Epesodeniza 2:8 - Kulina New Testament Brazil

⁸ Abi Deopa titouideni uati cauanari canarraria tiadeni tonassiuauabaqquirrari. —Zeso Cristo parrissa itoui zoqquerrari −tiquenezape tiadeniza tossiuauehe inanarraro. Tirrinedeni rrerani. Abi Deo touini naza manaconi rrirehe tiadeniza inanarraro.

Culina Mádija

⁸ Abi Diopa titohuideni huati cahanari canajaria tiadeni tonassiajabaqquijari. —Jesocristo pajissa itohui dsoqquejari −tiquinadsapi tiadenidsa tossiejehe inanajaro. Tijinedeni jerani. Abi Dio tohuini nadsa manaconi jirehe tiadenidsa inanajaro.

Epesodeniza 2:8 Iomraidhean Croise

Mateo 16:17

Nazapa Pedoroza Zeso attipa: —Rrehe Simao, tiape Zouaocca erredeni tirrarraro. Deopa tiaza uima bicani inanarraro. Arri otauimari nauato tinarrarope madirrarrine rrerani. Occa Abi memeuarri madirrarina otauimari Cristo-Mesia orrani tiaza auato inanarraro.

Mateo 20:9

Nazapa zotode tarabaia quenarridenizaha pouadeniza ccarara carrarie 1 denario da inarizaporrarope pina tarabaia uada orrarie manaconissa nehe da inarizarraro. Pouadeniza pouadeniza inanarizarraro.

Maraco 16:16

—Nazapa madirra otauimariza parrissa quenaza passo dopaniza niniqui carrimanazapa tocassiuauerauitoui. Naraha madirra ouaza parrissa quena-rrararraridenipa Deorrine narrizoue rriquerreraniuarri rraui torrezimauitoui.

Roca 7:50

Pouadeni atti nama quenaraha Zesopa amonerreza uati tarrari: —Tiape ouaza rrehe teza tossiuauehe ticarrirraro. Deocca rronehema, pocca cappinerehema ticcanirri −narrari Zeso.

Huano 3:36

Nazapa Poua Bediza parrissa quenarraridenina camittehe rriquerreranicca carrimana-zanapouiuarrine. Naraha pouaza iboqquiri narraridenipa camittehe carrimana-rrarauitoui. Deo Pouana narrizoue rriquerreraniccaza inanabaqquiuitoui −naui nade Zouao Batista.

Huano 4:10

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Huano 5:24

—Parrissehera tiadeniza uati onana: Ouatti mittemanarraridenipa arra oua Cazossede Abi Deoza parrissa quenaza naco camittehe rriquerreranicca carrimana-zanapouitoui. Poccadeni uimasiri manaconipe pouadeniza ssonari-rreranitoui. Taide Deoza ssamoqquiri nazapa pina zoqquemanarrarissa quenaraha narraro inebomaneza camittehe rriquerreraniccaza toquerrenarrari −nade.

Huano 6:35

Naraha Zeso pouadeniza uati tade: —Arri ouaparriua pao timadimana-zanaponiuarrinepe. Ouaza parrissa quenarraridenipa pemimana-rrarauitoui, baccodeni naco rrocomana-rrarauitoui.

Huano 6:37

Neraha ouape occa Abicca danirri ouaza rrauirronarrarideni bazimapa ouattarrobaqqui-rrarauitoui.

Huano 6:40

Nazama occa Abi poua touini nauicca onihipe arrima narraro: Madirra bazima Deo Bedi qqui toquenaza pouaza parrissa quenazapa camittehe rriquerreranicca carrimanauitoui. Niza uada rricarinicca bacco tezape narrarideni bazima onauatoni-baqquiuitoui −nade Zeso.

Huano 6:44

Occa Abi Deo oua Cazossedepa madirra ouaza inanabaqqui-rrarazapa ouaza toquerrena-rraraui. Naraha occa Abi ouaza inanabaqquirraridenina ouaza totoquerrena narrari. Narraridenipa niza uada rricariniccaza onauatoni-baqquiuitoui, onarraro.

