Epesodeniza 4:12 - Kulina New Testament Brazil

¹² Nama nazapa pouaza toquerrenarrarideni inaparrirebaqquirrari, Deoza zepedeni irrimanauiuarrine, imecotedeni acco icanabaqqui- manauiuarrine. Nezape Zeso Cristo poua assiressa inarrarodeni icca rrehenirri denima todacorani naniuarrine.

Culina Mádija

¹² Nama nadsapa Jesodsa toquejenajarideni inapajirabaqquijari, Diodsa dsepedeni ijimanahijine, imecotedeni acco icamabaqqui-manahijine. Nadsapi Jesocristo pohua assiressa inajarodeni icca jeheniji denima todacorani nanijine.

Epesodeniza 4:12 Iomraidhean Croise

Roca 22:32

Naraha Simao, titoui Deoza uati uati onarraro, oua tinebo-rreraniuarrine. Ouaza peperri tanitouiraha, otouira tapomezape timecotedeni arra ouaza rrehe quenarraridenicca rrehenirri todacoraniuarrine pouadeni acco ticanabaqquirro, onarraro −narrari Zeso.

Tahimarideni 1:17

Zodapa Zeso icattazapa pina arra iassa narahade. Poua zepe irrirrari naco pina arri iccassa narahade.

Tahimarideni 11:23

Nazapa Banabe Atioquiauarri bacco taza Deo pouadeniza uima bicani inanani qqui tazapa uatizerrari. Nazapa pouadeniza uati tarrari: —Deoza parrissa tizanapomanana. Tibodideni dacoreza ia Zozossedeza dameraqquiri tiquenarri −narrari.

Tahimarideni 20:24

Naraha ouape narraro uimaza ocappina-rrerani. Oua inanazoqque-maneza naqui peperri, bica tani. Oua Zozossede Zeso Cristo oua cazosserraricca uimaza ouatizezape orrine parrirenissa taniuarrine, onarraro. Arra oua cazosserraripa Deo madirraza uati cauanari canauicca uima bicani mari mari ohonanarraroparride.

Tahimarideni 20:28

—Nazama ouattipe tiadeniza arrima onarraro: Deoza timadimananissa taniuarrinepe tiadeni tecauemanarri. Zesoza rrehe quenarrarideni, arra tiadeniza quequeriqqui narrarideni naco tecauabaqqui-manauissa tarro. Deo Corimerrine pouadeni cacauade tiquerrenarraro. Deocca madirra pouadeni manaconepa Deo Poua Bedi zoqqueza poua emene toccarraro. Narrarorrine pouadeni tecauabaqqui-manauissa tarro, onarraro.

Tahimarideni 9:31

Nazama Zesoza rrehe quenarrarideniza madirra ouahadenicca narrizoue totappezape rroneheza madirizemanarrari. Arri zama arobeni Zodeauarri, zama arobeni Carireauarri, zama arobeni Samariauarri naqui narrizoue totapparraro. Nazapa Deo Corimerrine poccadeni rrehenirri todacorani zanaporraro. Zesoza rrehe quezati naco touapirra zanapoui narrari. Bazima ia Zozossede touira bodideni uatomemana-zanapozapa madimanauissa tarrari.

Romanodenidsa 12:5

Ia Zeso Cristocca iquerrenarraro naqui narrarossa inarraro. Uapi ineraha Zeso Cristoza itassaqquizape pina poua assire orrarirrarissa inarraro. Iape orrari orrari inarizeraha imecotedeni bazimape irrariqquirraro.

Romanodenidsa 12:7

Deocca nauatoue onihipe madirra birrideni acco icanabaqquiuiuarrine. Narraro nauatoue iaza inanezape acco icanabaqquiuissa tana. Madirra mari icanabaqquiuiuarrine Deo iaza inanaza naqui madirra inauattabaqquiuiuarrine dameraqquiri inana.

Romanodenidsa 14:19

Imecotedeni uapima icarronerara cananiuarrine, icca rrehenirri denima todacorani naniuarrine naqui dameraqquiri inana.

Romanodenidsa 15:14

Ouimecotedeni, ticcadeni uima nauato onarrarope madirra bazimaza bicaqquiri tiquenani. Deorrine nauatoqquiri tiquenarraro. Nema nezape timecote bodideni acco ticanabaqqui-manauiuarrine tiparriremanani.

Romanodenidsa 15:2

Ia bazima inoridenicca inauatizebaqquiuina bica tarraro. Poccadeni uima tobicaniuarrine, poccadeni rrehenirri naqui denima todacoraniuarrine dameraqquiri inana.

Romanodenidsa 15:29

Nani ticcadeni oza panani Rromaza bacco onezape Cristocca uima bicani tocassiuauerauiuarrine uatizehema sse onehe tiadeniza bacco onanitoui.

1 Corintodeniza 12:27

Nazama tiadeni bazima Cristoza tirrariqquimanezape: —Cristo poua assire tiquerrenani −inarraro. Arri orrari orrari tarizemanarrarope Cristo assire mota tiquerrenarraro.

