Epesodeniza 5:3 - Kulina New Testament Brazil

³ Tiadeni Deoza tiquerrenarrarope uananehe bazima tinanemana terrerarri. Tettideniza naqui uananehecca uatide nouerana. Uaidirehe oppina tanicca onihi onihi Deocca madirraza nouerarraro. Madirracca tarabaia acconi, tozepetarri accone naqui tedimana terrerarri. Ziniro, tozepetarri uemani touini tiquenerrerarri. Deocca madirra tiquerreneza timadimananissa taniuarrinepe nema nanicca uima uapima uati tiquena terrerarri.

Culina Mádija

³ Tiadeni Diodsa tiquejenajaropi huananehe huapima tinanamana tejeraji. Tettidenidsa naqui huananehecca huatide nohuerana. Tabaccorehe oppina tanicca onihi onihi Diocca madijadsa nohuerajaro. Madijacca tarabaidsa acconi, todsepetaji acconi naqui tedimana tejeraji. Dsiniro, todsepetaji huemani tohuini tiquinejeraji. Diocca madija tiquejenadsa timadimananissa tanijinepi nema nanicca ima huapima huati tiquina tejeraji.

Epesodeniza 5:3 Iomraidhean Croise

Mateo 15:19

Arrina, uaidirehe bazimape madirra poua bodiza auatomeza poua tozossenizapa uimasiri inanarraro. Narrarope pina madirra uimasiritoui poua bodi uatorrari, madirra inanazoqqueuiuarrine touini narrari, madirra amonerre carriraha amonerre onihi arrade touini narrari, amonerre maqqui carriraha maqquiderre ouaha narrade touini narraro, maqquiderre tabiraraha amonerre arrade touini narrari, amonerre tabiraraha maqquiderre narrade touini narraro, narraro uima madirra poua bodiza auatomezape uimasiri torra tani. Uaidirehe onihi naqui pina botie touini narrari, maizehe uati tauiuarrine touini narrari, madirra tatamasso nauiuarrine touini narrari.

Roca 12:15

Nazapa Zeso bazimaza uati tarrari: —Parri, tozepetarri acconi tiboquemana terrerarri. Tibodideni tecauemanarri, arri tizepedeni sse taniuarrine touira tibodideni uato-rrerarri. Narraro tizepetarri uemaza tetizemanehe timadimanani orrari-rrerani. Deotouira timadimananina bica tarraro −narrari Zeso.

Roca 16:14

Zeso maride torraza marinarra parizeoza rrehe quenarrarideni naco nauiza carrimemanaza tauaribobo canarrari. Pouadenipa zinirozana uatideni uanaqquiri narrari. Naraha Zeso atti nama naui mittemanazapa pouaza ssamoni uaua quenarrari.

Tahimarideni 15:20

Nezape pouadeniza arrirraro uimara dozo inana: Arra siba nauatoniza bani da tauiccapa mitta tiquena tarrararro, tirripemananiuarrine oppina tani. Bani ssipori niqui naui zoqqueza emene tocca-rrarauicca naco tirripemana terrerarri. Bani emene tirripemanauiuarrine naco oppina taui. Uananehe naqui tinebomanarri. Pina maqquiderre amonerre carriraha amonerre onihi arra arrape poni. Amonerre maqquiderre carriraha maqquiderre ouaha narra narrape poni. Tabiradeni naco pouama arra arra canarizera-rrarana. Narraro uimara pouadeniza dozo inana, onarraro.

Tahimarideni 20:33

Nazapa denima uati tarrari: —Ouape ticcadeni ziniro toui, ticcadeni etero toui onerrerade.

Romanodenidsa 1:29

Narraria madirra pouadeni bodideniza uimasiri sseqquiri naha madimana tarra, uimasiri inanemanaza uatizemana tarra narrari. Poccadeni dacorehema: —Ouana denima ocarrina −quena tarra, —Madirra ouahacca uima onauaidirana −quena tarra narrari. Pouadenipa madirra ouahacca deni torrehe acconi bodideni uadiqquiri narrari. Pouadenipa madirra inanazoqquemana taui. Amazati naco cauadire taui. —Icamaizabaqquina −quena taui. Uaidirehe denima uaidira tanicca touini quena taui. Pouama madirra ouahacca uima auatoraniza uati iqquimemana tani.

Romanodenidsa 16:2

Ia Zozossede onima poniza nirra tarizemanarri. Poni ticatizemanarri, pina Zeso Cristoza iquerrenarraro icatizerara cacana narrarossa tiquenarri. Poni birrini acco ticanemanarri. Ponipe madirra acco icanabaqquiui uapi taui. Oua naqui oua acco canade.

