Epesodeniza 2:2 - Kulina New Testament Brazil

² Ticcadeni madie pina Deoza toquerrenarrararraridenissa tiquenarrarode. Arrirraro namicca uimatoui dameraqquiri tiquenezape Deoza uauadide Tocorime-Tamine attizana iboraqquiri tiquenarrarode. Narraripa arra qqui inabaqqui-rrararrarideni zossede torrarrariparra. Pouapa Deoza iboqquiri narrarideniza naco zosse zosse narrari.

Culina Mádija

² Ticcadeni madie pina Diodsa toquejena-jarajaridenissa tiquinajarode. Ajijaro namicca imatohui disseraqquiri tiquinadsapi Diocca huadi Satana attidsana iboraqquiri tiquinajarode. Najaripa aja qqui inabaqqui-jarajarideni dossede tojajaripaja. Pohuapa Diodsa iboqquiri najaridenidsa naco dosse dosse najari.

Epesodeniza 2:2 Iomraidhean Croise

Mateo 11:19

Nani zotode oua Madirra Bedi orrarraroa erretecca rripaqquiecca rrirripa orripa, zeze ze onazapa ouaza rroua rroua quenarrari attidenipa: “Rraho, madirraza rripa narizarride raui, zezerride raui. Rromanodenicca taminecca zossenirri ziniro nanaccadedeniza ccarizarrari. Madirra uimasiri carrimanarrari tezerre naco ccarizarride raui” quequenanarrari ouaza. Attidenipa Zouaoza, ouaza nama quenaraha niza uimasiri carrimanarraridenipa ettiza iboraqquiri naza bodideni cacarriqquimera, uimarideni cacarriqquimera nazapa Deocca nauatohe, pocca parrissehe auato tanitoui −nade Zeso.

Mateo 13:22

—Madirra ouaha bodidenicca uimape pina namiza cotiui carri tarraricca uimassa narraro. Pouadenipa Deo Atti mittemanaraha pouadeni zepedeni ihirrimana narrarotouira dameraqquiri nazapa Deo Atti tocauatterauissa tarrararrari. Ziniro touira quenaza naco narraro uimarrine Deo Atti uatideni rramemanarrari. Poccadeni rrehenirri pina arra nocco moro taraha cotiuirrine tosehizapa bono-rrararrarissa narrari. Deo Atti mittemanaraha pouadenirrine Deo Atti madirra ouahadeniza torra-rreranitoui.

Mateo 13:38

Nazama uizarrape arrirraro zamassa narraro. Tirico bicaui noccopa pina madirra Deocca cacaueheza toquerrenarrarissa narrari. Pouadenipa Deo Attiza iboraqquiri narrari. Naraha minape pina madirra Deoza uauadide Tocorime-Tamine attiza iboraqquiri narraridenissa narraro.

Maraco 4:19

pouadeni zepedeni ihirrimana narrarotouira dameraqquiri nazapa Deo Atti tocauatterauissa tarrararrari. Ziniro touira quenaza naco narraro uimarrine poccadeni rrehenirri maizehe torra tani. Bazima pouadeni touini quenarraricca touira bodideni uatome-manaza naco Deo Atti uatideni rramemanarrari. Nama quenarraridenipa poccadeni rrehenirri pina arra zamatapa nocco moro taraha cotiuirrine tosehizapa bono-rrararrarissa narraro. Deo Atti mittemanaraha pouadenirrine Deo Atti madirra ouahadeniza torra-rreranitoui.

Roca 16:8

—Naraha zepe ssebotepa poua birri accoderrine pouaza dirri quenarraridenicca dirrinarra arrimani inanarizani uima mittazapa poua attia: “Rrehe, obirri accodepa poua tezerremacca uima maizeheza narrorapouiuarrine bodi nauato tarrari” narrari. Rrehe uimape nema narraro. Madirrapa pouadeni tessedeniza maizemanauiuarrine bodideni nanarroremanapo narrari. Naraha Deocca madirrapa pouadeni tessedeniza maizemanauiuarrine narroremanapouiuarrine ssamoqquiri naui −narrari Zeso.

