Maraco 1:21 - Kulina New Testament Brazil

²¹ Nazama Zesopa poua uatimadedeni tezerre Capenaouarri bacco toquenarrari. Nauiza rrassinarracca uadaza Deo Atti mamariuarri rraui torrezimaza Zesopa madirra mari icanabaqquirrari.

Culina Mádija

²¹ Nadsama Jesopa pohua huatimadedeni tedseje Capernaohuaji bacco toquinajari. Nahidsa jassinajacca huadadsa Dio Atti mamarihuaji jai tojedsimadsa Jesopa madija mari icanabaqquijari.

Maraco 1:21 Iomraidhean Croise

Mateo 4:13

Naraha Zesopa oza panani Nazaretiza tomadinipoma-rrararrari. Oza panani Capenaouarrina madiuiuarrine toccarrari, naui Carireacca coriza inidiuarri. Zesopa nauiuarri madiuiuarrine toccazapa Izarraeo bedi Zaborona potemauidenicca zamaboteza ccariza, Izarraeo bedi Natari potemauidenicca zamaboteza naco ccariza narrari.

Mateo 4:23

Zesopa Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarri mari mari nanariza narrari. Pouapa Deocca cacauehecca uima bicani ehecomerariza narraro. Comaqquiri narrarideni naco comani onihi, onihi carririzemanaraha bazima ihinanomi-rizabaqqui narrari.

Maraco 1:20

Nazapa Tiaco Zouao tezerre Zeso ua inabaqquirrari. Narrarideni naco amazati poccadeni abi Zebedeo, pocca tatarabaiadedeni tezerre darroniza rrassi zaza inebobaqquimanarrari. Nazapa Tiaco, Zouao tezerre Zesoza touedarrari.

Maraco 1:29

Nazapa nani zodeodenicca Deo Atti mamariuarri rrauininezapa Zeso, Tiaco, Zouao quenaza Simao, Aderedenicca ozauarri rraui torrezimarrari.

Maraco 1:33

Nazapa nauicca madirra bazima madirizemanarrarideni Simao, Aderedenicca ozacca totoqquezimaza queriqquimanarrari.

Maraco 1:39

Nazapa zama Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarricca mari icanabaqqui-rizarrari. Madirra bodicca tocorime qquenarizauiuarrine naco zosse zosse ihinineriza narrari nade.

Maraco 10:1

Zeso oza panani Capenaoza nebozapa zama arobeni Zodeauarri toccarrari. Ueni Zorodao rrippeuarri toccazapa zama arobeni Pereauarri bacco tarrari. Nauizapa madirra sibema pouaza queriqquipomazapa mari icanabaqquirrari. Zesopa nama nanariza narrari.

Maraco 2:1

Nauiza Zesopa madi madi nanarra oza panani Capenaouarri toccanipomazapa bacco tanirrari. Nazapa madirra: —Zeso ozaza bacco naniui −quenaui uima mittarizemanarrari.

Maraco 3:1

Naraha Deo Atti mamariuarri Zeso toqquezimani-pomazapa madirra zepe siri naco nauiza uittarirrari.

Maraco 6:2

Oza panani Nazareti bacco tanizapa rrassinarracca uadaza Deo Atti mamariuarri toqquezimaza mari icanabaqquirrari. Nazapa nauicca rrassi tarirrarideni mittemanazapa uarro canirezapa: —A nerrecouarri touattarraritta? −quenarrari. —Nerrecorraricca nauatoue Zesoza torrarrarotte? Nerrecoma naza madirra ihinanomi narrari? Pouapa canauatoriri canaui qqui qqui ihinana-rraraccade −quenarrari.

Roca 10:15

—Rraho, madirra oza panani Capenaouarri timadimanarrarodeni naqui narrizoue oppina tanicca tiadeniza ssonarinitoui. Deo memeuarri madirrariza bacco tiqueneza tiadeniza Poua attipa: “Rrehe, tiadenipe bicaqquiri tiquenani” napazarra? Nama narrarauitoui! Ticcadeni iboherrinepe nami odini uarri tani rricaqquini noueraniuarri tiadeni ua tozimauitoui −narrari Zeso.

Roca 13:10

Nazama zotodepa rrassinarracca uadaza Zesopa Deo Atti mamariuarri toqquezimazapa madirra mari icanabaqquirrari.

Roca 4:16

Zesopa poua napiui oza panani Nazaretiuarri ccanirrari. Nauiza madinizapa rrassinarracca uada bacco teza zodeodenicca Deo Atti mamariuarri toqquezimarrari. Pouapa oza uapimaza nama nanariza narrari. Nazapa nauiza queriqquimanazapa pouana totemarrari, Deo Atti ua inaniuarrine.

Roca 4:23

Naraha Zeso uati tapomarrari: —Maittaccazama icca ididenipa arrama quequenanade: “Toponi totonanomide tirrezape tia tinanomirri” quequenanarrari. Nazama tiadeni naqui ocanauatori canani qqui tiquenaniuarrine touini tiquenezape ouaza tettideni nema tiquenanitiderra −narrari. —Arri oza panani Capenaouarri ocanauatori canani uima timittemanezape tettideni: “Arri ticca zamaza naqui narrarossa tinanarri” tiquenarraro nitide −narrari Zeso.

Tahimarideni 17:2

Arra Paoropa bobodeza ccarizazapa uarrirriraza zodeodenicca Deo Atti mamariuarri toqquezima toqquezima narizarrari. Nama nanariza nazapa naui Tesaronicaza naco zodeodenicca Deo Atti mamariuarri totoqquezima narrari. Semana 3 naha madiccazapa rrassinarracca uadaza Deo Atti maride totoqquezima narrari. Nauiza Paoro zodeodeni tezerre uimahaha canarrari. Paoropa Deo Atti maittaccazama dozo naporraroccaza mari icanabaqquirrari.

Tahimarideni 18:4

Nazapa Paoro rrassinarracca uadaza zodeodenicca Deo Atti mamariuarri zodeodeni, zodeo querrena-rrararrarideni tezerre quequeriqquimana naza Zeso tauimariza rrehe quenauiuarrine mari mari ihicanabaqqui narrari.