Jodacca 1:3 - Kulina New Testament Brazil

³ Ouimecotedeni, titouideni ouati uana tani. Zeso Cristocca tossiuauehe ia bazimaza da inarizarraro tauimarini tiadeniza dozode touini oneraha uima onihi anizape narraro uimara tiadeniza dozo onarraro. Deo pocca marinarra parrissehecca iaza da inarrarope nema zanaponitoui. Narraroza icassiuaueraniuarrine. Arri Zeso Cristoza iquerrenarrarope narraro marinarraza parrissa inarraro. Narraro marinarra tecauemananissa tarri. Narraroza uima onihi inauariniuarrine bica terrerani. Madirrarrine cacarriqquimera-rreraniuarrine dacoraqquiri tiquenaza poni tiquenarri, onarraro.

Culina Mádija

³ Ohuemecotedeni, titohuideni ohuati huana tani. Jesocristocca tossiejehe ia huapimadsa da inaridsajaro tahimarini tiadenidsa dsodode jipa onaraha ima onihi anidsapi najaro imara tiadenidsa dsodo onajaro. Dio pocca marinaja pajissacca iadsa da inajaropi nema dsanaponitohui. Najarodsa icassiejeranijine. Aji Jesocristodsa iquejenajaropi najaro marinajadsa pajissa inajaro. Najaro marinaja tecahuamananissa taji. Najarodsa ima onihi inaharinijine bica tejerani. Madijajine cacajiqquimera-jeranijine dacoraqquiri tiquinadsa poni tiquinaji, onajaro.

Jodacca 1:3 Iomraidhean Croise

Tahimarideni 17:3

Cristo-Mesiacca uima pouadeniza auato taniuarrine mari icanabaqquirrari. Pouadenipa Mesiatoui madimanarrari. Mesiapa ocasserani auaza zoqqueuitoui, zotode nauatoniuitoui, quequenanarrari Deo Atti cacomeraqquiri narrarideni. Narraro uima Paoro mari icanabaqquizapa poua atti zodeodeniza: —Arra Zeso tauimari tiadeni mari ocanabaqquirrarope arra icca Mesiaparra −narrari.

Tahimarideni 18:28

Arra Aporopa madirra bazima mittemanaza zodeodeni mota Zesoza nacasseraqquiri narrarideni tezerre arrauarri uati arrauarri uati quenarrari. Pouapa Deo Atti nauato taza pocca marinarra dacorezape narrarideni attideni arramani torraza pouana uima ecomera ecomera zanaporraro. Deo Atti maittaccazama dozo naporraroccaza mari mari nazapa pouarrine arrirraro uima auato tarraro: —Cristo-Mesia quequenanarraripa Zesoparra −narrari.

Tahimarideni 28:28

—Rrehe occa madirradeni, nauatoqquiri tiquenaniuarrine tiadeniza uati onarraro. Rridapanapa zodeo querrena-rrararraridenizana Deo ia tonassiuauabaqquiuiuarrinecca uima torrarizanitoui. Narraridenina mittemanauissa tauitoui −nade.

Tahimarideni 4:12

Madirra ouahapa icca uimasiri inatappaniuarrine noueraui. Deocca danirri Zesona ia Idinide orrarirrari. Zama bazimaza madirra ouaha ia tonassiuauabaqquiuiuarrine noueraui. Nizaranibote Deocca uadie torrezape Zeso pouana ia zori tonanabaqquiuiuarrine orrarirrari −narrari Pedoro.

Tahimarideni 6:7

Nezape Deo Atti torraribaqquirraro. Oza panani Zerozarecca madirra Zesoza rrehe quenarrari touapirrari. Dada toqquimadedeni naco Zesoza rrehe quenaui uapi tarrari.

Tahimarideni 9:13

Naraha Anania: —Rraho, oua Zozossede, narrari maqquiderrepa arra Zerozarecca tiaza toquerrenarrari bicaqquiri narrarideni inarrizobaqquiui quenaui uima omittade.

Tahimarideni 9:22

Naraha Saoropa Deocca dacorehe carriza poua atti bica taza uati uati tarrari: —Zesopa arra Cristo-Mesiatoui imadirraroparri −narizarraria arra Damascouarricca zodeodeni pouaza atti atti quenaraha arramani toquerrenaza tossamomanazapa zama rrama quenarrariparra.

1 Corintodeniza 15:3

Arri Zeso Cristo tauimari ouattaporrarocca tiadeni mari ocanabaqquirrarope denima bica tanicca. Narrarope arrima narraro: Cristopa icca uimasiri manaconi zoqquerrari, pina Deo Atti dozo iquenaporrarossa narraro.