Roca 22:31

Zesopa Simao-Pedoroza uati tarrari: —Simao, tibodi uatorri. Tocorime-Taminepa titouideni tonacomabaqquiui. Pouapa titouideni Deoza uati uati tarrari, tiadeni nattome tabaqquiuiuarrine. Pina arroi rrizaza tirico etero toccauiuarrine qquero uira, qquero uira quenarrarissa narrari oua tinebomananiuarrine tiadeniza ocasserehe inananitoui.

Huano 12:31

Arrirraro zamacca uima uaidira tezape Deo izaua-baqquiuitoui. Narrizoue naqui narroranitoui. Arrirraro zamacca uaidirehe zozossede Tocorime-Taminepa uauattarro torrauitoui.

Huano 13:2

Zome irripaniuarrine inarroreraha taide uimasiri mamaride Tocorime-Taminerrine Simao Iscariote bedi Zoda bodi narrorarrari, Zeso tozepe inanauiuarrine.

Huano 13:27

Nazapa Zoda pao arobe idirra, poua bodiza Tocorime-Tamine rraro nade. Nazapa Zeso Zodaza uati tade: —Arri “uima onanana” tarrarope amazati tinanarri −nade.

Huano 14:30

Naraha ouape occa uima denima tiadeniza uati ozanapo-rrerana. Arrirraro zamacca zozossede Tocorime-Taminepa bacco nabote naui. Naraha pocca dacorehepe ouaza deni torra-rrerani.

Huano 15:19

Tiadenipe arrirraro namicca uimaza timadimanezape pouadenipa tiadeniza nacassaqquiri nauitouiraha nema tiquenerrerarraro. Arrirraro namicca uimaza timadimanaporaha ouape tiadeni ocatterrizabaqquirraro, arrirraro namicca uimatoui timadimana-rreraniuarrine. Rridapanape arrirraro namicca uimatoui timadimana-rrerarrarorrine tiadeniza nacasseraqquiri narrari.

Huano 16:11

Uima onihi: Deo uauattarro inanabaqquiza nanarrizo toquerrenauiuarrine auato inanarrarope taide arrirraro zamacca zozossede Tocorime-Tamine Deorrine uauattarro torraporrariparra −nade Zeso.

Huano 7:7

—Nazama tiadenizape arrirraro zamacca madirra nacasseraqquiri narraraui. Naraha ouazana nacasseraqquiri narrari, ouape poccadeni uimasiri cacomera oneza.

Huano 8:23

Nazapa Zeso pouadeniza uati tade: —Tiadenipe arrirraro namicca tiquerrenani. Naraha ouape arrirraro namicca orrarrerani. Ouape memeuarricca orrani.

Huano 8:44

Ticcadeni abipa Deoza uauadide Tocorime-Tamine. Pouaza tiquerrenani. Poua nacassa tauiccaza dameraqquiri tiquenarraroparri. Tocorime-Taminepa irrine auauiuarrineraha nazama touattaporra narrari. Parrissa uati tauiuarrinepa ssamo taui. Pouapa maizehe rrinederra narrari. Narraria maizeheza uati uati nanarra narrariparra.

Tahimarideni 19:35

Naraha oza pananicca madirra deni torrauicca uima dozode ccarronaza madirra zama rrama inanabaqquiza uati tarrari: —Rrehe Epesocca madirradeni, icca uimape zama bazimacca madirra nauatoqquiri naui: Iape ia cacauade Artemisacca uiuittiza oza ecauanissa tarraro. Ia cacauade Artemisape memeuarri madiraha poni corimani iauarri ssonarrarode. Narraro tauimarini naqui bazima nauatoqquiri naui.

Tahimarideni 5:3

Naraha Pedoro pouaza uati tarrari: —Anania nerrecotoui maizehe rrinede Tocorime-Tamine attizara ibora tineza Deo Corimeza timaizarraro? Ticca zama manaconi motape tinarrimarraro.

Romanodenidsa 12:2

Rridapanape arrirraro zama bazimacca uimassa tinanemanapoma-rrerarri. Arrima tiquenanina bica tani: Tibodidenicca uatoue zati tinanemanarri. Nema tiquenezape ticcadeni madie cacarriqquimeraniuarrine, Deo nacassa tauicca naqui ticauatteraniuarrine. Narrarope bica tanicca ticauattera, Deo tinauatizemanauiuarrine ticauattera, parrirenissa tanicca tinanemananiuarrine ticauattera nanitoui.

