Epesodeniza 2:10 - Kulina New Testament Brazil

¹⁰ Deopa taide nauato taporrari: —Occa tonauatobaqquinarra uima bicanira inanemananitoui. Ouattiza madimanauissa tauitoui −nazapa Poua Bedi Zeso Cristo zosse inaronarrari, pouarrine inauatomanizati iquerrenaniuarrine.

Culina Mádija

¹⁰ Diopa tahide nahato tapojari: —Occa tonahatobaqquinaja ima bicanira inanamananitohui. Ohuattidsa madimanahissa tahitohui −nadsapa Pohua Bedi Jesocristo dosse inaronajari, pohuajine inahatomanidsati iquejenanijine.

Epesodeniza 2:10 Iomraidhean Croise

Mateo 5:16

Tissiuerrenedenipe pina narraro ssiuarranissa tiquenarraro, madirra bazimaza tossiuarrabaqquiniuarrine. Uima bicani titinanemana narraro, madirra bazima qqui toquenauiuarrine. Nema tinanemanezape Abi Deo memeuarri madirrariza pouaza uatizemanaza: “Deopa bica taui” quenauiuarrine −nade Zeso.

Huano 3:21

Naraha madirra parrisseheza madimanazapa ssiuarranitouira quenarrari. Pina Deocca zossenirrissa inanemanezape pouadeni zepe irririzarrarima auato taniuarrine −nade Zeso.

Tahimarideni 9:31

Nazama Zesoza rrehe quenarrarideniza madirra ouahadenicca narrizoue totappezape rroneheza madirizemanarrari. Arri zama arobeni Zodeauarri, zama arobeni Carireauarri, zama arobeni Samariauarri naqui narrizoue totapparraro. Nazapa Deo Corimerrine poccadeni rrehenirri todacorani zanaporraro. Zesoza rrehe quezati naco touapirra zanapoui narrari. Bazima ia Zozossede touira bodideni uatomemana-zanapozapa madimanauissa tarrari.

Tahimarideni 9:36

Nazama Zodea arobeniuarri oza panani Zopezape amonerre Zesoza rrehe narraro madirraro, oninipe Tabita. Zama Cresiacca madirra attidenizape: Dorca. Ponipe amonerre bicani madirraro, uima bicani inanarizarraro. Madirra cappiremanarrarideni acco acco ihicanabaqqui narrari.

Romanodenidsa 8:1

Nazama Zeso Cristoza iquerrenarrarope Deo icca uimasiri manaconi iaza inassonari-rreranitoui.

Romanodenidsa 8:29

Deopa narrarideniza taide nauato taporrari: —Pouadenipa pina occa erredenissa onanabaqquiuitoui −naporrari. Narraria arra Deo Poua Bedipa imecotedeni bazimacca ato torrarrariparra.

1 Corintodeniza 3:9

Nazama oua Aporo tezerrepe Deoza izepe ihirririza narraro. Tiadenipe pina Deocca uizarrassa, pina oza Deo icanauatorrarossa tiquenarraro.

2 Corintodeniza 5:17

Nazama madirra Cristocca torrarraripa Deorrine zati torrarrari. Pocca madie naqui cacarriqquimerarraro. Pocca uimaboteza torrani-rraraui. Rridapanapa madie zati carrirrari.

2 Corintodeniza 5:5

Narraro uima bicani nemanehe icarriniuarrine Deopa ia tonanarrora-baqquirrari. Pouapa parrissa narrarossa inananitoui nauatoqquiri inarrarope Poua Corime iaza da inarizaporraroparri.

2 Corintodeniza 9:8

Deopa tiadeniza bica tanicca onihi onihi dade accora tarrari. Ticappiremane-rreraniuarrine tiadeniza uemani da inezape madirra ouahadeni acco ticanabaqquiuiuarrine tiparriremananitoui. Tiadeni naqui uima bicani onihi onihi tinanarizemananiuarrine Deo tiadeni tonaparrire-baqquiuissa tauitoui.

Carasiadeniza 6:15

Arra uissinarra carrirrari, uissinarra cappirarrari naco narrarissa caniqquimerarrari. Narraro uissinarracca uimape ponima torrani. Naraha Zeso Cristoza rrehe inarraro uimana ponima torra-rrerani. Narrarirrinena ibodi zati torrarraro. Narraro uima orrariena bica tarraro.

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Epesodeniza 1:4

Deopa zama inauatopo-rrerazama itoui naporrari. Pocca madirra iquerrenaniuarrine ia tocatterrizabaqquirrari. Nama narraria Poua Bedi Zeso Cristoza parrissa inarrarodeni ibodi ssiuarraqquiri naza Deo Pouatouira imadinissa zanaponiuarrine. Ia qqui tabaqquizapa uimasiri icappirani ia qqui tabaqquiuitoui. Deopa iaza uati uana tarrari.

