Maraco 1:44 - Kulina New Testament Brazil

⁴⁴ Zeso attipa: —Arri tibicanicca uima madirradeniza uati tariza terrerana −narrari. —Naraha Deoza dada toqquimauarrina ticcarri, onarraro. Naniza tiqquezimezape dada toqquimade orrariazara tepi tobicani tia noue tinarri. Nezape Deoza ticca uima bica terreranicca toppinerezape ticca danirri Deoza torraniuarrine ouaha, ouaha naha pina eueue, ppiriri, oqui tarrari narrari da da tizimana. Pina Moizecca marinarraza iboraqquiri inarrarossa tinanarri, onarraro. Nezape bazimaza ticca uima toppinerani auato tezape: “Parrissa tibicarraro” quenauiuarrine, onarraro −naui nade Zeso.

Culina Mádija

⁴⁴ Jeso attipa: —Aji tibicanicca ima madijadenidsa huati taridsa tejerana −najari. —Naraha Diodsa dada toqquimahuajina ticcaji, onajaro. Nanidsa tiqquedsimadsapi dada toqquimade ojariadsara tepi tobicani tia nohue tinaji. Nadsapi Diodsa ticca ima bica tejeranicca toppineradsapi ticca daniji Diodsa tojanijine ohuaha ohuaha naha pina edede, ppiriri, oqui najari da da tidsimana. Pina Moisesicca marinajadsa iboraqquiri inajarossa tinanaji, onajaro. Nadsapi huapimadsa ticca ima toppinerani ahuato tadsapi: “Pajissa tibicajaro” quinahijine, onajaro −nahi nade Jeso.

Maraco 1:44 Iomraidhean Croise

Mateo 8:4

Nazapa pouaza Zeso attipa: —Arri tibicanicca uima madirradeniza uati tariza terrerana −narrari. —Naraha Deoza dada toqquimauarrina ticcarri, onarraro. Naniza tiqquezimazape dada toqquimade orrariazara tepi tobicani tia noue tinarri. Nezape ticca zamacoma Deoza oppina tanicca tomossizape ticca danirri Deoza torraniuarrine ouaha ouaha naha pina eueue, ppiriri, oqui, narrari da da tizimana. Pina Moizecca marinarraza iboraqquiri inarrarossa tinanarri, onarraro. Nezape bazimaza ticca uima toppinerani auato tezape: “Parrissa tibicarraro” quenauiuarrine, onarraro −naui nade Zeso.

Maraco 1:43

Nazapa Zeso poua zosse inarrari. Poua tobicauicca uima madirra ouahadeniza uati nariza-rrarauiuarrine naco pouaza uati tarrari.

Roca 17:14

Nazapa Zeso pouadeni qqui inabaqquizapa pouadeniza uati tarrari: —Deoza dada toqquimadedeniuarri rraui tirrezimeza pouadeniza tepideni noue tiquenarri −narrari. Nazapa pouadeni uapi nouede rraui rraui torraninarra tocanomirerrari.

Roca 5:14

Nazapa Zeso pouaza uati tarrari: —Arri tibicanicca uima madirradeniza uati tariza terrerana. Neraha Deoza dada toqquimauarrina ticcarri, onarraro. Naniza tiqquezimazape dada toqquimade orrariazara tepi tobicani tia noue tinarri. Nezape Deoza ticca uima bica terreranicca toppinerezape ticca danirri Deoza torraniuarrine ouaha ouaha naha pina eueue, ppiriri, oqui narrari da da tizimana. Pina Moizecca marinarraza iboraqquiri inarrarossa tinanarri, onarraro. Nezape bazimaza ticca uima toppinerani auato tezape: “Parrissa tibicarraro” quenauiuarrine −narrari Zeso pouarrine uapi tobicarrariza.

Tahimarideni 23:22

Naraha isso teppeppedenicca taminea: —Rrehe, peperri, omittani. Ticcanina. Naraha: “Isso teppeppedenicca tamineza uati onapa” terrerana. Tecomana, onarraro −narrari.

Romanodenidsa 15:4

Maittaccazama Deo Atti dozo iquenaporrarope icauatteraniuarrine dozo iquenarraro. Narraro iaza uarirronarraro ua inezape ia acco canarraro, Deoza dameraqquiri inaniuarrine. Imitteza naqui etizerraro. Nema nezape itezerremacca uima bicani icarrinitoui nauatoqquiri inarraro.

1 Corintodeniza 10:11

Narraro uima icca idideniza torrarraro bazimape ia icauatteraniuarrine. Maittaccazama Deo Atti dozo iquenaporrarideni icca ididenicca uima dozo iquenaporrarope poccadeni uimaza ibodi uatonissa taniuarrine. Pina poccadeni uimassa inane-rreraniuarrine. Narraro uimape zama rricani touarriranicca uarranoza imadirraroza bacco narronarraroparri.