1 Corintodeniza 5:10

Naraha ouattipe: Rrehe quena-rrararrarideniza ticarrimemana terrerarri, onerrerani. Arrirraro zamaza madimanarraridenipa uananehe carrimanarrari. Madirra ouaha zepetarri acconi uadiqquiri narrari. Tozepetarritoui, zinirotoui maizaqquiri narrari. Madirra ouahadenipa botirridede rarrari. Siba nauatoniza naco uauatizemana narrari. Arrirraro zamacca madirrapa nama quenaraha pouadeniza icarrimanarraro. Arrirraro zama inebozana pouadeniza icarrima-rreraniuarrineraha narrarope ssamo tani.

1 Corintodeniza 6:11

Tiadeni motape narraridenissa tiquenaporaha Deo tiadeni tonauissobaqquirrari. Pouarrine Pouazara tiquerrenarraroparri. Ia Zozossede Zeso Cristo pouarrine, icca Abi Deo Poua Corimerrine naco ticcadeni uima Deoza tobicarraroparri.

2 Corintodeniza 4:4

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

Carasiadeniza 1:4

Zeso Cristopa icca uimasiri manaconi zoqqueuiuarrine poua ccaccorarrari. Nama narraripa arrirraro zamacca uima uaidira taniccaza iquerrenazanapo-rreraniuarrine. Icca Abi Deo ia todinibaqquiuiuarrine touini napoza: —Occa erredeni Zesopa madirracca uimasiri manaconi zoqqueuitoui −napode.

Epesodeniza 1:21

Nauizapa memeuarricca, namiuarricca bazima zossede torrarrari. Pocca dacorehe deni torrarraro. Pocca cacauehe rriquerrerarraro. Rridapana arrirraro zamaccaza deni torrarrari. Niza zotodecca zama zati ccarronarraroza naco nama zanapouitoui. Pocca deni torrehe rriquerreranitoui.

Epesodeniza 2:11

Tiadenipe zodeodenissa tiquenehe tissonemana-rrerarrarope zodeo tiquerrena-rrerani. Zopori cotani eteroni uissinarra ticappiremanehe timadimanezape zodeodeni tiadeniza: —Zopori cotani eteroni uissinarra rrirriradedeni −quequenanarrari. Pouadenipa narraro uissinarra carrimanazapa pouadeni canacanimanaza: —Iape narraro uissinarra carrimanarrarideni iquerrenani −quequenanarrari. Nama quequenanazapa: —Iana Deocca madirra iquerrenani auato tani −quequenanaraha assiredenizara auato tarraro. Pouadeni bodidenipa cacarriqquimera-rrerarraro. Naraha tiadenipe tetideni rrimemana terrerana: Maittaccazamape Zeso Cristoza nauatoqquiri tiquenerreraccade.

Epesodeniza 2:13

Tiadenipe Deoza uarrirri tinaccade. Naraha rridapana Zeso Cristo pouarrine Deoza uarrirrira tinarraro. Poua zoqqueza emene toccarrarorrinea tirrariqquimanarraroparri.

Epesodeniza 2:3

Ia bazimape taide nema inaporraro. Deoza iboqquiri inarrarode, ibodiza uaidirehe touini inaniccara ihinana narrarode. Ime touini inanicca uaidira taniccaza dameraqquiri inarrarode. Uimasirima issonarrarorrine Deo ia tonarrizo-baqquizapa pina madirra bazima inarrizobaqquirrarissa inanitouiraha.

Epesodeniza 4:17

Rrehe, nezape oua Zozossede Deo oua cazossezapa poua onima tiadeniza uati onarraro. Ouattissa tinanemanarri. Taide timadimanapozape ticcadeni uaidirehema timadimanaccade. Naraha rridapana Deocca tiquerrenezape pina Deoza toquerrena-rrararraridenicca madiessa tinanemana-rrerarri. Pouadenipa pouama madimana-zanaporrari. Bodideni uatomanauiuarrine ssamoqquiri narrari.

