Maraco 12:9 - Kulina New Testament Brazil

⁹ Nazapa Zeso pouaza queriqquimanarrarideniza uati tarrari: —Rrari, tibodideni uatorri. Uizarra rrinede pouadeniza nerrecoma napazarra? Pouapa bacco naniza uizarra cacauadedeni inarricazapa uizarrape madirra ouahadenizana da inanitoui −naui nade Zeso.

Culina Mádija

⁹ Nadsapa Jeso pohuadsa queriqquimanajaridenidsa huati tajari: —Jari, tibodideni huatoji. Huidsaja jinede pohuadenidsa ¿nejecoma napadsaja? Pohuapa bacco nanidsa huidsaja cacahuadedeni inajicadsapa huidsajapi madija ohuahadenidsana da inanitohui −nahi nade Jeso.

Maraco 12:9 Iomraidhean Croise

Mateo 12:45

Nazapa tocorime toccapomaza poua tessedeni tocorime 7 quenaha rrina inanibaqquirrari. Narraridenipa denima uaidiraqquiri naraha poua tezerre rraui torrezimarrari, madimanauiuarrine. Nazama uima nema narraro madirraza torrezape pocca madie uaidira taporaha zotodepe denima touaidirarraro. Tiadeniza narrarossa narraro torranitoui. Rridapana uaidiraqquiri tiquenehe timadimanarrarodeni otauimariza parrissa tiquenerrerezape ticcadeni madie denima touaidiranitoui −nade Zeso.

Mateo 21:34

Uva bono rradauicca abazico bacco tazapa uizarra rrinede uarri taniza madiraha pocca uva bonotoui pocca zozosse tabaqqui zosse inanibaqquirrari.

Mateo 21:43

—Nezape tiadeniza arrima onarraro: Deopa pocca cacauehe tiadeniza torraniuarrine narroraporaha Poua Bedi tettarromanazapa pocca cacauehepe idininitoui, madirra ouahadenizana da inaniuarrine. Narraridenina Deoza iboraqquiri naza poccadeni madieza uima bicani auato tanitoui.

Mateo 22:7

—Nazapa tamine uadizapa pocca isso teppeppe icazossebaqquirrari, pocca zozosse tabaqqui rricarrarideni acconedeni rricauiuarrine. Inarricabaqqui-manazapa poccadeni oza naqui botta inarizemanarraro.

Maraco 12:10

Nazapa Zeso poua tauimari pouadeniza auato taniuarrine Deo Atti dozo nanicca uati tarrari: —Tiadenipe Deo Atti dozo nanicca ua ua titiquena neraha siba uauattarro torrarraro tauimarini tetideni rrimemanarraroqui? Uimape arrima narraro: “Oza sibaza icanauatomananiuarrinepe nanauatodedenipa siba orrariepe ettarromanani nade. Naraha zotodepe narraro sibana oza daco carriraniuarrine torrarraro.

Maraco 12:8

Nama quenazapa uizarra rrinede bedi dama iquenaza inanazoqque-manazapa uizarra ideniuarri coro iquenarrari −naui nade Zeso.

Roca 19:27

Nazama arra ouaza boqueqquiri narrarideni tamine orraniuarrine nacasseraqquiri narrarideni ouauarri teccarronabaqquimanaza obaccouarri domo uazapa tinarrica-baqquimanarro” narrari tamine torrezati atti –narrari Zeso.

Romanodenidsa 10:20

Deo Atti cacomerabote Izaia naco cappinera taza Deo Atti ecomerarraro: —Madirra ouahadeni naco Otoui quena-rrararaha Ouaza bacco toquenarrari. Otoui quena-rrararaha occa uima pouadeniza auato onanarraro −naui nade Deo.