Romanodenidsa 6:13

Tessiredeni uima uaidira taniccaza teccoremana terrerarri. Tessiredeni Deozara teccoremanarri. Tiadenipe pina madirra zoqqueraha nauatoniza madirrarissa tiquenarraro. Nezape tessiredeni uima bicanizana teccoremanarri.

1 Corintodeniza 10:8

Ia bazimape uananeheza iquerrena-rrerana. Arrana, pouadenina uananeheza toquerrenazapa Deorrine 23 mil naha amazati rricarrariparra. Pina pouadenissa inerreraniuarrine, onarraro.

1 Corintodeniza 5:1

Titiqueriqqui naniuarricca madirra orraria uananeheza madirraricca uima madirra bazima nauatoqquiri naui. Narraria arra imeni onihiraha pocca amonerre torrarraro. Nema narraro uimape uaidira tani. Deoza rrehe quena-rrararrarideniza naqui oppina tani. Naraha narraro uima tiadeniza anini.

1 Corintodeniza 6:13

Nazama madirra attideni onihi naqui arrima narraro: —Izone bazinipe zamatapauarrine, zamatapapa izone bazinicca −quequenanarrari. Naraha niza Deorrine narraro pamehepe rricanitoui. Naraha essirepe parrissa uananeheuarrine rrerani. Essirepe ia Zozossedecca. Ia Zozossedepa essirecca.

1 Corintodeniza 6:18

Uananehe tinanemana-rreraniuarrine tiarrimanani narri! Madirra uimasiri onihi onihi inanemanarrarope pouadeni assireza uaidirehe inanemana-rrerani. Naraha uananehe inanemanarrarona pouadeni assireza uimasiri inanemanarraro. Pouadeni assire inauaidiremanarraro.

2 Corintodeniza 12:21

Rrehe, naniuarri bacco onanipomezape ticcadeni uimarrine Deo tezerrema ocomehi nani noppineni ocappinarraro. Ticcadeni uimarrine orri orri ozanapopazerre? onarraro. Arri tiadeni mota uapi tinehe taidezama uimasirima madimanarronarraria rridapana naco nebomana-rrarauitide. Pouadenipa uaidirehe oppina tanicca tonanade dameraqquiri naccauitide. Uananehe bazima ihinanarizemana naccanitide. Uima uaidira tanicca tonanade dameraqquiri naccauitide, oneza ocappinarraro.

Epesodeniza 5:12

Pouadenipa auatoreheza uaidirehe inanemanarraro. Poccadeni uaidirehecca uima ecomeraniuarrinepe iaza oppina tani.

Epesodeniza 5:5

Arrirraro uima nauatoqquiri tiquenani: Uananehe inanemanarrarodeni, uaidirehe oppina tanicca inanemanarrarodeni bazimapa Cristo, Imehi Deo tezerre poccadeni cacaueheza bacco toquena-rrarauitoui. Denima touini quenarrarideni naco pina ziniro touini, pina tozepetarri toui quenarrari, narrarideni bazimapa Cristo, Imehi Deo tezerre poccadeni cacaueheza bacco toquena-rrarauitoui. Nama quenarraridenipa pina siba nauatoniza uatizemanarrarissa quenarrari. Namicca touinira uatideni uanaqquiri narrari. Deoza uatideni uanaqquiri narrararrari.

Piripodeniza 1:27

Nazama ouape ozoqquerre ozoqquerrererre nanitide. Tiadeni qquide naqui oqquerre oqquerrererre nanitide oneza tiadenira pina Zeso Cristocca marinarrassa tinanemana-zanapona, onarraro. Tiadeniuarri bacco oneza bacco onerrereza naqui ticcadeni uima bicanira omittazanaponiuarrine. Tirrinedeni uima arrima zanaponina bica tarraro: Bazima tirrariqquimaneza Zeso Cristo tauimari icassiuaueraniuarrinecca tinebomana-rreraniuarrine acco acco ticanarri. Dacoco tirrirehe nema tizanapomanarri, naui Deoza nacasseraqquiri narrarideni attideniza tirraparimana-rreraniuarrine.

