Epesodeniza 4:18 - Kulina New Testament Brazil

¹⁸ Bodideni zizi tarrarorrine mittemana-rraraui. Deo Atti ssamoqquiri nazapa Deocca madie bicaniza uatizemana-rrararrari. Bodideniza iboue dacorarraro.

Culina Mádija

¹⁸ Bodideni dsidsi tajarojine mittamana-jarahi. Dio Atti ssamoqquiri nadsapa Diocca madie bicanidsa huatidsemana-jarajari. Bodidenidsa ibohue dacorajaro.

Epesodeniza 4:18 Iomraidhean Croise

Mateo 13:15

Arrarrari madirra bodideni tossamorizazapa parra tossamomanariui nauitoui. Uaribodeni moda nazapa pina mittemaneraui nauitoui. Noccodeni naco mozi quenazapa pina noccodeni cappiremanarrarissa nauitoui. Nama quenazapa qqui toquenauiuarrine ssamoqquiri, mittemanauiuarrine ssamoqquiri, bodideni tocauatterauiuarrine ssamoqquiri nazapa bodideni cacarriqquimera-manauiuarrine ssamoqquiri naui. Rridacca bodideni cacarriqquimere-manaza ouaza toquerrenazapa onabicabaqquiuitouiraha” naui nade Deo −nade Zeso.

Maraco 3:5

Nazapa Zeso madirra bazima rrassi nauarranirrari icauadibaqquiza noccodeni icattabaqqui narrari. Nazapa poua bodi orrirrari, uaribodeni didiqquiri naza. Nazapa zepe siriza: —Rrari, tizepe ouauarri da ticanarronarri −naui nade. Naza poua zepe pouauarri da icanezape tocanomirraro.

Huano 12:40

—Deopa noccodeni ecossabaqquirrari, qqui toquena-rrarauiuarrine. Deopa bodideni inassamobaqquirrari, touattemana-rrarauiuarrine. Deo Attipa: “Bodideni cacarriqquimerazapa onabicabaqquiuitouiraha bodideni cacarriqquimere-manaha narraraui” −napoui nade Izaia dozo inaporraro.

Tahimarideni 17:30

Madirrapa Deoza ssamoqquiri naporaha Deo pouadeni inarrizobaqquirra narronapoui narrararrari. Deo Pouana madirracca uimasiri inauanarronaporaha rridapanape zama bazimacca madirraza Poua Attia: “Ticcadeni uimasiriza peperri tiquenarri, tibodideni tecarriqquimera-rizemanarri” narrariparra Deo.

Tahimarideni 3:17

—Rrehe occa madirradeni, tiadeniza ouattipe: “Tirrinedeni Zeso zoqquerrari” oneraha tibodideni ssamoqquiri napoza tinanazoqquemanarrari nauato onarraro. Deoza dada toqquimade taminedeni naco bodideni ssamoqquiri naza Zeso inanazoqque-manarraride.

Romanodenidsa 1:28

Deoza bodideni uatouiuarrine nacasseraqquiri naza Deo Attipa: —Paparraua. Pouadeni bodi pouadeni touini quenazapa nama naha madimana-zanapouiuarrine −narrari. Narraria madirra bazima uima bica terreranicca inanarizemanarraroparri.

Romanodenidsa 11:25

Ouimecotedeni, arrirraro uimape taide madirraza auatora taporaha timittemananiuarrine uati onana, nani tibodideniza: —Iape deni iquerrenani −tiquenerreraniuarrine. Narraro uimape Izarraeo potemaui zodeodeni mota uapi taha Deoza touibomanarrari. Naraha zodeo querrena-rrararrarideni touapiuissa tazana zodeodeni poccadeni iboue nebomanauitoui.

Romanodenidsa 11:7

Nazama Izarraeodenicca uimape nerrecoma narrarona parri? Pouadenipa Deoza bicaqquiri nauiuarrine touini quenaraha narraro uima bacco toquena-rraraui. Mota sibera taha Deo icatterriza-baqquirraridenina Pouaza bicaqquiri narrari. Motapa parra uaribodeni todidimanariui narrari.

Romanodenidsa 2:19

Tettideni naqui: —Iape Deo Atticca ssiuarrani carrimanauiuarrine inauattabaqquiuiuarrine iparrireni. Pina noccodeni siri rrauinedeni zopi icanabaqquirrarissa, pina ziziniza rrauirizarrarideni piri icanabaqquirrarissa inarraro −titiquena narraro.

1 Corintodeniza 1:21

Deo Poua bodi nauato tazapa atti arrama narrari: —“Iape iara nauatoue icarrini” quequenanarraridenipa Ouaza bacco toquena-rrarauitoui −narrari. Pouapa pocca uima bicani mari mari inarraroza rrehe quenarraridenina inassiuauabaqquiuiuarrine nacassa tarrari. Narraro uima madirra motadenizape pina ponimassa narraro.

