Maraco 10:1 - Kulina New Testament Brazil

¹ Zeso oza panani Capenaoza nebozapa zama arobeni Zodeauarri toccarrari. Ueni Zorodao rrippeuarri toccazapa zama arobeni Pereauarri bacco tarrari. Nauizapa madirra sibema pouaza queriqquipomazapa mari icanabaqquirrari. Zesopa nama nanariza narrari.

Culina Mádija

¹ Jeso odsa panani Capernaodsa nebodsapa dsama arobeni Jodeahuaji toccajari. Hueni Jordao jippehuaji toccadsapa dsama arobeni Pereahuaji bacco tajari. Nahidsapa madija sibema pohuadsa queriqquipomadsapa mari icanabaqquijari. Jesopa nama nanaridsa najari.

Maraco 10:1 Iomraidhean Croise

Mateo 26:55

Nazapa Zeso pouatoui rrauirronarrarideniza uati tarrari: —Nerrecotoui tiadenipe oua dama tiquenaniuarrine rrazirecca massitoma, uauaccama rraui tirrarronarraro? Nema tiquenezape pina bobotidetoui rraui tirrarronarrarossa narraro. Neza tiadenizama uarrirriraza Deoza dada toqquimauarri mari mari ohonaneraha oua dama tiquenehe nerrerade.

Mateo 4:23

Zesopa Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarri mari mari nanariza narrari. Pouapa Deocca cacauehecca uima bicani ehecomerariza narraro. Comaqquiri narrarideni naco comani onihi, onihi carririzemanaraha bazima ihinanomi-rizabaqqui narrari.

Maraco 1:21

Nazama Zesopa poua uatimadedeni tezerre Capenaouarri bacco toquenarrari. Nauiza rrassinarracca uadaza Deo Atti mamariuarri rraui torrezimaza Zesopa madirra mari icanabaqquirrari.

Maraco 10:2

Nauizapa zodeodeni mota marinarra parizeoza rrehe quenarrarideni Zesoza nacasseraqquiri naza pocca marinarra inassamomananiuarrine uima narroremanarrari. Zesoza touarriressimanazapa pouaza uati toquenarrari: —Arra maqquiderre pocca amonerre inebozape pouaza uima noueraqui? −quenaui nade.

Maraco 12:35

Nazapa Deoza dada toqquimauarri Zeso mari icanabaqquizapa madirra ecomeremananiuarrine uati tarrari: —Nerrecotoui zodeodenicca marinarra maridedeni attidenipa: “Cristo-Mesiapa Dabi Potemaui” quequenanarrari?

Maraco 14:49

Naza tiadenizama uarrirriraza Deoza dada toqquimauarricca ozaza mari mari ohonaneraha oua dama tiquenehe nerrerade. Naraha peperri, narrarope pina arri Deo Atti dozo naporrarossa narraro torraniuarrine −naui nade Zeso.

Maraco 2:13

Zeso coma tarrari inabiquemaniui nattipa coriza poni uapiuarri toqquezippapomarrari. Madirra sibema pouaza queriqquimanazapa mari icanabaqquirrari.

Maraco 4:2

Nazapa pouadeniza uima uapi tehe mari icanabaqquirrari. Pocca marinarra arrirraro namiza imadinicca uima tazarrani mari icanabaqquirrari. Zesocca marinarrape arrima narraro:

Maraco 6:2

Oza panani Nazareti bacco tanizapa rrassinarracca uadaza Deo Atti mamariuarri toqquezimaza mari icanabaqquirrari. Nazapa nauicca rrassi tarirrarideni mittemanazapa uarro canirezapa: —A nerrecouarri touattarraritta? −quenarrari. —Nerrecorraricca nauatoue Zesoza torrarrarotte? Nerrecoma naza madirra ihinanomi narrari? Pouapa canauatoriri canaui qqui qqui ihinana-rraraccade −quenarrari.

Maraco 6:34

Uana tocanemanaza Zeso toqquemorazapa madirra domo ueri naui qqui inabaqquirrari. Pouadenipa pina eueue pouadeni cacauade rriraha pouama mamadiri narizemanarrarissa quenarrari. Nazapa Zeso poua bodiza: —A, touati nauanaqquiri naui −naza pouadenitoui uati cauanari canarrari. Nazapa pocca uima onihi onihi nehe pouadeni mari icanabaqquirrari.

Huano 10:40

Nazapa Zeso ueni Zorodao rrippeuarri toccanipomarrari. Nauiza Zouao madirra passo dopaniza niqui niqui ihizanabaqquipo nauiza iborraride.

Huano 18:20

Naraha Zeso uati tade: —Naza madirra bazima mittemanauiuarrine mari mari ohocanabaqquiriza nade. Zodeodeni quequeriqquimana nauiuarri arri icca Deo Atti mamariuarri, arri Deoza dada toqquimauarri mari mari ohocanabaqquiriza nade. Ouape cacomeheza uati uati ohonana-rrerade.