1 Corintodeniza 12:7

Pouapa Zeso Cristoza iquerrenarraro orrari orrari inarraroza Poua Corimecca nauatoue onihi onihi nehe da inarizarraro. Arri iaza torrarizarraroza Zeso Cristoza ihiqueriqqui narraro bazima acco acco icananiuarrine, onarraro.

1 Corintodeniza 14:12

Nezape timecotedeni tezerre Deo Corimecca nauatoue onihi onihi narizarraro touini tiquenezape Zeso Cristoza quequeriqquimana narrarideni rrehenirrirideni todacorani naniuarrineccara —Ocarrina −titiquena narri, onarraro. Nema nanicca uemani ticarrimananiuarrine dameraqquiri tiquenarri.

1 Corintodeniza 14:14

Oua naqui touatti rriza tarraroza Deoza uatide orrezape ocorimema uati uati oneraha omittani-rrerani.

1 Corintodeniza 14:26

Ouimecotedeni, arri uati uati onarrarope arrima narraro: Titiqueriqqui nauicca madirra arrie nauatode nauato tazapa rriri rriri nauiuarrine. Ouahapa Deo Atti mari mari nauiuarrine. Ouahapa Deorrine pouaza auatomezape ecomeraniuarrine. Ouahapa touatti rriza tarraroza uati uati nauiuarrine. Ouahapa Deo Corimerrine touatti rriza tarraro mittazapa uati iqquimaniuarrine. Narraro uima bazimape timecotedeni bazima rrehenirrirideni todacorani zanaponiuarrine, onarraro.

2 Corintodeniza 12:19

Arri icca uima uati uati onarrarope tiadeniza: —Icca uima zori terrerani, tossamo-rrerani −inaniuarrine rrerani. Ia Zeso Cristocca zozosse iquerrenarrarope tiadeniza uima bicani torraniuarrinera uati uati inarraro. Deopa etti mittaui nauatoqquiri inarraro. Ouimecotedeni, tiadeniza ouati uana tani. Izepe irrie bazimape Zeso Cristoza rrehe tiquenarraro todacorani naniuarrine.

2 Corintodeniza 13:11

Rrehe ouimecotedeni Zeso Cristoza rrehe tiquenarraro, arrirrarope occa uima rricanicca. Deozara tetetizemana narri, onarraro. Ticcadeni uima ticattememanarri, ticcadeni madie tobicaniuarrine. Tibodideni acco acco ticanana. Timecotedeni tezerre rrehe ticanirenissa tarri. Ticarronerara caneza timadimananissa tarri. Nema tiquenezape Deo tiadeniza madiuitoui. Deopa touati uanehe rrinede, rronehe rrinede naco.

2 Corintodeniza 13:9

Nezape rrapariqquiri ineraha etizerraro. Zeso Cristoza ticcadeni rrehenirri todacorani naniuarrinena touini inarraro. Titouideni Deoza uati uati inarrarope ticcadeni uima Deoza parrirenissa taniuarrine.

2 Corintodeniza 3:8

Arri Deocca zossenirri zati Poua Corimecca dacorehema ccarronarrarona denima bica tarraro.

2 Corintodeniza 4:1

Nazama Deopa iaza uati uana taza Pouaza izepe irriniuarrine iaza inanarraro. Narrarorrine ehetize nezape: —Peperri, ineboqquina −inerrerani.

2 Corintodeniza 5:18

Narraro madie zatipe Deocca. Pouapa iaza boque taporaha Cristo itoui zoqquezapa Poua tezerre icarronerarraroparri. Deo iaza uaua narraripa Pouaza izepe irriniuarrine, madirra mari icanabaqquiza Poua tezerre carronerara canauiuarrine.

2 Corintodeniza 6:3

Deoza izepe irrizape icca madie bica tani madirra qqui toquenauiuarrine damamera inarraro. Nema inerrerezape Deocca zossehe izepe irrirraro tossamorana. Madirra attidenipa: —A, pouadenirrine bica terrerani −quena-rrarauiuarrine imadinissa tarraro.

2 Corintodeniza 7:1

Ouimecotedeni, tiadeniza ouati uana tani. Deo pocca madirraza uati taporraricca rridapana arri iaza bacco narraroparri. Nema nezape ibodi uisso tehe imadina. Essire inauaidira-rreraniuarrine ia ecauana. Pina issicari-rreraniuarrine soue taniza iccariuarrarrarossa inana. Deo noppine icappineza imadinissa zanapona. Ibodi uisso, ssiuarra tehe imadi-zanaponiuarrine Pouazara damamera inana.

Epesodeniza 1:23

Ia Cristoza irrariqquirrarope pina poua assiressa inarraro. Iaza parrireuissa tarizarrari. Meme, nami bazimaza naco pouana parrireuissa tarizarrari.