Carasiadeniza 2:5

Rrehe, narrarideni mamaizadedenipa dameraqquiri naraha pouadeni attiza ibobora inerrerade. Nouerade. Zeso Cristo tauimari icassiuaueraniuarrinecca orrarinina parrissa! Carasiauarri timadimanarrarodenipe narrarozara parrissa tizanapomanani bica tani, inarraro.

Carasiadeniza 3:28

Tiadeni bazima Zeso Cristoza rrehe tiquenarrarope zodeodeni, zodeo rrararrarideni, zozossedeni, zozosse rrararrarideni, maqquiderredeni, amonerredeni bazima Zeso Cristoza tirrariqquimananissa tarraro.

Carasiadeniza 6:11

Occa dozonirri qqui tiquenarri. Arri tiadeniza dozo onarrarope ozepeza occa dozonarra pota taza dozo onarrarorrine.

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Piripodeniza 1:1

Nirra imecotedeni? Ouape Paoro. Otesse Timoti tezerre Zeso Cristocca zozosse iquerrenani. Tiadeniza: —Nirra, bicaqquiri tiquenaqui? −inarraro. Arri oza panani Piripocca Deoza tiquerrenarrarodeni Zeso Cristoza tirrariqquimanarraro tiadeniza uima dozo inarraro. Titiqueriqqui nanicca tiadeni maridedeni, tibirrideni accodedeni bazimaza naqui dozo inarraro.

Piripodeniza 1:27

Nazama ouape ozoqquerre ozoqquerrererre nanitide. Tiadeni qquide naqui oqquerre oqquerrererre nanitide oneza tiadenira pina Zeso Cristocca marinarrassa tinanemana-zanapona, onarraro. Tiadeniuarri bacco oneza bacco onerrereza naqui ticcadeni uima bicanira omittazanaponiuarrine. Tirrinedeni uima arrima zanaponina bica tarraro: Bazima tirrariqquimaneza Zeso Cristo tauimari icassiuaueraniuarrinecca tinebomana-rreraniuarrine acco acco ticanarri. Dacoco tirrirehe nema tizanapomanarri, naui Deoza nacasseraqquiri narrarideni attideniza tirraparimana-rreraniuarrine.

Corosadeniza 1:2

Arrirraro uimape nani oza panani Corosauarri Deocca tiquerrenarrarodeniza dozo inarraro. Tiadenipe imecotedeni. Zeso Cristoza dameraqquiri tiquenarraro. Icca Abi Deo tiadeniza uima bicani inananiuarrine, inarraro. Deo pocca rronehe naqui tiadeniza inananiuarrine, inarraro.

1 Tesaronicadeniza 2:2

Taide tizamarideniuarri bacco inerreraccazape oza panani Piripocca madirra Deo Atti mari icanabaqquizapa nauiuarricca madirra motapa ia totamasso-baqquimana, ia tonarrizo-baqquimana nade. Nazama narraro uimape nauatoqquiri tiquenani. Arra tiadeniuarri naco madirra mota: —Deo Atti imitte-rrerana −quenazapa iaza uadiqquiri nade. Naraha Deorrine cappineraqquiri ineza pocca uima bicani icassiuaueraniuarrinecca tiadeni mari icanabaqquirrarode.

1 Timoti 1:18

Rrehe Timoti, tiape pina occa erredenissa tarrarode. Arriza anipoza Deo Corimerrine Deo Atti uati toqquimadedenipa Deoza tizepe irriniuarrinecca uima uati toquenapoza omittade. Poccadeni uatinarra tinaparrirenissa taniuarrinepe Deoza tizepe irrinissa tana. Pina isso teppeppessa tarri. Uaidirehe tazarrani ticauadireniuarrine daco tirrirarri.

1 Timoti 6:12

Ia Zozossede Zeso Cristo tauimari deni torraniuarrine daco tirrirarri. Pina madirra ittomeza taide bacco tapouiuarrine damera tarrarissa tarri. Camittehe rriquerreranicca ticarriniuarrine Deo titoui uaua narraride. Narraro camittehe bacco tinaniuarrine daco tirrirarri. Narraroa uima bicani tecomerarizapoza bazima mittemanarraroparride.

2 Timoti 1:13

Rrehe Timoti, Zeso Cristo tauimari parrissehecca tia mari ocanaporrarope tinebo terrerarri. Cristoza rrehe tizanapozape pocca touati uanehema teti uana tehe timadi-zanaporri.

Titodsa 1:4

Tito, tiaza occa uima dozo onarraro. Arri oua titezerre: —Parrissa Zeso Cristopa ia Tonassiuauade −inezape tiape pina occa erredenissa tarraro. Icca Abi Deo, ia Tonassiuauade Zeso Cristo tezerre tiaza uima bicani inanemanana. Tibodiza naqui poccadeni rronehe torrana, onarraro.

