Epesodeniza 5:2 - Kulina New Testament Brazil

² Pocca touati uanehema bazima touideni tetideni cauanariri canarri. Zeso Cristo itoui uati uana tazapa poua ccaccoraza zoqquerrari. Narraro pocca danirripe Deoza bica tarraro. Pina bani bedi Deoza da taui botta taza marro ocassa tarrarissa narrari.

Culina Mádija

² Pocca tohuati huanehema huapima tohuideni tetideni cahanariri canaji. Jesocristo itohui huati huana tadsapa pohua ccaccoradsa dsoqquejari. Najaro pocca danijipi Diodsa bica tajaro. Pina bani bedi Diodsa da tahi botta tadsa majo ocassa tajarissa najaro.

Epesodeniza 5:2 Iomraidhean Croise

Mateo 20:28

Arri oua Madirra Bedi orrarrarope madirra zosse zosse onaniuarrine occarrona-rrerarraro. Madirra acco ocanabaqquiuiuarrinena occarronarraro. Madirra poccadeni uimasiri manaconi pouadeniza ssonari-rreraniuarrine poccadeni uimasiri manaconipe ouana oua ouaccoranitoui −nade Zeso.

Huano 13:34

Nazama arrirrarope occa zossenirri zati: Tiadenipe tetideni cauanerara canana. Pina arri oua tiadeniza ouati uana tarrarossa narraro tiadeni naqui ouaza parrissa quenarrarideniza tetideni uanaqquiri nana, onarraro.

Huano 6:51

Ouape pao camittehecca orrani memeuarricca occaronarraro. Narrari pao madirra rripemanarraripa madimana-zanapouiuarrine, onarraro. Tiadeniza pao da onarraripa ouassire. Madirra zama bazimacca tocassiuauerauiuarrinepa ouana oua ouaccoranitoui −nade Zeso.

Romanodenidsa 15:16

Zodeo querrena-rrararrarideniza uima bicani torraniuarrine Zeso Cristoza ozepe irrirraro. Pina poccadeni Deoza dada toqquimadessa oneza Deocca uima bicani icassiuaueraniuarrinecca mari ocanabaqquirrari. Nema onezape pouadenipa pina occa danirri Deoza da onarrarossa quenarrari. Narraro danirripe Pouaza bica tarraro. Poua Corime pouadeni inauissobaqquizapa Pouaza toquerrenauissa tarrari.

Romanodenidsa 4:25

Deopa Poua Bedi da inaza zoqquerrari, icca uimasiri manaconi. Nauatonirraripa iaza: —Uimasiri ticappiremanani −nauiuarrine.

Romanodenidsa 8:3

Narraro uima bicanipe Deorrinena iaza torrarraro. Moizecca marinarrarrine rrerani. Moizecca marinarrape ecauanissa taniuarrine iparrire-rrerani. Madirra iape ibodiza uaidirehe touini inehe imadirraro. Narraroza Deopa: —Uaidira tani. Narrarorrine narrizoue ticarrimananitoui −nanarra narrari. Naraha narraro uimasiri tomossiniuarrinepe Deo Poua Bedi zosse inaronarrari. Pina madirra essire icarrirrarossa naha carrizapa poua assirezana icca uimasiri manaconi Deorrine ssonarirraro.

Romanodenidsa 8:37

Narraro ocasserehe onihi onihi narizarraro bazima iaza ssonariraha Cristo iaza uati cauanari canazapa iana deni iquerrenarraro.

1 Corintodeniza 16:14

Ticcadeni touati uanehema, uatizehema tizepedeni ihirririzemana narri.

1 Corintodeniza 5:7

Nazama pocca uimasiri ssarra tariza-rreraniuarrine tinebomanarro, pina zodeodenicca errete Pascoa anizape pao ssarra tauiuarrinecca cacarrima inebomanarrarissa tinanemanarro. Pina pao zati cacarrima rrirahaccassa tiquenarri. Cristopa itoui zoqquerrari. Pina icca eueue bedi Pascoaza zoqquerrarissa narrari.

