Epesodeniza 6:9 - Kulina New Testament Brazil

⁹ Nazama zozossededeni. Tiadeni naqui ticcadeni zozosse tabaqquiza bicaqquiri tiquenarri. Pina Zeso Cristoza bicaqquiri tiquenarrarossa tiquenarri. Ticamaizabaqquimana tarrararro. Rrara tinabaqquimana tarrararro. Tibodideni uatome-manarri: ticcadeni zozosse tabaqqui pouadeni Zozossede Deopa tiadeni Zozossede Zeso Cristo orrariui. Pouapa tiadeni Cacauade memeuarri madirrari. Poua attipa: —Arrarraridenipa zozossededeni toquerrenarrari, arrarraridenipa zozosse toquerrenarrari −narrararrari. Qqui inabaqquizapa bazima narrarissa canirerrari.

Culina Mádija

⁹ Nadsama dodossededeni. Tiadeni naqui ticcadeni dodosse tabaqquidsa bicaqquiri tiquinaji. Pina Jesocristodsa bicaqquiri tiquinajarossa tiquinaji. Ticamaidsabaqquimana tajarajo. Jara tinabaqquimana tajarajo. Tibodideni huatoma-manaji: ticcadeni dodosse tabaqqui pohuadeni Medsedepa tiadeni Medsede Jesocristo ojarihi. Pohuapa tiadeni Cacahuade memehuaji madijari. Pohua attipa: —Ajajaridenipa dodossededeni toquejenajari, ajajaridenipa dodosse toquejenajari −najarajari. Qqui inabaqquidsapa huapima najarissa canirejari.

Epesodeniza 6:9 Iomraidhean Croise

Mateo 22:10

Nazapa taminecca zozosse tabaqqui rraui imeni rraui torrarizaza madirra bacco inabaqqui-manarraridenipa uaidiraqquiri narrarideni, bicaqquiri narrarideni naco inaqueriqquimanarrari. Nazapa madirra rraui torrarra canaza taminecca oza bodiuarri madirra irrimanarrari.

Mateo 22:8

Nazapa pocca zozosse tabaqqui ouahadeniza tamine attipa: “Rrehe, occa erredeni cacarrireuicca rripaqquie narroranissa teraha otesse ua onabaqquiporraridenipa occa uatizeheza parriremana-rraraui.

Mateo 24:48

—Naraha zepe ssebotecca zozosse uaidira tazapa poua zossede attissa inana-rreranitoui. Poua bodipa: “Oua zossede narroccaui, qqui tarraraui” nauitoui.

Mateo 24:51

Nazapa pocca zozosse inarrizouitoui. Zoqquezapa maizarridede rabotedeniuarri inanauitoui. Nauiuarripa ocasserani aua-zanapozapa pano tozaui naza orri orri nauitoui −nade Zeso.

Mateo 7:12

—Rrehe, nazama tiadeniza madirra bazima uima bicanira inanemananiuarrine touini tiquenezape madirra bazimaza naqui uima bicanira titinanemana narri, onarraro. Nema tiquenezana Deo Atti tecauemananissa tarraro. Arri Moizecca marinarrassa tinanemanarraro, Deo Atti cacomeraqquiri narraridenicca dozonirri naqui narrarossa tinanemanarraro, onarraro −naui nade Zeso.

Roca 6:31

Nazama tiadenipe madirra bazima tiadeniza uima bicanira inanemananiuarrine touini tiquenezape madirra bazimaza naqui uima bicanira titinanemana nana, onarraro −narrari Zeso.

Huano 13:13

Tiadenipe ouaza uaua titiquena nanipe: “Ia Maride, ia Zozossede” titiquena narrarope parrissa.

Tahimarideni 10:34

Nazapa manaco Pedoro pocca uima uati uati tarrari: —Rrehe, rridapana parrissa omittarrarope Deo: “Zodeodenira orrarimanana” narrararrari.

Romanodenidsa 2:11

Deo Pouaza zodeodenicca uima, zodeo querrena-rrararraridenicca uima tazarranipe narrarossa caniqquimerarraro. Zodeodenizara denima uati uana taui orrari narraraui.

1 Corintodeniza 1:2

Oza panani Corintouarricca Deoza tiquerrenarraro titiqueriqqui naniuarri tiadeniza arrirraro uima zosse inarraro. Bazima Zeso Cristoza parrissa tiquenezape pouarrine tibodideni touissorizarraro. Narrarorrine Deocca tiquerrenarraroparri. Deo tiadeniza uaua narraripa: —Ouazara tibodideni uatoni orrari narri −narrari. Zama bazimaza madirizemanarrari Zeso Cristoza parrissa quenarrarideniza naco: —Ouazara tibodideni uatoni orrari narri −nanarra narrari. Zeso Cristopa pouadeni Zozossede. Narrari orrariui ia Zozossede.

1 Corintodeniza 7:22

Nazama arra madirracca zozosse Zeso Cristoza torrazapa pina madirra tappa tabaqquirraridenissa narrari, poua Zozossede Zeso Cristoza zepe irriuiuarrine. Madirracca zozosse torra-rrararrari naco Zeso Cristoza torrazapa pina Zeso Cristocca zozossessa narrari, pocca zossenirriza ibora tauiuarrine.

Corosadeniza 3:25

Naraha uaidirehe inanemanarrarodenipa poccadeni uaidirehe manaconi pouadeniza torranitoui. Orrariaza uitide, pamahaza uitide uati touanaui narrarauitoui. Pocca narrizoue bazimaza parrirenissa tanitoui.

Corosadeniza 4:1

Nazama zozossededeni, tiadeni naqui ticcadeni zozosse tabaqquidenicca tarabaia manaconi pouadeniza da tiquenanissa tarri. Arra pouadeni tarabaia quenauiuarrine oppina tanicca, ssamo tanicca naqui zosse tiquenerrerarri. Tetideni rrimemana terrerarri: Tiadeni naqui tiadeni Zossedepa memeuarri madiui. Niza zotode narrari pouaza tecomeremananitoui.

Satiacocca 2:13

Arri tiadeni madirra ouahaza tetideni uaneraqquiri nezape manaco tiadeniza Deo uati uanera taza: —Ticcadeni uima bica terrerani −nauitoui. Naraha madirra ouahaza tetideni uanaqquiri nezana Deopa uati uana tarrari. Niza Deo madirra bazimacca uima cattemade torrauiuarrinecca uada bacco tezape tiadeniza: —Ticcadeni uima ouaza bica tani −nauitoui.

Satiacocca 2:8

Arri Deocca zossenirri deni torraniccape arrima narrarona parri: —Tinorideniccaza tetideni uanaqquiri narri, pina tiadeniza tetideni uanaqquiri narrarossa narri −naui nade Deo Atti. Nema tiquenezana uima bicani tinanemanarraro.

Satiacocca 5:4

Ticcadeni zinirorrine ticcadeni accouecca uima Deoza auato tarraro. Arra madirra ticcadeni uizarraza zepedeni irrimanaraha poccadeni tarabaia manaconi pouadeniza da tiquenerrerezape narraro manaconitoui tiadeniza uati uati quenaui Deo Dacorabote mittarrari.