Ebreodenidsa 13:22

Rrehe ouimecotedeni, arrirraro uima teppe tiadeniza dozo onarrarope ticcadeni rrehenirri todacorani naniuarrine. Arri orrine dozo nanipe uapi terrerani. Pamema nani. Narraro ua tiquenanissa tarri. —Ua nani narro tani −tiquenerrerarri.

Ebreodenidsa 6:9

Ouimecotedeni, tiadeniza ouati uana tani. Tiadeniza Deo inebomanauicca uima dozo oneraha obodiza nauato onarraro: Tiadenipe pina narraridenissa tiquenerrerani. Deo tinebomana-rrarauitoui. Zeso Cristo tauimari icassiuaueraniuarrineccaza parrissa tiquenarraro. Narraroza dameraqquiri tizanapomanani nauato onarraro.

1 Pedoro 5:12

Ouimecote Silvanopa bica tarrari. Zeso Cristoza damera taui. Pouapa oua acco canaza arrirraro uima bazira tehe tiadeniza dozo onarraro, tibodideni acco ocanabaqquiniuarrine oneza. Deo titouideni uati cauanari canaui parrissa nauatoqquiri tiquenaniuarrine tiadeniza dozo onarraro. Pouapa tiadeniza uima bicani inanezape pocca touati uanehe auato inanarraro. Narraro pocca touati uaneheza dameraqquiri tiquenarri, onarraro.

2 Pedoro 1:1

Nirra ouimecotedeni? Ouape Simao-Pedoro, Zeso Cristocca zozosse orrarraro. Pocca marinarra mari ocanabaqqui-rizauiuarrine oua cazosserrari. Nezape occa uima teppe tiadeniza dozo onapomarraro. Zeso Cristopa icca Deo, ia Tonassiuauade. Pouapa tiadeniza bica tarrari, pocca uima tiadeniza parrirenissa tarraro. Pouarrinena pouaza parrissa tiquenarraro, pina ia pouaza parrissa inarrarossa tiquenarraro.

2 Pedoro 2:21

Rraho, Deocca madie bicani tocauattera-rrarazapa peperri. Ssamoqquiri narrarirrine poccadeni madie bica terrerani. Naraha Deocca madie bicani tocauatteraraha zotode nebomanazapa poccadeni madie zotodeccape denima uaidira tarraro.

Jodacca 1:1

Nirra ouimecotedeni? Ouape Zoda, Tiaco imecote orrani. Ouape Zeso Cristoza ozepe irrirraro. Arrirraro uima teppe tiadeniza dozo onarraro. Abi Deo tiadeniza uati uana tazapa tiadeni uaua tabaqquirrari, Zeso Cristoza tiquerrenaniuarrine. Zeso Cristopa tiadeni Cacauade torrarrari.

Jodacca 1:17

Naraha tiadenipe pina mamaizadedenissa tiquenerrerani. Ouimecotedeni, titouideni ouati uana tani. Arra ia Zozossede Zeso Cristocca zozosse tabaqqui tiadeniza uati toquenapouicca tetideni rrima terrerana.

Jodacca 1:20

Naraha tiadenipe nema tiquenerrerarri. Ouimecotedeni, titouideni ouati uana tani. Dacoraqquiri tiquenaza ticcadeni rrehenirri bicani poniraza dameraqquiri tiquenarri. Deo Corime tibodideni acco canaza Deoza uati uati titiquena nana, onarraro.

Apocalipsis 12:11

Imecotedenipa deni toquerrenarrari. Tocorime-Taminepa arramani torraui. Eueue Bedi Zeso zoqqueza emene toccarrarirrine, poua tauimari ecomerarize-manarrarorrine naco deni toquerrenarrariparra. Pouadenipa zoqquehe noppineni cappinemana-rrararrari. “Izoqqueza naqui bica tani. Deo inebo-rrarauitoui” quequenanarrari.

Apocalipsis 2:10

Niza otauimari acconi ocasserani temanezape ticappinemana terrerana. Tocorime-Taminerrine tiadeni mota sibera tinehe toponi cocoroza tiquerrenanitoui. Nama nauiuarrinepa tiadeni bazima tiadeni nattome tabaqquiuitoui. Uada 10 nehe pouarrine ocasserani temaneraha otauimaripe tinebomana terrerarri. Dameraqquiri tizanapomanarri. Otauimari tinebomana-rreraza tizoqquemanani bacco tiquenezape tiadeniza occa camittehe rriquerreranicca da onanitoui.