2 Corintodeniza 2:14

Rrehe, uima onihi, onihi carri teraha nema nehe Deoza: —Peperri, tirrine bica tani −ihizanapo nana, onarraro. Pouarrine Zeso Cristocca deni torreheza iquerrenezape deni iquerrenarraro. Pouarrine Zeso Cristo tauimari icassiuaueraniuarrinecca ecomerarizezape zama bazimaza torrarizarraro. Pina marro bicabote torraribaqquirrarissa narraro.

2 Corintodeniza 2:15

Iape pina marro bicabote Cristo Deoza da inarrarissa inarraro. Poua tauimariza izepe irrirrarope Deoza bica tarraro. Izepe irririzarrarorrine tocassiuauerauiuarrinedeniza, tocassiuauera-rrarauiuarrinedeniza bacco inarizarraro. Pina marro bicabote toccabaqquiza madirraza bacco tarizarrarissa inarraro.

2 Corintodeniza 8:9

Tiadenipe ia Zozossede Zeso Cristocca biquehe, pocca touati uanehe nauatoqquiri tiquenani. Pouapa memeuarri madiza bazima carrirrari. Cappira-rraraha madiuissa taporrari. Naraha titouideni namiuarri ccaronazapa pina cappirarrarissa naha madirrarirrine tiadenipe sseqquiri tiquenarraro.

Carasiadeniza 1:4

Zeso Cristopa icca uimasiri manaconi zoqqueuiuarrine poua ccaccorarrari. Nama narraripa arrirraro zamacca uima uaidira taniccaza iquerrenazanapo-rreraniuarrine. Icca Abi Deo ia todinibaqquiuiuarrine touini napoza: —Occa erredeni Zesopa madirracca uimasiri manaconi zoqqueuitoui −napode.

Carasiadeniza 2:20

Ouape Zeso Cristo tezerre aua porimacossaniza ipamarronarrarossa neza occa madie rradanibotepe rricarraro. Rridapanapa Cristona ouaza madirrari. Nazama arrirraro namiza ouassirema omadiccazape Deo Bedi Zeso Cristoza rrehe ozanapoza omadirraro. Narrarina otoui uati uana tarraride. Oua tonassiuauauiuarrine zoqqueheza poua ccaccorarraride.

Epesodeniza 1:4

Deopa zama inauatopo-rrerazama itoui naporrari. Pocca madirra iquerrenaniuarrine ia tocatterrizabaqquirrari. Nama narraria Poua Bedi Zeso Cristoza parrissa inarrarodeni ibodi ssiuarraqquiri naza Deo Pouatouira imadinissa zanaponiuarrine. Ia qqui tabaqquizapa uimasiri icappirani ia qqui tabaqquiuitoui. Deopa iaza uati uana tarrari.

Epesodeniza 3:17

Zeso Cristoza parrissa tiquenaza tibodideniza madiuiuarrine Deoza uati uati onarraro. Deocca touati uanehema timadimananiuarrine naqui Pouaza uatide damera onarraro. Pina aua rrabo nami bodiuarri toqquezimarrarissa tiquenarri. Tirrabodeni Deocca touati uaneheza denima toqquezima-zanapozape Deoza tetideni uana taniuarrine, timecotedeniza naqui tetideni uana taniuarrine.

Epesodeniza 3:19

Pocca touati uanehe deni torrarrarorrinepe nauato inanissa taniuarrine iparrire-rrereraha tiadeniza auato taniuarrine Deoza uati uati onarraro. Pocca touati uanehe tiadeniza torrizerezape Deo tiadeniza aniuissa tauiuarrine, onarraro.