Huano 6:65

Nazapa denima uati tarrari: —Narraroa ouattipe: Occa Abi madirra ouaza inanabaqqui-rrarazapa ouaza toquerrena-rraraui. Naraha occa Abi ouaza inanabaqquirraridenina ouaza totoquerrena narrari −nade Zeso.

Tahimarideni 13:39

Zesoza parrissa inezape pouarrine uimasiri ia tappa tabaqquirraro. Naraha Moizecca marinarrape narrarossa nerrerani. Narrarope icca uimasiri ia tappa tabaqquiniuarrine parrire-rrerarraro.

Tahimarideni 14:27

Atioquiaza bacco nanimanapomazapa Zesoza rrehe quenarrarideni queriqquiuiuarrine uaua inabaqquimanarrari. Queriqquimanazapa Zeso tauimari maride pouadeni uedarizauicca uima bazima uati uati toquenarrari. Deorrine zodeo querrena-rrararrarideni bodideni narrorauissa taza Zesoza rrehe quenarrari tauimarideni naco uati uati toquenarrari.

Tahimarideni 15:11

Naraha nema tiquenerrerarri, inarraro. Ia Zozossede Zesona pocca touati uanehema pocca dacorehema ia tonassiuauabaqquirrari. Narraro uimaza parrissa inarraro. Zodeo querrena-rrararrarideni naco pina iassa quenarrari. Zesopa pocca touati uanehema pocca dacorehema pouadeni naco inassiuauabaqquirrari −narrari Pedoro atti.

Tahimarideni 16:14

Ponideni tassani orrariepe oza panani Tiatirauarricca. Oninipe Ridia. Ponipe etero zorrorani uatini ccara tanicca dadade. Narraro etero cocoro tozippape pina mappara tarrarossa narraro. Narraro amonerrepe Deo Attiza ibora tarraro. Ia Zozossede Zeso poni bodini acco icanezape Paorocca marinarra poniza bica teza mittanissa tarraro.

Tahimarideni 16:31

Naraha manaco pouaza uati toquenarrari: —Ia Zozossede Zesoza parrissa tezape tissiuauanitoui. Ticca madirra naco Zesoza parrissa quenazapa tocassiuauerauitoui −quenarrari Paoro Sira tezerre.

Romanodenidsa 10:14

Naraha nerrecoma quenaza pouaza uaua quenauiuarrine? Pouaza parrissa quena-rrarazapa pouaza uaua quenauiuarrine ssamoqquiri narrari. Nerrecoma quenaza pouaza parrissa quenauiuarrine? Poua tauimari mittemana-rrarazapa parrissa quenauiuarrine ssamoqquiri narrari. Naraha nerrecoma quenaza poua tauimari mittemanauiuarrine? Pouadeni maride cappiremanazapa poua tauimari mittemana-rrararrari.

Romanodenidsa 10:17

Nazama Zeso Cristoza parrissa quenauiuarrinepa taide poua tauimari icassiuaueraniuarrinecca mittemanazana parrissa quenarrari.

Romanodenidsa 4:16

Naraha Deo uati taporraricca uima bicani Abarahao potemauiza torrarrarope Deoza parrissa quenazana pouadeniza torrarraro. Moizecca marinarra carrimanarraridenipa pina Abarahao Deoza parrissa narrarissa quenazapa Deocca uatinarra pouadeniza torrarraro. Ia naqui pina Abarahao Deoza parrissa narrarissa inezape Deocca uatinarra iaza torrarraro. Nema nezape Abarahaopa ia parrissa inarraro bazimacca abi torrarrari, inarraro.

Romanodenidsa 4:5

Naraha Deopa madirra uimasiri carrirrariza: —Tiape ouaza bica tinani −naui carri taui. Nama narraripa madirra poua zepe irrirrarirrine rrerani, uima bicani inanarrarorrine rrerani. Narrari madirrapa Deoza: —Parrissa Deo madiui −nazana Deo Attia: —Arrarrari madirrapa ouaza bica taui −narrari. Deoza parrissa narrarirrine pocca uima Deoza parrirenissa tarraro.

Romanodenidsa 9:16

Deo iaza uati uana tarraripa ia touini inarrarorrine rrerani, izepe irrinissa tarrarorrine rrerani. Deo Poua uati uana tarrarirrine.

