Epesodeniza 5:4 - Kulina New Testament Brazil

⁴ Uima ponima uaidira tarrarope uati tiquena terrerarri. Touatti ponimacca, rrizehe uaidira tanicca naqui uati tiquena terrerarri. Nema nanicca touatti uaidira tarrarope Deocca madirraza nouerarraro. Tettideni bica taniccazara Deoza tetizemanana. —Rrehe Abi Deo, bica tinani −titizanapomana nanina bica tani.

Culina Mádija

⁴ Ima ponima tabaccora tajaropi huati tiquina tejeraji. Tohuatti ponimacca, jidsehe tabaccora tanicca naqui huati tiquina tejeraji. Nema nanicca tohuatti tabaccora tajaropi Diocca madijadsa nohuerajaro. Tettideni bica taniccadsara Diodsa tetidsemanana. —Jehe Abi Dio, bica tinani −titidsanapomana nanina bica tani.

Epesodeniza 5:4 Iomraidhean Croise

Maraco 7:22

Uaidirehe onihi naqui pina madirra amonerre carriraha amonerre onihi arrade touini narrari, amonerre maqqui carriraha maqquiderre ouaha narrade touini narraro, madirra ouaha carrirraricca touini narrari, uima uaidira tarraro inananiuarrine touini narrari, madirra icamaizabaqquiuiuarrine touini narrari. Narraro uima madirra poua bodiza auatomezape uimasiri torra tani. Uaidirehe onihi naqui pina poua cacauade nacassera taza bazima ponima touini narrari, madirra deni torrehe acconi bodi uadi tarrari, madirra tatamasso nauiuarrine touini narrari, poua bodi “Ouana bica onarraro, deni orrani” narrari, madide ssamo taza maizehecca uimaza parrissa narrari. Narraro uima madirra poua bodiza auatomezape uimasiri torra tani.

Huano 6:23

Nazapa nauiza Zesotoui, poua uatimadedenitoui qqui narizemanaraha bacco inabaqquimana-rrarazapa: —Rrina, rrippeuarri rrauirrana −quenanarra oza panani Tiberiauarricca darroni onihi bacco bacco canarrone-manarraro quenade. Naui Zeso poua Deoza uati taza: —Rrehe, peperri. Ticca danirri iaza bica taui −napoza pao da da ihinabaqqui naui uarrira taniuarri uana uana canarrone-manarrari. Nazapa nauiza ibomanarrarideni narraro darroni onihiza onihiza rraui torrezarizazapa Capenaouarri rrauimissarraride Zesotoui.

Romanodenidsa 1:28

Deoza bodideni uatouiuarrine nacasseraqquiri naza Deo Attipa: —Paparraua. Pouadeni bodi pouadeni touini quenazapa nama naha madimana-zanapouiuarrine −narrari. Narraria madirra bazima uima bica terreranicca inanarizemanarraroparri.

2 Corintodeniza 1:11

Tiadeni naqui ia acco ticanabaqquimananiuarrine Deoza uati uati tiquenarri. Deoza uatide uapi tezape Pouaza uatizemanaui naco uapi tauitoui. Deopa uima bicani iaza inananicca uima imecotedeni mittemanazapa Pouaza: —Peperri, tirrine bica tani −quenauitoui.

2 Corintodeniza 9:15

Deocca danirri iaza Poua Bedi bicabote, deni torrarrari. Etti denima bica tanicca uati inaniuarrine iparrire-rrerani. Deoza etizeza: —Rrehe peperriua! Ticca danirri iaza bica tani −inana.

Epesodeniza 1:16

Parrissa Deoza uatide orrezape titouideni ouati rrima-rrerarraro. Deoza uati onezape: —Rrehe Abi Deo, peperri. Tirrine bica tani. Epesodenicca rrehenirri bica teza ouatizeni −ohonanarraro.

Epesodeniza 4:29

Touatti uaidira taniccape uati uati tiquenerrerarri. Touatti bica taniccara uati uati tiquenarri. Nema tiquenezape timecotedeni bodideni acco ticanabaqquiza rrehenirrirideni todacorani naniuarrine. Tettideni bica taniccara mittemanazapa bodideni uatizemanauiuarrine.

Piripodeniza 4:6

Uapima ticappiremananicca touira tibodideni uatoto cana-rrerarri. Ocasserani temanarraroza naqui tibodideni uauatomacca nerrerarri. Uima bazima tibodideniza auatomeza naqui Deozara uati uati titiquena narri. Deoza uatide tiquerrenaza naqui Pouarrine bica tanicca ticarrimanani tibodideni uatonissa tarri. Nezape Pouaza: —Rrehe, Tirrine bica tani −titiquena narri.

Corosadeniza 3:8

Naraha rridapanape uima uaidira tarraro bazima tinebomanarri. Uadie tinebomanarri. Madirra tinarrizobaqquimana tarrararro. Madirraza uima tinanemananiuarrine naqui uati uati tiquenerrerarri. Madirra tamasso tamasso naqui tinebomanarri. Uima bica terreranicca rrizehe naqui tinebomanarri.

1 Tesaronicadeniza 3:9

Nazama Deo Pouarrine ticcadeni uima bicani torrezape uatizehe imeni icarrini. Pouaza etizeza: —Rrehe, bica tani −ineraha nerrecorraro touatti denima bica tanicca Pouaza uati inaniuarrine parrireni? Onihi nouerani.

1 Tesaronicadeniza 5:18

Arri ocasserani temaneza, uima bicani tiadeniza torreza naqui Deoza uati uati titiquena narri. Pouaza: —Rrehe, peperri. Tirrine bica tani −titiquena narri. Deopa arra Zeso Cristoza rrehe quenarrarideni attideni nama quequenanauiuarrine nacassa tarrari.

Piremao 1:8

Rrehe Piremao, tiape bica tinarrarorrine arrirraro uima tiaza dozo onarraro. Zeso Cristocca zozosse orrarrarorrine ouatti ocarriraha tiaza zosse zosse onerrerani.

Ebreodenidsa 13:15

Nezape: —Zesocca iquerrenarraro −inezape uarrirriraza Deoza ehetize nana. —Rrehe Abi Deo, peperri. Tirrine bica tani −izanapona, onarraro. Narrarope icca danirri Deoza bica tarraro.

2 Pedoro 2:18

Attideni deni torraniccaza uati uati toquenaraha pouama uati uati toquenarrari. —Ia touini inanicca inananipe oppinera tani −quequenanarrari. Pouadenirrine madirra uimasiri carrimanarrarideniza touarrimane-zatipa uaidireheza toquerrenanirrari.

Jodacca 1:10

Naraha mamaizadedenipa uima mittemanauissa tarrarazapa narraro uimaza attideni uaidira taza atti atti quenarrari. Pina banidenissa quenarrari. Bodideni uatouiuarrine ssamoqquiri naza pouadeni touini quenauicca touira dameraqquiri narrari. Narrarorrinena poua pouadeni tonauaidire-manarrari.

Jodacca 1:13

Pouadenipa ueni imenicca passo rrorroderrine rrazirema rriba rriba narrarossa quenarrari. Poccadeni uaidirehepe pina ssaborrani ssiquiuarri torreza auato tarrarossa narraro. Pouadenipa pina amouadeni rrano tocarraza zizini oppina taniuarri tocarrarrarissa zanapomanarrari.