Epesodeniza 4:22

Nezape narraro Zeso Cristocca marinarra ticauatterezape ticcadeni madie rradani arri tiadeni touini tiquenaporraroccape tinebomanarri. Uaidirehe touini tiquenarrarope tiadeni tocamaizabaqquirraro. Narraro uaidirehepe tiadeni tonauaidirarraro.

Epesodeniza 5:6

Parri, madirra tiadeni tocamaizabaqquimanarana! Touatti ponimacca uati uati toquenazapa pina: — Uaidirehe tinanemanani oppina terrerani. Deo tiadeni tonarrizobaqqui-rrarauitoui −quena taui. Naraha narrarideni attideniza parrissa tiquenerrerarri. Deo Attiza iboqquiri narrarideni bazimaza Deocca narrizoue oppina tanicca ssonarinitoui.

Epesodeniza 5:8

Rrehe uaidireheza timadimanapozape Deo rrirehe timadimanarrarode. Pina ziziniza timadimanarrarossa naraha Zeso Cristoza tiquerrenezape Deo tiadeniza torrizerarrari. Rridapanape ssiuarraniza timadimanezape pina Deo ssiuerreneza madimanarraridenissa tiquenana.

Epesodeniza 6:12

Uimasiri deni torrarreraniuarrinepe rrazire inanarrarossa narraro. Naraha icauadireniuarrinepe madirra assire carrimana, tone carrimana narrarideni tezerre rrerani. Pouadeni assire cappiremanarrari qqui inabaqqui- rrararrarideni tezerrena icauadirerraro. Narraridenipa uaidirehe rrinede Tocorime-Taminecca zozosse tabaqqui memeuarri rrauirizarrari. Memeuarri madimanaraha arrirraro namiza dacorehe carrimanarrari. Pouadenipa ziziniza madimanarrarideni ihicazosse-baqquimana narrari, uaidirehe inanemananiuarrine.

Corosadeniza 1:21

Taidepe Deoza rrizaqquiri tiquenaccade. Tibodideniza Deoza nacasseraqquiri tiquenaccade. Uaidirehe tinanemanarrarorrine Deocca uadi uadi tiquerrenaccade.

2 Timoti 4:10

Otessedeni ouaza madimanaraha Cresetepa zama arobeni Carasiauarri toccarrari. Otesse Tito naco zama arobeni Daomasiauarri toccarrari. Demapa otesseraha arrirraro namicca uima touini naza oua nebozapa oza panani Tesaronicauarri toccarrari.

Satiacocca 1:27

Naraha madirra Deoza rrehe nauissa tarraripa arrirraro zamacca uimasiriza carrima-rrararrari. Erredeni meze toquerrenarrari, amonerre tobaccopero ocasserani auemanezape acco canade nacassa tarrari. Madirra nama narraripa icca Abi Deoza bica tarrari.

Satiacocca 1:7

Madirra bodi nama nazapa: —Niza Deo ouaza da inanitoui −narrarana. Deopa pouaza da inerreranitoui.

Satiacocca 4:4

Rraho, uima onihitoui rraui tirrarizarrarope pina amonerre maqquiderre ouahatoui ccarizarrarossa tiquenarraro. Nauatoqquiri tiquenerrerarraroqui? Arrirraro namicca uima touini tiquenezape poni tassani tiquerrenarraro. Nezape Deocca uadi tiquerrenarraro.

1 Pedoro 1:14

Taidepe Zeso tauimari icassiuaueraniuarrinecca ssamoqquiri tiquenaza uaidira tanicca touini tiquenehe timadimanaporaha rridapanape nema tiquenerrerarri. Deo Attizara iboraqquiri tiquenarri. Pina erredeni imehideni attiza iboraqquiri narrarissa tiquenaniuarrine, onarraro.

1 Pedoro 4:3

Taide timadimanapozape Deoza rrehe quena-rrararraridenicca uaidirehessa tinanemaneza timadimanapoccade. Pina tessiredeni touaidiraniuarrinecca touini titiquena narraro. Ticcadeni amonerre rrereraha touini tiquenarraro, ticcadeni maqqui rrararaha toui tiquenarrari. Narraro uananehe touini titiquena narraro. Uananehe onihi uaidira tanicca naqui touini titiquena narraro. Tinoccodeni rrano taniuarrine touini titiquena narraro. Errete uaidira tanicca touini titiquena narraro. Zoppinerreza, siba nauatoniza naqui: —Ia cacauade −titiquena narraro. Narraro uimape Deoza denima uaidira tani.

