Epesodeniza 5:9 - Kulina New Testament Brazil

⁹ Nema tiquenezape Deo Poua ssiuerrene tibodideniza tossiuarrabaqquiuitoui. Narraripa Poua Corimerrine biquehe tinanemanarraro, ticcadeni uima parrirenissa tarraro, parrissehezara timadimanarraro.

Culina Mádija

⁹ Nema tiquinadsapi Dio Pohua ssiejene tibodidenidsa tossiajabaqquihitohui. Najaripa Pohua Corimejine biquehe tinanamanajaro, ticcadeni ima pajiranissa tajaro, pajissadsara timadimanajaro.

Epesodeniza 5:9 Iomraidhean Croise

Mateo 3:8

Neraha tettideni arrima tiquenezana bica tani: “Uimasiri onebona. Deotouira obodi uauatoma naniuarrine” tiquenezape tibodideni cacarriqquimeranicca uima auato taniuarrine uima bicanira tinanemanarri, onarraro −narrari Zouao.

Huano 1:47

Nazapa Natanaeo Zesouarri toccazapa Zeso Natanaeo ccarronaui qqui irrizazapa pocca uima naqui pouaza auato tarraro. Nazapa Zeso Natanaeo tauimari uati tade: —Qqui, arra maqquiderre ccarronarraripa parrissa Izarraeo potemaui. Icca ididenicca marinarra ecauanissa tarraro. Pouapa maizera taui −nade Zeso.

Romanodenidsa 15:14

Ouimecotedeni, ticcadeni uima nauato onarrarope madirra bazimaza bicaqquiri tiquenani. Deorrine nauatoqquiri tiquenarraro. Nema nezape timecote bodideni acco ticanabaqqui-manauiuarrine tiparriremanani.

Romanodenidsa 2:4

Deopa tiadeniza uati uana tarrari. Biquehe uapi tanicca tiadeniza inanarizarraro. Deo Pouaza parrissa tiquenaniuarrine tinarromaneza naqui titouideni denima madiccarrari. Naraha narraro uima bazimape tiadeniza pina ponimassa narraro. Arri Deorrine pocca biquehe tiadeniza torrarrarope tibodideni cacarriqquimeraniuarrine.

Epesodeniza 4:15

Naraha iape Deocca marinarra parrisseheccazana rrehe inarraro. Narraroza imadirraro. Imecotedeniza eti uana tezape pouadeniza uima parrissehera uati uati inarraro. Nema inezape icca madie tobicazanaponitoui. Pina Zeso Cristocca madiessa nanitoui. Zeso Cristopa pocca iquerrenarraro ia Zossede. Pina itati essire zosse zosse narrarossa narraro.

Epesodeniza 4:25

Rridapana zati tiquerrenezape denima timaizemana terrerarri. Timecotedeniza uima parrissehera uati uati tiquenarri. Ia bazima Zeso Cristocca iquerrenarrarope pina essire orrariqquirrarossa inarraro.

Epesodeniza 6:14

Nazama tiadenipe dacoraqquiri tiquenarri. Pina isso teppeppessa tiquenarri. Isso teppeppepa etero rrazireuarrinecca oro tozimarrari. Naraha tiadenipe Deocca parrissehe, pocca biquehe oro tizimemanarri. Narraro uima pamehe ticarrimanezape uimasiri tazarrani ticauadireza tidomo uanissa tanitoui.

Piripodeniza 1:11

Ticcadeni madieza Zeso Cristorrine uima bicani uapi tehe auato tezape madirra qqui toquenazapa: —Rrehe, Deopa nauato taui, deni torraui −quequenanauiuarrine, ohonanarraro Deoza.

Corosadeniza 3:18

Amonerre maqquiderre ticarrimanarrarodeni, ticcadeni maqqui attiza iboraqquiri tiquenarri. Nani arri Zeso Cristoza tiquerrenanicca uima tirrinedeni auato taniuarrine.

1 Timoti 6:11

Naraha Timoti, Deocca madirra tirrani. Pouaza tizepe irrizape uima uaidira taniccaza tiarrini narri. Ticca madie Deocca zossenirriza parrirenissa taniuarrinepe damera tinarri. Deoza ibora tinezape Zesoza rrehe tizanaponiuarrine damera tinarri. Deoza teti uana, madirra bazimaza teti uana taniuarrine naqui damera tinana. Ocasserehe tiaza ssonariraha orri terrereza tinauanarri. Rrone tinehe timadiniuarrine naqui damera tinarri.

Ebreodenidsa 1:8

Naraha Poua Bedi tauimari uati tazapa: —Tiape Deo tirrani. Ticca cacauehe nema zanaponitoui. Ticca cacauehepe dacorarraro, parrirenissa zanaponitoui.

Ebreodenidsa 11:33

Narrarideni bazimapa Deoza rrehe quenauissa tarrari quenade. Ouahadenipa rrazireza zama onihicca madirraza deni toquerrenarrari. Ouahadenipa pina Deo Attissa inanemanaza uimarideni icattememanaza inaparriremananissa tarraro. Ouahadenipa Deo uati taporrarissa narraro pouadeniza torrarraro. Ouahadenipa zomarri rrizaza arrarideni pina moda inarizarrarissa naza zori tocanirerrari.

1 Zouao 2:29

Zeso Cristopa uima bicani parrirenissa inanarraro. Narraro pocca uima nauatoqquiri tiquenezape arra madirra uima bicani parrirenissa inanemanezape Deocca madirra toquerrenaui nauatoqquiri tiquenarraro.

3 Zouao 1:11

Ouimecote, tiaza ouati uana tani. Pina arra Diotrepecca uaidirehessa narrarope tinana-rrerana, onarraro. Deo nacassa tauiccara tinanana, onarraro. Rrehe, madirra uima bicani tonanarraripa Deocca torraui auato taui. Naraha madirra uaidirehe tonanarrarina Deocca torra-rraraui auato taui, onarraro.