1 Corintodeniza 2:8

Narraro uimape arrirraro zama cacauadedeni mittemana-rrararrari. Rridacca Deocca uima mittemanazapa ia Zozossede bicabote deni torrarrari inanazoqquemana-rraranarra.

2 Corintodeniza 3:14

Naraha Izarraeo potemauideni mittemanauiuarrine uaribodeni didiqquiri narrari. Pouadenipa Deocca rrehe canirenirricca zossenirri taidecca ua ua quenaporaha uaribodeni didiqquiri narronemanarraria arra rridapana naco mittemana-rrararrariparra. Cristona orrarirrari uaribodeni inassiuarrabaqquiza mittemanauiuarrine.

2 Corintodeniza 4:4

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

Carasiadeniza 4:8

Rrehe, taide Deoza ssamoqquiri tiquenapozape tiadeni cacauade pouamaccazara: —Ia cacauade −titiquenapo narraro. Narrari tiadeni cacauade maizeheccaza tiquerrenapoccade.

Epesodeniza 2:1

Taidepe ticcadeni uaidirehe, ticcadeni uimasirirrine Deozape pina tecotarrarossa narrarode.

Epesodeniza 2:12

Zeso Cristo rrirehe timadimanaccade. Tiadenipe Izarraeo potemaui zodeodeniza ticarrimemana-rreraccade. Deopa pouadeni tezerrera rrehe canireporraride. Pouadenizara uima bicani onihi onihi uati taporrari. —Tiadenira onassiuauabaqquinitoui −napoui nade Abi Deo. Naraha tiadenizapa nama narrararrari. Arrirraro namiza timadimanaporaha ponima Deo rrirehe timadimanezape: —Izoqqueza icassiuaueranitoui −tiquenerreraccade.

Corosadeniza 1:21

Taidepe Deoza rrizaqquiri tiquenaccade. Tibodideniza Deoza nacasseraqquiri tiquenaccade. Uaidirehe tinanemanarrarorrine Deocca uadi uadi tiquerrenaccade.

1 Tesaronicadeniza 4:5

Nema tiquenezape pina arra Deoza ssamoqquiri narraridenissa tiquenerreraniuarrine. Pouadenipa Deoza ssamoqquiri naza pouama touini quenaza uananeheza carri carri cacana narrari.

Ebreodenidsa 5:2

Deoza dada toqquimadepa Deoza zepe irriraha poua naco madirrarra narrari. Deoza ibora tauissa tauirrine pouaza naqui narro tani. Nama nazapa Deo Atti mittemanauissa tarrararrarideniza uati uana tazapa mouaraza uati uati ihicanabaqqui narrari.

Ebreodenidsa 9:7

Naraha uauacossa ideniuarri Deo aniuiuarri denima bica taniccaza toqquezimadepa Deoza dada toqquimade deni torrauicca poua motta orrari naha totoqquezima narrari. Uada orrarieza toqquezima, uarrano ouahaza naco narraro uada bacco tapomazapa toqquezimapoma, uarrano ouahaza toqquezimapoma nanarra narrari. Nama nama zazanapo narrari. Nauiuarri toqquezimazapa bani bedi bicabote emene zorro zorro ihicazima narraro, Deo madirra bazimacca uimasiriza: —Peperri, ouati rrimani −nauiuarrine. Madirra bazimacca uimasiri manaconiuarrine zorro icazimazapa poua pocca uimasiri manaconiuarrine naqui zorro icazimarraro. Madirra ssamoqquiri naza uima inanemanarrarocca uimasiri manaconiuarrine naqui Deoza da da ihinanarraro.

Satiacocca 4:4

Rraho, uima onihitoui rraui tirrarizarrarope pina amonerre maqquiderre ouahatoui ccarizarrarossa tiquenarraro. Nauatoqquiri tiquenerrerarraroqui? Arrirraro namicca uima touini tiquenezape poni tassani tiquerrenarraro. Nezape Deocca uadi tiquerrenarraro.

1 Pedoro 1:14

Taidepe Zeso tauimari icassiuaueraniuarrinecca ssamoqquiri tiquenaza uaidira tanicca touini tiquenehe timadimanaporaha rridapanape nema tiquenerrerarri. Deo Attizara iboraqquiri tiquenarri. Pina erredeni imehideni attiza iboraqquiri narrarissa tiquenaniuarrine, onarraro.

1 Zouao 2:11

Naraha poua imecoteza nacassera tarraripa ziziniza madirrari. Ziziniza ccarizarrari. Poua rrauine ssamo taui. Ziziniuarrine pina nocco sirissa narrari.