Corosadeniza 3:5

Arrirraro namicca uima arri touini tiquenanicca tiadeniza aniraha tinarriquemanarri. Maqquiderredeni, rridapanape amonerre onihi arra arrape tinebomanarri. Arra zabisso tabiradeni naco zouato ticarri-rrerarraro arra arrape tinebomanarri. Amonerre tiadeni naqui maqqui ticarrimanaraha maqquiderre ouaha narra narrape tinebomanarri. Uananehe denima oppina tanicca naqui tinebomanarri. Arri tiadeni touini tiquenanicca toui tiadeni zosse zosse nerreraniuarrine tinebomanarri. Arri uima uaidira tarraro touini tibodideni uauatoma narraro naqui tinebomanarri. Madirra zepetarri qqui tiquenaza naqui touini tiquenerrerarri. Madirracca tarabaia bica tanicca acconi naqui tedimana terrerarri. Nazama arri ziniro, tozepetarri uemani ticarrimanaza tetizemanarrarope pina madirra Deo parrisseheccaza uatizemana-rraraza pouadeni cacauade pouamaccaza uauatizemana narrarissa tiquenerana.

1 Tesaronicadeniza 4:3

Deo Poua nacassa tauiccape arrima narrarona parri: Tibodideni ssiuarra, uisso teza uimasiri rrirehe timadimananiuarrine. Nema tinanemananiuarrinepe uananehecca tinanemana terrerarri.

1 Tesaronicadeniza 4:7

Deopa uimasiri inananiuarrine itoui uaua narraraui. Uimasiri inana-rreraniuarrinena itoui uaua narrari. Deopa ibodi uisso, ssiuarra taniuarrinena itoui uaua nanarra narrari.

1 Timoti 2:10

Amonerre attinidenipe: —Rrehe, ouape Deocca orrani −quenarrarodeni Deo Pouaza bicaqquiri naniuarrinepe arrima quenana: Uima bicanira inanarizemanezana bica tani.

1 Timoti 3:3

Zeze coma tanicca zerride rarrarana. Poua tesse naco inarrizo-rrarana. Rrouauera taza rrone taha madiuiuarrine. Ziniro uemani touini, tozepetarri uemaui toui damera tarrarana.

1 Timoti 6:10

Ziniro uemani touini inacomezape uaidirehe onihi onihi inanariza tani. Madirra motapa ziniro touini, tozepetarri touini quenaza Deoza touarrimanazapa poccadeni rrehenirri inebomanarraro. Pouadeniza ocasserehe bacco nezape pina boba imeza rraro canarrarissa narraro. Uaidirehe pouadeni bodiza rraro tozimezape orri orri zanapomanarrari.

2 Timoti 3:2

Madirrapa poccadeni uima touini dameraqquiri nauitoui. Zinirotoui naco dameraqquiri nauitoui. Madirra attidenipa —Orrine uima parrirenissa tani −quenauitoui. Bodideni naco: —Ouana bica onani, ouana deni orrani −quenauitoui. Madirrapa attideni uaidira taza atti atti quenauitoui. Imehideni attideniza naco iboqquiri nauitoui. Imenideniza, Deoza naco: —Peperri, tirrine bica tani −quena-rrarauitoui. Deo Poua noppine cappinemana-rrarazapa Deo oniza rrarra quenauitoui.

Titodsa 1:11

Narraridenipa denima mari quena-rrarauiuarrine zamarrima tinanabaqquirro. Arrana, poccadeni marinarrarrinepe madirra ouaha ouaha poccadeni ozacca madirrama ssamoni auemanaui. Poccadeni marinarra uaidira taraha narraroza ziniro cacarrimana narrari.

Titodsa 1:7

Nazama Zesoza rrehe quenarrarideni cacauade torrauiuarrinepa madiuissa tarrarina ticatterrizarro. Naui Deocca uimaza zepe irriuissa tauiuarrine. Arra madirra poua deni totonana narraripa poua. Uadi tarrari naco poua. Zeze coma tanicca touini narrari naco poua. Poua tessecca narrizo tarrari naco poua. Maizeheza ziniro cacarri narrari naco poua. Tozepetarritoui mamaiza narrari naco poua.

Titodsa 2:3

Narrarossa narraro amonerre rradanideni naqui mari ticanabaqquirri. Deo noppine cappinemaneza madimananissa taniuarrine. Madirra pouama inauaidiremanauiuarrine uima ponima uati uati nanarizemana nerreraniuarrine. Zeze coma tanicca naqui touini quene-rreraniuarrine. Ponidenicca madieza uima bicani auato inanemananiuarrinena bica tarraro.

Ebreodenidsa 12:16

Arra maqquiderre amonerre uananehe carrimanarrarideni naco tiadeniza carrimemana-rrarana. Madirra Deo noppine cappinemana-rraraza Deocca zossenirri ponima inanemana tani. Narrarideni naco tiadeniza carrimemana-rrarana. Pina maittaccazama Esao Deocca zossenirri ecaua-rreraza ponima inanarrarossa quenazapa bica terrerani. Esaopa taide tossonaporrari. Nama nazapa imehi zoqqueza zepetarripe pouazana torraniuarrineraha Esao pemiuissa taza rrirripa manaco poua ouahaza da inarraro.