Epesodeniza 4:15

Naraha iape Deocca marinarra parrisseheccazana rrehe inarraro. Narraroza imadirraro. Imecotedeniza eti uana tezape pouadeniza uima parrissehera uati uati inarraro. Nema inezape icca madie tobicazanaponitoui. Pina Zeso Cristocca madiessa nanitoui. Zeso Cristopa pocca iquerrenarraro ia Zossede. Pina itati essire zosse zosse narrarossa narraro.

Epesodeniza 4:2

Tibodideniza: —Ouape arrimani orrani −tiquenani bica tani. Rroneqquiri tiqueneza tettideni bica teza uati uati tiquenana. Timecotedeni tezerre tetideni cauanerara caneza amazati tedimana-rrerana. Madirra tiadeniza nacassera taza naco pina mouaraza tinauanemanana, onarraro.

Epesodeniza 5:15

Nazama timadimananissa taniuarrine tibodideni uatonissa zanapona. Pina ssamoqquiri narraridenicca madiessa tiquenerrerana. Nauatoqquiri narraridenissa tiquenana.

Epesodeniza 5:25

Maqquiderre amonerre ticarrimanarrarodeni naqui ticcadeni amonerreza tetideni uanaqquiri narri. Pina Zeso Cristo pouaza iquerrenarraro itoui uati uana tarrarissa tiquenarri. Pouapa itoui uati uana taza zoqquerrari.

Piripodeniza 4:18

Nazama ticcadeni da naqquinarrape Epaprodito arriuarri eccarronarraro. Narrarozape occa madieuarrine mitta onarizaui. Neraha mota torraccani. Nazama ouaza zosse tarronemanarrarope Deoza pina marrorro marroni bica tarrarossa narraro. Ouaza tirrinedeni bica tezape Deoza naqui bica tani. Nazapa Deo tiadeniza uatizeui.

Corosadeniza 3:14

Touati uanehema timadimanarri. Uima bicani uapi taraha touati uanehena deni torrarraro. Eti cauanerara canazana Cristoza irrariqquinissa tarraro.

1 Tesaronicadeniza 4:9

Nazama timecote Zeso Cristoza rrehe quenarrarideni tezerre tetideni cauanerara cananicca uimape nauatoqquiri tiquenani, Deo Pouana tiadeni mari tocanabaqquipoza. Nema nezape narraro uima tiadeniza dozo onerrerani.

1 Timoti 2:6

Zeso Cristopa zoqqueuiuarrine poua ccaccoraza icca uimasiri manaconi zoqquerrari. Narraro uima madirra bazima mittarizemanauiuarrine Deorrine auato inaneza parrissa torrarraro, arri Deorrine narroraponicca uada bacco teza, onarraro.

1 Timoti 4:12

Naraha madirra attideni tiaza: —Zabisso tirrani. Ssamo tinani. Tettiza iboraqquiri inaniuarrinequi? −quenazapa ticappine-rrerarri. Attideniza naqui rrehe terrerana, onarraro. Manaco ticca madiera denima bica tinaneza Zeso Cristoza rrehe quenarrarideni qqui toquenazapa pina ticca madiessa inanemananitoui. Uima bicanira uati uati tinezape pouadeni naco uima bicani uatide tocauatterauiuarrine. Madirra bazimaza teti cauanari canezape pouadeni naco touati uanehe tocauatterauiuarrine. Deoza ticca rrehenirri dacorani qqui toquenazapa poccadeni rrehenirri todacoraniuarrine. Uimasiri tinane-rreraniuarrine tia cacauade nauato tinezape pouadeni naco pouadeni cacauade tocauatterauiuarrine.

Titodsa 2:14

Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Ebreodenidsa 8:3

Nazapa arrirraro namicca Deoza dada toqquimade deni torrauicca bazimapa Deo pouadeni icatterrizabaqquirrari, Deo tazariuarri zepedeni ihirrimana nauiuarrine. Arra Deoza dada toqquimade deni torrauiccapa madirra Deoza uatizemanaza poccadeni da naqquinarra Deoza da da ihiqquimemana narraro. Madirradenicca uimasiri manaconi bani bedi naco da da ihiqquimemana narrari. Nazapa icca danirri dada toqquimade deni torrauicca Zeso naco icca uimasiri manaconi Deoza da inaniuarrine carrirrari.

