Epesodeniza 2:9 - Kulina New Testament Brazil

⁹ Parrissa, Deo tiadeni tonassiuauabaqquirraripa bicaqquiri tiquenarrarorrine rrerani. Uima bicani tinanemanarrarorrine rrerani. Narrarorrine madirrapa: —Bica onarrarorrine Deo oua tonassiuauarrari −narrarauitoui.

Culina Mádija

⁹ Pajissa, Dio tiadeni tonassiajabaqquijaripa bicaqquiri tiquinajarojine jerani. Ima bicani tinanamanajarojine jerani. Najarojine madijapa: —Bica onajarojine Dio ohua tonassiajajari −najarahitohui.

Epesodeniza 2:9 Iomraidhean Croise

Romanodenidsa 11:6

Deo bica tarrarirrine icatterriza-baqquirraripa madirra pouadeni inanemanarrarorrine rrerani. Rridacca pouadeni inanemanarrarorrine Deo icatterriza-baqquizapa ettipe: —Deo bica tarrarirrine −inerreranitouiraha.

Romanodenidsa 3:20

Madirra attidenipa: —Iape Moizecca marinarra ecauanissa tani −quenaraha Deo Attipa: —Rrehe, uima ticappiremanani −narrarauitoui. Moizecca marinarrarrinepe uimasiri nauato inarraro. Narraro cacauade iparrire-rrerezape ia bazima uimasiri icarrini auato tarraro.

Romanodenidsa 4:2

Uima bicaniza poua zepe irrirrarirrine Deoza tobica-rraraui. Rridacca arra poua zepe irrirrarirrine Deoza tobicazapa: —Oua orrine Deoza obicarraro −nauitouiraha uimape nema nerrerani.

Romanodenidsa 9:11

Erredeni papamade tocatorra-rraraccazapa uima bicani inanemana-rreraccani, uima uaidira tanicca naqui inanemana-rreraccani naraha Deopa pouadeni tezerremacca uima Rrebecaza uati taporrari: —Taidecca tossonarraripa zotodeccarrinena zozosse torrauitoui −naporrari. Deo Poua nacassa tauicca inanarizaniuarrine madirra icatterrizabaqquirrari. Touideni uaua narraripa madirra pouadeni inanemanarrarorrine rrerani.

Romanodenidsa 9:16

Deo iaza uati uana tarraripa ia touini inarrarorrine rrerani, izepe irrinissa tarrarorrine rrerani. Deo Poua uati uana tarrarirrine.

2 Timoti 1:9

Deopa ia tonassiuauabaqquirrari. Pouaza bicaqquiri inaniuarrine ia tocatterrizabaqquirrari. Narrarope ia irrine rrerani. Deo iaza uati cauanari canaza: —Madirra onassiuauabaqquina −naporrari. Nama narraria maittaccazama zama inauato-rreraccazama iaza uati cauanari canapozapa Zeso Cristo iaza da inauiuarrine narroraporrari.