizarrari motapa rrauiuarri catorrarrarirrine ttai ttai torrarizarrari. Nocco ahauatori nazapa ppiriri saca iquenarrari.