Jodacca 1:15 - Kulina New Testament Brazil

¹⁵ Pouapa madirra bazimacca uima cattemade torrauiuarrine ccaronarrari. Bazima uaidiraqquiri narraridenicca uimasiri manaconi pouadeniza narrizoue inassonarinitoui. Arra Deo Pouaza attideni uaidira taniccaza atti atti quenarrari manaconipe ia Zozossede Zeso Cristo inarrizobaqquiuitoui −naui nade Enoqui.

Culina Mádija

¹⁵ Pohuapa madija huapimacca ima cattemade tojahijine ccaronajari. Huapima tabaccoraqquiri najaridenicca imasiri manaconi pohuadenidsa najidsohue inassonarinitohui. Aja Dio Pohuadsa attideni tabaccora taniccadsa atti atti quinajari manaconipi ia Medsede inajidsobaqquihitohui −nahi nade Enoco.

Jodacca 1:15 Iomraidhean Croise

Huano 5:27

Occa Abirrine ouatti ocarrirrarope niza zama rriqueza madirradenicca uimasiri manaconi pouadeniza onassonarinitoui. Ouape Madirra Bedi orrarrarode.

Tahimarideni 17:31

Deopa madirra bazimacca uima icattemanitoui. Niza Deo Poua nacassa tauicca uada bacco tezape zama bazimacca madirradenicca uima pocca parrisseheza nattome inanitoui. Madirra bazimacca uima cattemadepa Deo icatterrizaporrari. Narraria arra Poua Bedi zoqqueraha Deo Pouarrine nauatonirrari. Madirra bazima pouaza: “Parrissa, narraripa madirra Tonassiuauade torrauiuarrine Deo icatterrizaporrari” quenauiuarrine −narrari Paoro atti.

Romanodenidsa 14:10

Nerrecotoui timecoteza: —Ticca uima uaidira tani −tiquenarraro? Nerrecotoui poua arramani tinanemanarrari? Iape uapima Deo tezerrema idomo uanitoui. Naniza icca uima bazima Pouana icattemanitoui.

Romanodenidsa 2:16

Niza Deo madirradenicca uima nattome inabaqquiuiuarrinecca uada bacco tazana Zeso Cristo izosseuitoui. Nazana madirra bodideniza uima ecomemanarraro Zeso auato inananitoui. Narraro uima torraniuarrinepe Zeso Cristo tauimari icassiuaueraniuarrinecca mari mari ohonanarraroza uati uati onapode.

Romanodenidsa 2:5

Naraha tiadenipe Deoza iboqquiri tiquenarraro. Tibodideni cacarriqquimeraniuarrine nacasseraqquiri tiquenezape ticcadeni uimasiri manaconi narrizoue onihi onihi nehe tinauanemanarraro. Niza zotode Deocca uadie torraniuarrinecca uada bacco tezape tiadeniza narrizoue ssonarinitoui. Deo Poua tezerrema tidomo ueza Deo ticcadeni uima manaconi inaparrirenissa tani auato inananitoui.

1 Corintodeniza 4:5

Nema narraroa ia Zozossede ccanipoma-rraraccazapa tiadenipe madirracca uima nattome tiquenerrerarri. Titessedeniza: —Tirrinedeni uaidira tani −tiquenerrerarri. Niza ia Zozossede ccanipomazana poua ssiuerreneza uima bazima auatoma-rizanitoui. Arri ia bazima ibodicca uima ecomarraro pouarrine auatoma, ibodiza touini inarrarocca auatoma narizanitoui. Nazapa bica inanarraroccaza Deopa iaza: —Tirrinedeni bica tani −nauitoui.

1 Timoti 1:9

Naraha Deo pocca zossenirri da inarrarope arra madimanauissa tarraridenicca uimarrine rrerani. Arra uaidiraqquiri narraridenicca uimarrinena pocca zossenirri da inarraro, poccadeni uaidirehe auato inananiuarrine. Arra uaidiraqquiri narraridenipa pina: Deocca zossenirriza iboqquiri narrarideni, uaribodeni didiqquiri narrarideni, Deoza nacasseraqquiri narrarideni, uimasiri inanemanarrarodeni, Deo noppine cappinemana-rrararrarideni, Deo oniza rrarrarridede rarrarideni. Narraro uaidirehe auato taniuarrine Deo pocca zossenirri da inarraro. Madirra ouahadeni naco pina poccadeni abi inanazoqque-manarrarideni, poccadeni ami inanazoqque-manarrarodeni, madirra ouahadeni inanazoqque-manarrarideni.

Jodacca 1:16

Mamaizadedenipa bazima pouadeniza ocassera tazapa atti atti nanarizemana narrari. Madirraza naco ssamoni ua quenarra narizapoui narrari. Attideni dacoraza pouadeni deni totonanemana narrari. Pouadeni touini quenauicca touira mamadimana narrari. Toui quenauicca carrimanauiuarrinepa madirraza attideni bica taza uati uati toquenaza pouadeniza totorra narraro.

Apocalipsis 13:11

Qqui onapomanarra bani siri ouaha namiza qquenarrari. Ori pamarrari, pina eueue bedi orissa narrari. Naraha poua attipa pina daragao imehibote attissa narrari.

Apocalipsis 22:20

Arrirraro uima bazimape Zeso Cristo uati tarraricca. Iaza poua attipa: —Parrissa, occaniniuarrine uarrira tani −nade. Nezape ia etti: —Parrissa nema nana. Ia Zozossede Zeso ticcanirri −inarraro.