Maraco 12:12 - Kulina New Testament Brazil

¹² Nazapa dada toqquimade taminedeni, zodeodenicca marinarra maridedeni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenaui nade. Nazapa Zesoza boquemanaza: —Zeso tozepe inanana −quenaraha madirra noppinedeni cappinemanazapa paparra quenaza rraui torranirrari.

Culina Mádija

¹² Nadsapa dada toqquimade taminedeni, jodiodenicca marinaja maridedeni quinadsa Jesocca marinaja mittamanadsapa bodideni nahatoqquiri najari: —Jesopa icca ima huati huati tajari, iapi pohua ettajojarijine −quinahi nade. Nadsapa Jesodsa huadimanadsa: —Jeso todsepe inanana −quinaraha madija noppinedeni cappinamanadsapa apaja quinadsa jai tojanijari.

Maraco 12:12 Iomraidhean Croise

Maraco 11:18

Naraha dada toqquimade taminedeni, zodeodenicca marinarra maridedeni tezerre narraro uima mittemanazapa Zesoza nacasseraqquiri narrari. Madirra bazimapa Zesocca marinarratoui dameraqquiri nazapa taminedeni, mamaridedeni tezerre Zeso deni torraui noppine cappinemanarrari. —Zesopa deni torraza arrimani iquerrenerana −quenaza Zeso zoqqueuiuarrine rrara rrara quenarrari: —Nerrecoma inanaza Zeso inanazoqqueuiuarrine? −quenarrari nade.

Huano 7:44

Madirra motapa: —Toponi cocorouarri Zeso iaccana −quenaraha cappinemanaza dama iquena-rrarade.

Huano 7:30

Nazapa nauiza Zeso pouadeni zepeza torrauiuarrine dama iquenauitouiraha dama iquena-rrarade. Zeso zoqqueuiuarrinecca uima Deorrine narro taccarraro.

Huano 7:25

Nazapa Zerozareuarri madimanarrarideni motaha Zeso qqui toquenaza uimahaha canarraride: —“Arrarraria inanazoqquena” quequenanarrarico?

Maraco 11:32

—Naraha “Zouaocca passo dopaniza niquinarrape madirracca zossenirri” inezape madirra iaza uadimanarana. Arra madirra bazima attidenipa: “Zouaopa Deo icazosserrari. Parrissa Deo Atti cacomerabote” quequenanade −quenarrari taminedeni, madirradeni noppine cappinemanaza.

Mateo 22:22

Zeso atti mittemanaza uarro quenazapa —A, icca uima ecomeraniuarrine nauato tarrariua −quenade. Nazapa Zesoza paparra quenaza rraui torranirraride.

Roca 20:19

Nazapa dada toqquimade taminedeni, zodeodenicca marinarra maridedeni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenarrari. Nazapa Zesoza uadimanaza: —Rrari, rridapana Zeso tozepe inanana! −quenaraha madirra noppinedeni cappinemanaza dama iquena-rrararrari.

Roca 20:6

—Naraha “Zouaocca passo dopaniza niquinarrape madirracca zossenirri” inezape madirra sibaza ia toquenabaqquirana. Arra madirra bazima attidenipa: “Zouaopa Deo icazosserrari. Deo Atti cacomerabotederra” quequenanade −quenarrari taminedeni, madirradeni noppine cappinemanaza.

Mateo 21:26

—Naraha “Zouaocca passo dopaniza niquinarrape madirracca zossenirri” inezape madirra iaza uadimanarana. Arra madirra bazima attidenipa: “Zouaopa Deo icazosserrari. Deo Atti cacomerabotederra” quequenanade −quenarrari taminedeni, madirradeni noppine cappinemanaza.