Ebreodenidsa 9:14

Nazama narraro marinarrassa inanemaneza bani bedi emenerrine assiredeni touissomanazapa dacorehe carrini auato tarraro. Naraha Zeso Cristo emenena dacorehe denima carrirraro. Deo Poua Corime Camitta taha nama zanaporrari Zeso inadacoraza icca danirri bicabote torrauiuarrine poua ccaccorarrari Imehi Deoza. Zesopa uima cappirarrari, bodi uisso tarrari. Icca uimasiripe narrizoue rriquerreraniuarri ia touaccanitouiraha Zeso emene toccarrarorrine icca uimasiri sse inarraro. Ibodi inauissorraro. Nema nezape icca Deo camitta tarrari Attiza iboraqquiri izanaponiuarrine iparrirerraro.

Ebreodenidsa 9:23

Rrehe, nazama memeuarricca Deo tazaripe assirani. Namiza anirrarocca ozape corimani. Narraro oza bodiza anirizarrari bazima Deoza touisso taniuarrine bani bedi emene uissa inaririzemanaza touissorizarraro. Naraha memeuarricca assirani arra Deo madiuiuarri parrissehecca touissorizaniuarrinepe bani bedi emene parrire-rrerani. Naniuarricca touisso taniuarrinepe denima bica taniccana parrireni.

Ebreodenidsa 9:26

Rridacca uarrano uarrirriraza poua emene toccaniuarrine poua ccaccaccora narronazapa zama nauatoponizama zoqquehe tonauanarronanarra. Naraha rridapana zama rricanicca uada touarrireza iaza ccaronarrari. Zoqqueheuarrine poua ccaccoraui orrariui, icca uimasiricca dacorehe inarricaniuarrine. Nama naui orrari nazapa paparra. Nama napoma-rrarauitoui.

1 Pedoro 4:8

Uima deni torraniccape tetideni cauanerara canarizaniuarrine. Narraro touati uanehepe uimasiri inarrica tani.

1 Zouao 3:16

Zesopa pocca madie iaza eccorezape itoui zoqquerrariparra. Narrarorrinea arri touati uanehe icauatterarraroparri. Nema nezape ia naqui imecotedeni tocassiuauerauiuarrinepa iana ia eccorani bica tani.

1 Zouao 3:23

Deo pocca zossenirripe arrima narraro: —Occa erredeni Zeso Cristoza rrehe tiquenarri −narrari. —Timecotedeni tezerre tetideni cauanerara canarri −narrari iaza.

Apocalipsis 1:5

Zeso Cristo naco tiadeniza narrarossa inanarizana, onarraro. Pouapa Deo Atti nauato taza parrissehera uati uati tarrari. Pouana taide nauatoniporrari. Pouapa zama bazimacca tamine deni torrarrari. Bazimaza zosse zosse narrari. Zeso Cristo iaza uati uana tarrari. Uimasiriza imadiraha poua emene toccarrarorrine icca uimasiri inarricarizarraro.

Apocalipsis 5:9

Pouadenipa arrie zati rriri icanemanezape arrama quenarrari: —Tiana bicabote deni tirrani orrari tarraro. Papeo pico naqquini tidirraro bica tani. Nepi tamaroni 7 nehe carriraha titaboni uarrine bica tani. Tiana tia inanazoqque-maneza temene toccarraroza Deoza toquerrenauiuarrine mitta tinabaqquirraride. Arra madirra zama onihi onihiza madirizemanarrarideni mota, touatti onihi onihi carririzemanarrarideni mota, uapideni onihi onihi carririzemanarrarideni mota tirrine Deoza toquerrenarizarrari.