Epesodeniza 5:12 - Kulina New Testament Brazil

¹² Pouadenipa auatoreheza uaidirehe inanemanarraro. Poccadeni uaidirehecca uima ecomeraniuarrinepe iaza oppina tani.

Culina Mádija

¹² Pohuadenipa ahuatorehedsa tabaccorehe inanamanajaro. Poccadeni tabaccorehecca ima ecomeranijinepi iadsa oppina tani.

Epesodeniza 5:12 Iomraidhean Croise

Romanodenidsa 2:16

Niza Deo madirradenicca uima nattome inabaqquiuiuarrinecca uada bacco tazana Zeso Cristo izosseuitoui. Nazana madirra bodideniza uima ecomemanarraro Zeso auato inananitoui. Narraro uima torraniuarrinepe Zeso Cristo tauimari icassiuaueraniuarrinecca mari mari ohonanarraroza uati uati onapode.

Epesodeniza 5:11

Arra ziziniza madimanarraridenipa uima bicani tonanade ssamoqquiri narrari. Pouadenipa uima ponimacca, uaidira tanicca inanemaneraha tiadenipe pouadeniza ticarrimemana terrerarri. Pouadenirrine uaidira tarrarope auato tinanemananina bica tani. Pina ssiuarraniuarri rroca tininebaqqui-manarrarissa tiquenana.

Epesodeniza 5:13

Naraha uaidirehe inanemanarraroza Deo ssiuerrene ssonaririzazapa poccadeni uaidirehe nemanehe auato tanitoui.

Epesodeniza 5:3

Tiadeni Deoza tiquerrenarrarope uananehe bazima tinanemana terrerarri. Tettideniza naqui uananehecca uatide nouerana. Uaidirehe oppina tanicca onihi onihi Deocca madirraza nouerarraro. Madirracca tarabaia acconi, tozepetarri accone naqui tedimana terrerarri. Ziniro, tozepetarri uemani touini tiquenerrerarri. Deocca madirra tiquerreneza timadimananissa taniuarrinepe nema nanicca uima uapima uati tiquena terrerarri.

1 Pedoro 4:3

Taide timadimanapozape Deoza rrehe quena-rrararraridenicca uaidirehessa tinanemaneza timadimanapoccade. Pina tessiredeni touaidiraniuarrinecca touini titiquena narraro. Ticcadeni amonerre rrereraha touini tiquenarraro, ticcadeni maqqui rrararaha toui tiquenarrari. Narraro uananehe touini titiquena narraro. Uananehe onihi uaidira tanicca naqui touini titiquena narraro. Tinoccodeni rrano taniuarrine touini titiquena narraro. Errete uaidira tanicca touini titiquena narraro. Zoppinerreza, siba nauatoniza naqui: —Ia cacauade −titiquena narraro. Narraro uimape Deoza denima uaidira tani.

Apocalipsis 20:12

Ocattoma cananerre zoqquemana-porrarideni Deo tezerrema domodeni uarrari. Nauiuarripa deni toquerrenarrarideni domo ua, cappiremanarrarideni domo ua narrari. Arra passoza rre tocanirerrarideni, zamaza rricarrarideni, zoqquemana-porrarideni bazima Deocca uiuittari bicabote tazarranima domodeni uarrari. Nazapa zoqquemana-porraridenicca uima papeoza dozo naporraro itaborizarraro. Arri pouadenirrine uima bicani inanarizemanarraro, uima uaidira tanicca inanarizemanarraro naqui papeoza dozo narizarraroza uima cattemade torrarrari. Nezape pina pouadeni uima inanarizemanarrarossa nehe manaconi pouadeniza inanarraro. Papeo onihi naqui itaborraro. Narraro papeope madirra camittehe carrimana-zanapouiuarrinecca.