Epesodeniza 4:7 - Kulina New Testament Brazil

⁷ Ia bazima irrariqquirraroraha izepe irriniuarrinepe onihi onihi icarririzarraro. Deo Poua touini nauiccassa inanarizaniuarrine Zeso Cristo ia bazimaza da inabaqquirizarrarode.

Culina Mádija

⁷ Ia huapima ijariqquijaroraha idsepe ijinijinepi onihi onihi icajiridsajaro. Dio Pohua tohuini nahiccassa inanaridsanijine Jesocristo ia huapimadsa da inabaqquiridsajarode.

Epesodeniza 4:7 Iomraidhean Croise

Mateo 25:15

Pocca zozosse orrariapa ziniro inauapiniuarrine nauato tauissa tazapa pouaza ccarara 5 mil nehe da inarraro. Ouaha naco ziniro inauapiniuarrine nauato tazapa pouaza ccarara 2 mil nehe da inarraro. Ouahapa ziniro inauapiniuarrine arramani nauato tazapa pouaza ccarara 1 mil nehera da inarraro. Nazapa ziniro rrinede bobode toccarrari.

Huano 3:34

Pouana Deo icazosserrari, uati uati nanariza narrari. Narrarina Deo Atti uati tauissa tarrari. Deo Poua Corime pouaza da inerre narraro inaparrirenissa tarraro.

Romanodenidsa 12:3

Deo ouaza uati uana tarraria oua cazosseza tiadeniza uati onarraro. Ponima: —Deni orrani, ouana nauato onani –tiquenerrerarri. Mouaraza Deorrine nauatoto tinarraroccaza ticcadeni uima nattome tiquenarri. Zeso Cristoza parrissa tiquenarraroma tibodideni uatome-manarri.

2 Corintodeniza 6:1

Nazama Deoza izepe irrirrarope tiadeni acco canade imadirraro. Nezape ettissa tinanemananiuarrine etti bica teza tiadeniza uati inarraro: Deo pocca touati uanehe tiadeniza auato inanezape ponima tinanemana terrerarri, inarraro.

Epesodeniza 3:2

Occa uima timittemanezape rridapanana nauatoto tinani: Deocca touati uanehe pocca biquehe naqui tiadeniza torrani tauimarini timittemananiuarrine Deo oua cazosserrari.

Epesodeniza 3:8

Zeso Cristoza toquerrenarrarideni mota uapi taha bicaqquiri naraha ouape bica onerrerani. Occa uima rradanipe uaidira tade. Ouape Deocca madirra bazimaza arrimani orrani. Nema oneraha Deona ouaza bica tarrari. Oua tocatterrizazapa tozepe irrie bicani ouaza da inarrarode. Narrarope arri zodeo querrenarrararrarideniza Zeso Cristo tauimari icassiuaueraniuarrinecca uima bicani maride occarizaniuarrine.

Ebreodenidsa 2:4

Deo naco pocca zossenirri zati parrissa torrani iaza auato inanarrarode. Arri qqui inapo-rrerarraro auato inanarrarope uapi tade. Arra comaqquiri narrarideni ihinanomibaqqui narrari, canauatoriri canarizarrari, poua touini narrariza naco Poua Corime ihinanariza narraride.

1 Pedoro 4:10

Deopa tiadeniza uima bicani inanarraro. Poua Corimecca nauatoue onihi onihi da inarizezape ticarririzemanarraro. Narraro danirri bicani ponima tinanemana-rrerana. Narraroza timecotedeni acco canade nauatoqquiri tiquenana. Acco acco ticanarizerezape Deocca biquehe bazimaza auato taniuarrine.