2 Pedoro 2:14

Pouadenipa amonerre qqui toquenaza touini inacomemanezape pina irremanarrarossa narraro. Uimasiri tonanade neboboraqquiri narrari. Arra rrehenirrirideni rrapari tarrarodeni icamaizabaqqui-manazapa uimasiriza toquerrenani taui. Pouadeni bodiza touini inacomemananicca pouadeniza torraniuarrine nauatoqquiri narrari. Namarridede rarraripa parrissa Deo inarricauitoui.

1 Zouao 3:10

—Nerrecorraridenina Deocca erredenideni? Nerrecorraridenina Deoza uauadide Tocorime-Taminecca erredenideni? −titiquena naraha nauatoqquiri tiquenaniuarrinepe arrima narrarona parri: Madirra uima bicani ihinanemana nerrerarrarodenipa Deocca erredeni querrena-rrararrari. Madirra pouadeni imecotedeniza uatideni uaneraqquiri narrarideni naco Deocca erredeni querrena-rrararrari. Narraridenina Deoza uauadide Tocorime-Taminecca erredeni querrenarrari.

1 Zouao 3:8

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.

1 Zouao 4:4

Ouimecotedeni, occa erredenissa tiquenarraro. Tiadenipe Deocca tiquerrenarrarorrine mamaizadedeniza deni tiquerrenani. Arra tiadeniza Deo madirrarina dacorarrari. Arrirraro zamacca madirrapa arramani toquerrenaui.

1 Zouao 5:19

Nazama iape Deocca erredeni iquerrenerre narraro ibodi nauatoqquiri inarraro. Naraha zama nemanehecca madirra motapa Deoza uauadide Tocorime-Tamine attizara iboraqquiri narrari.

1 Zouao 5:4

Deocca erredeni iquerrenezape iana deni iquerrenarraro. Arrirraro zamacca uimape arrimani torrani. Zeso Cristoza rrehe inanissa tezape iana deni iquerrenarraro.

Apocalipsis 12:9

Nazapa daragao imehibote cco inaronemanarrari. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaiza-baqquiporrari.) Poua oni ouahapa: Deoza uauadide Tocorime-Tamine, quequenanarrari. Poua, pocca zozosse tabaqquima namiuarri ua inaronemanazapa namiza catorraronarrari. Nama nazapa zama bazimacca madirraza maiza maiza nanariza narrari.

Apocalipsis 13:14

Namiuarricca madirra icamaizabaqquiuissa tarrari. Taidecca bani siri rrizabote cattade uauiuarri canauatoriri canaza madirra bazima pocca maizeheza parrissa quenarrari. Pouadeni icazossebaqquizapa taidecca bani siri rrizabote corime sibaza inauatomanarraro. Narrari bani siripa massito rrazireccaza uatidiporaha camitta tauiparranarrari.

Apocalipsis 13:8

Arrirraro namiza madirizemanarrarideni camittehe carrimana-zanapouiuarrinecca papeoza onideni dozo nani nouerarraripa bani siri rrizabotezara uatizerize-manarrari. Narraro papeo dozo nanipe zama nauatoponizama Eueue Bedi Zeso pouana ecauarraro. Pouana camittehe issiuauanicca icarririzaniuarrine zoqquerrari.

Apocalipsis 16:17

Nazapa Deocca zozosse 7 quenarrari rricarinicca pocca tasacca rrappopponiuarri sso inarraro. Nezape memeuarricca Deoza dada toqquimauarri atti moui auatorraro. Naui Deocca uiuittari bicabote cauittariniuarri poua atti moui tehe qquenarrarope: —Rridapanape rricani! −narrari.

Apocalipsis 20:2

Narrari Deocca zozossepa daragao imehibote dama inaza rrore inaqquirrari, uarrano 1.000 (mil) naha ccariza-rrarauiuarrine. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaizabaqquiporrari.) Poua onipa Tocorime-Tamine, Deoza uauadide narrari.