Epesodeniza 4:16

Itati essire zosse zosse narrarope iccarizaniuarrine, izepe irriniuarrine, irripaniuarrine narraroparri. Essirepe orrariraha naniza touaririzanipe uapi tani. Pina izepe, ibirri, emori, isso narraroparri. Bazima orrariqquizape essire dacorarraro. Narraro uimassa narrarope ia bazima Zeso Cristoza irrariqquizape idacorarraro. Izepe irrie onihi onihi icarriraha imecotedeni tezerre acco acco icanezape pina essire napirrarossa inarraro. Eti cauanerara caneza naqui icca queriqquinarra todacorani narraro.

Epesodeniza 4:29

Touatti uaidira taniccape uati uati tiquenerrerarri. Touatti bica taniccara uati uati tiquenarri. Nema tiquenezape timecotedeni bodideni acco ticanabaqquiza rrehenirrirideni todacorani naniuarrine. Tettideni bica taniccara mittemanazapa bodideni uatizemanauiuarrine.

Epesodeniza 4:4

Ia bazima Zeso Cristoza iquerrenarrarope pouaza irrariqquirraro. Pina poua assire orrarirrarissa inarraro. Deo Poua Corime iaza anirrari naco orrariui. Itezerremacca uima bicani touini imadirraro naqui orrarini. Narraro iaza torraniuarrine Deo ia tocatterrizabaqquirrariparra.

Corosadeniza 1:24

Tiadeniza ouati uana teza Deo Atti denima timittemananiuarrine oneza ocasserani oueraha ouatizerraro. Cristopa pouaza orrariqquimanauiuarrine ocasserani auarrariparrade. Pouaza toquerrenarraridenipa pina poua assiressa quenarrari. Oua naqui pouaza toquerrenarrarideni acco ocanabaqquiza ocasserani ouarraroparri. Nema onarrarope oua ocasserani ouarraro, arra Zeso ocasserani auarraricca tazarrani tassaqquizape pouaza orrariqquimanarrarideni denima tobiquemana-zanapouitoui.

Corosadeniza 1:28

Arrirraro uima Zeso Cristo tauimaripe iana eccorarizarraro. Deo iaza touattehe inaneza madirra bazima bodideni acco acco ihicanabaqqui narrari. Deo ia tonauattabaqquiza naqui mari mari ihicanarizabaqqui narrari. Nazapa niza arra mari icanabaqquirrarideni bazimapa memeuarri Deo Poua baccouarri domo uazapa arra Zeso Cristorrine uimarideni parrirenissa tani Deo qqui inabaqquiuitoui.

Corosadeniza 4:17

Nazama imecote Ariquipoza naqui uati tiquenana: —Ia Zozossede Deo tia cazossezapa narrarossa tinanarri. Damera tinarri −tiquenana, onarraro.

1 Timoti 1:12

Ouape ia Zozossede Zeso Cristoza: Rrehe, tirrine bica tani, onarraro. Arri poua tauimari maride occarizaniuarrine ouaza pocca dacorehe inanezape ouatizerraro. Rrehe, poua attiza ibora onaniuarrine nauato tapozapa oua zosse tarrari.

2 Timoti 4:11

Otesse orraria Rocana ouaza orrari narrari. Nazapa itesse Maraco qqui taza teccarronarro, onarraro. Pouapa Deoza ozepe irriza oua acco canauiuarrine bica taui.

2 Timoti 4:5

Naraha tibodi uatonissa zanaponiuarrine daco tirrirarri. Ocasserehe tiaza ssonariza naqui nema nehe tinauanarri. Zeso Cristo tauimari icassiuaueraniuarrinecca madirra bazimaza tecomerarizaniuarrine damera tinarri. Ia Zozossede Deo pocca zosseheza tizepe irriza naqui tinaparrirenissa tarri, onarraro.

Ebreodenidsa 13:17

Tiadeni maridedeni attideniza iboraqquiri tiquenarri. Pouadenipa tiadeni cacauade rrassi quena-rraraui. Pouadenipa arrirraro uima nauatoqquiri naporrari: Niza zotode Deo baccouarri idomo ueza poccadeni cacauanirri tauimarini Deoza ecomeremananitoui. Nema nezape pouadeniza tirrinedeni bica tezape uatizemanauitoui. Naraha pouadeni orri tinanabaqquimanaza tiadeni cacauade tonacassere-manazapa uima bicani zori ticanirenitoui.

Ebreodenidsa 6:1

Rrehe, Deocca marinarra denima icauatterana, pina rradauideni tocauattera-zanaporrarissa inana, onarraro. Zeso Cristoza rrehe inapozape Deocca marinarra narrora tanicca iattaporraro. Naraha: —Narrarora imittazanapona −inerrerana. Arri marinarra taidecca imittaporrarope arrima narraro: Icca uimasirirrinepe zoqquehe rriquerreranicca narrizoueza iquerrenaniuarrineraha icca uimasiri ineboza Deoza rrehe inezape icassiuaueranitoui.