Carasiadeniza 3:14

Cristo ia todinibaqquirraripa arra zodeo querrena-rrararrari pouaza rrehe quenarrarideni naco uatizeheri carrimanauiuarrine. Narraro uatizeheripe Deo Abarahaoza uati taporrarissa narraro pouadeniza torraniuarrine. Uima onihi naqui iape Zeso Cristoza rrehe inezape Deo Poua Corime iaza inanarizarrari, pina Poua uati taporrarissa narraro iaza da inarrari.

Carasiadeniza 3:22

Naraha Deo Attiza uima imittarrarope ia bazima uimasiriza pina tozepe iquerrenarrarossa narraro. Narraro uimasiriza ia tappa tabaqquiuiuarrinepa Zeso Cristona orrariui. Madirra bazima pouaza rrehe quenarrarideniza Deocca uima bicani torranitoui.

Epesodeniza 1:19

Deo pocca dacorehe naqui tiadeniza auato taniuarrine Pouaza uati uati ohonanarraro. Pocca dacorehepe motarani, rricaqquirrerani. Narraro dacorehepe Pouaza parrissa inarrarodeniza anirraro. Narraro dacorehepe Deo Poua dacorarra narrari.

Epesodeniza 2:10

Deopa taide nauato taporrari: —Occa tonauatobaqquinarra uima bicanira inanemananitoui. Ouattiza madimanauissa tauitoui −nazapa Poua Bedi Zeso Cristo zosse inaronarrari, pouarrine inauatomanizati iquerrenaniuarrine.

Epesodeniza 2:5

Uimasiri sseqquiri inarrarorrinepe pina ecotarrarossa inaccade. Naraha Zeso Cristocca madirra iquerrenezape Deopa iaza camittehe zati da inarraro. Pocca touati uanehepe bica tani, deni torrani. Narraroma tiadeniza uati cauanari canaza tiadeni tonassiuauabaqquirrari.

Piripodeniza 1:29

Deopa tiadeniza uima bicani inanarraro. Narraroa Deo Pouarrine tibodideni uatozape tettideni: —Zeso Cristopa occa uimasiri manaconi zoqquerrari. Rridapanape pouaza parrissa onani −tiquenarraroparri. Deopa uima bicani onihi tiadeniza inanarraro. Narraria arra Zeso Cristo ocasserani auaporrariparra. Nazama ia naqui Zeso Cristo tauimari torrarizaniuarrine ocasserani erizeza bica tani. Narraro uimazape etizerraro.

Corosadeniza 2:12

Nazama passo dopaniza niniqui ticarrimanarrarope pina Cristo tezerre ppa tizemanarrarossa narraro. Deo pocca dacoreheza Cristo inauatonirrariza parrissa tiquenezape Cristo poua tezerre tinauatonimanarrarossa tiquenarraro.

2 Tesaronicadeniza 1:9

Ia Zozossede bacco nanizapa poccadeni uimasiri manaconi narrizoue rriquerreraniuarri madimana-zanapouitoui. Ia Zozossedeza uarriqquiri naza madimanauiuarrine Deo zosse inabaqquiuitoui. Nazapa Zeso Cristocca deni torrehe, poua zibehine, pocca nauatoue qqui toquena-rrarauitoui.

Ebreodenidsa 6:4

Naraha madirra mota denima tocauatterauiuarrine nacasseraqquiri narraripa Deoza rrehe quenaporaha zotode: —Peperriua, Deo onebona −quenarrari. Narraridenipa Deoza rrehe quenapoza Deocca parrissehe pouadeniza auato tarraro. Deocca danirri bicani pouadeniza torrarraro. Deocca madirra tezerre Deo Corimecca dacorehe nauatoqquiri narrari.

1 Pedoro 1:5

Tiadeni Deoza parrissa tiquenarrarope Deo pocca dacoreheza tiadeni touacauabaqqui-zanaporrari. Pocca dacoreheza timadimanezape niza zama rricanicca uada bacco teza pocca tossiuauehe narroraporraro tiadeniza torranitoui.