1 Pedoro 5:2

Ticcadeni mamari tabaqqui Zesoza rrehe quenarrarideni tecauabaqqui-manauissa tarro. Deo Pouarrine pocca madirra cacauade tiquerrenarraro. Tibodidenipe: —Pouadeni cacauade nacassera oneraha oua icazossemanezade −tiquenerrerarri. Pouadeni cacauade iboraqquiri tiquenana, pina Deo touini nauiccassa tinanemanana. Tibodideni naqui: —Ziniro uemani ouaza torrezana pouadeni cacauade orraniuarrine −tiquenerrerarri. Tibodideni bicaqquiri neza pouadeni acco acco titicanabaqquimana nana, onarraro.

2 Pedoro 2:10

Arra madirra uaidirehe pouadeni touini quenauiccaza dameraqquiri narrarideni, arra Deo Attiza iboqquiri narrarideni, arra cacauehe carrimanarrari attideniza iboqquiri narrarideni bazimazape narrizoue denima oppina tanicca ssonarinitoui. Arra maizehe mamaridedenipa uaribodeni didiqquiri narrari. Cappineraqquiri nazapa: —Ouana nauato onarraro, deni orrani −quenarrari. Deocca zozosse tabaqqui memeuarriccaza naco tamassode cappineraqquiri narrari.

2 Pedoro 2:14

Pouadenipa amonerre qqui toquenaza touini inacomemanezape pina irremanarrarossa narraro. Uimasiri tonanade neboboraqquiri narrari. Arra rrehenirrirideni rrapari tarrarodeni icamaizabaqqui-manazapa uimasiriza toquerrenani taui. Pouadeni bodiza touini inacomemananicca pouadeniza torraniuarrine nauatoqquiri narrari. Namarridede rarraripa parrissa Deo inarricauitoui.

2 Pedoro 2:3

Maizehe mamaridedenipa zinirotoui dameraqquiri naui. Pouadenipa tiadeni tocamaizabaqqui-manaza ticcadeni ziniro pouadeniza totorra nanitoui. Naraha taidezama poccadeni uima uaidira tani Deo nauato tapozapa narrizoue oppina tanicca pouadeniza inanarroraporraro. Niza pocca uadie torrezape zori tocanire-rrarauitoui.

Apocalipsis 2:14

—Naraha ticcadeni uima motape nacassera onani. Tiadeniuarri madirra motapa maittaccazama madirrari Barahaocca marinarra nebomana-rraraui. Arra Barahaopa Izarraeodeni uimasiri inanemananiuarrine zama Moabicca tamine Baraqui inauattarrari. Pocca marinarrape arrima naporraro: Siba nauatoniza da tauicca bani Izarraeodeni rripemanauiuarrine oppinera tani. Uananehe inanemananiuarrine naqui oppinera tani, narrari.

Apocalipsis 2:21

Ouape poni bodini cacarriqquimeraniuarrine touini omadi omadi zanaporaha bodini cacarriqquimeraniuarrinepe touini nerrerani. Ponicca uananehe neboniuarrine nacassera tarraro.

Apocalipsis 21:8

Naraha Ouaza toquerrena-rrararraridenipa narrizoue carrimanauitoui. Arra madirra: “Zeso Cristopa oua Idinide” quenauiuarrine uatide cappinaqquiri narrari, madirra Zeso Cristoza parrissa quena-rrararrarideni, uima uaidira taniccaza dameraqquiri narrarideni, madirra poua tesse nanazoqquede damera tarrari narrizoue carrimanauitoui. Arra uananehecca dameraqquiri narrarideni, zoppinerredeni, siba nauatoniza uauatizemana narrarideni, mamaizadedeni naco narrizoue carrimanauitoui. Narrarideni bazimapa coriza imeni enxofre rrororo cananiuarri ua tozippauitoui. Narrarope zoqquehe zotodecca −nade. (Nanizape narrizoue rriquerreranicca tonauanemana-zanapouitoui.)

Apocalipsis 22:15

Naraha arra madirra Zeso Cristoza parrissa quena-rrararrarideni, zoppinerre doriza dameraqquiri narrarideni, uananeheza dameraqquiri narrarideni, irrinedeni auemanarrarideni, siba nauatoniza uauatizemana narrarideni, maizeheza dameraqquiri narrarideni, poua tesse mamaizadedeni, narrarideni bazimapa Deocca oza pananiza rraui torrezima-rrarauitoui.

Apocalipsis 9:21

Madirra nanazoqquede, caribarrade, uananehe, botie naco nebomana-rrararrari.