Epesodeniza 2:13

Tiadenipe Deoza uarrirri tinaccade. Naraha rridapana Zeso Cristo pouarrine Deoza uarrirrira tinarraro. Poua zoqqueza emene toccarrarorrinea tirrariqquimanarraroparri.

Epesodeniza 2:15

Deocca zossenirri Moize dozo inaporrarope uapi tarraro. Narraroza zodeodeni madirronemanarrari. Naraha Zeso aua porimacossaniza zoqquezapa narraro neborraro. Nama nazapa arra zodeo Zesoza parrissa quenarrarideni, zodeo querrena-rrararrari parrissa quenarrarideni tezerre inatassaqquizapa pouaza orrariqquimanarrari. Nazapa pouaza orrariqquimanarrarideni bazima pouarrine carronerara canarrari.

Epesodeniza 2:2

Ticcadeni madie pina Deoza toquerrenarrararraridenissa tiquenarrarode. Arrirraro namicca uimatoui dameraqquiri tiquenezape Deoza uauadide Tocorime-Tamine attizana iboraqquiri tiquenarrarode. Narraripa arra qqui inabaqqui-rrararrarideni zossede torrarrariparra. Pouapa Deoza iboqquiri narrarideniza naco zosse zosse narrari.

Epesodeniza 2:6

Madirra ia bazima pina ecotarrarossa ineraha Deopa Zeso Cristo inauatoniza ia naqui poua tezerre ia tonauatonibaqquirrari. Nezape memeuarri Deo Pouarrine Cristo tezerre rrassi inarinitoui.

Epesodeniza 4:1

Rrehe ouape ia Zozossede Zeso Cristo tauimari mari mari ohonariza narrarorrine toponi cocoro onauanarraro. Tiadenipe Deo pocca madirra tiquerrenaniuarrine tiadeni uaua tabaqquirrari. Nezape timadimananissa tarri. Ticcadeni madie pina Deo touini nauiccassa tinanemanana, onarraro.

Epesodeniza 4:24

Nezape Deo tibodideni zati inanezape ticcadeni madie naqui zati torranitoui. Deopa pina pocca uimassa nehe timadimananiuarrine tiadeni acco tocanabaqquiuitoui. Deocca uimape parrirenissa tarraro. Pouapa uimasiri cappirarrari. Pocca parrisseheza timadimanezape pina Pouassa tiquenanitoui.

Piripodeniza 1:6

Tiadenipe Zeso Cristoza rrehe tiquenapozama Deorrine tibodideni zati torrarraro. Nazama obodi nauato onarrarope Deo tiadeni acco tocanabaqqui-rronarraria Zeso Cristoza parri rraui tirrarini zanapozape niza Poua ccanipomauicca uada bacco tiquenanitoui, onarraro.

Piripodeniza 2:13

Arri tibodideni uima bicani toui tiquenarrarope Deo Pouarrine. Pouapa tiadeni acco acco totocanabaqqui narrari, uima bicanira tinanemana-zanaponiuarrine. Deo Poua nacassa tauiccara tinanemananiuarrinepe Pouaza bica tarraro.

Corosadeniza 1:10

Rrehe, Deo Corimecca touattehe ticarrimanezape timadimananissa taniuarrine nauatoqquiri tiquenanitoui. Pina ia Zozossede Deo nacassa tauiccassa tinanemananiuarrine. Uima bicanira tinanemanezape ia Zozossede Deo uatizeuitoui. Tirrinedeni uima bicani torrarizezape tizepedeni irrie uapima auato tanitoui. Pina aua bono ocassa tauicca bonorride rarrarissa tiquenanitoui. Nema tiquenezape Deoza denima tinoccodeni torrizera-zanaponiuarrine ineza Pouaza uati uati ihizanapo narraro.

Corosadeniza 3:10

Arri tiadeniza madie zati torrarrarope pina etero zati tezemanarrarossa narraroparri. Nazama arri tinauatomani-manezape Zeso Cristocca camittehe, pocca dacorehe tiadeniza torrazanaporraroparri. Narrarorrinea arri tiadeni Nauatode Deoza ticauattera ticauattera zanapozape arra tiadeniza torrizera-zanaporrariparra, Deo Pouassa tiquenaniuarrine.

2 Tesaronicadeniza 2:17

Pouadeni pamahapa tibodideniza uatizehe inanarizemananiuarrine, inarraro. Pouadenirrine tibodideni todacorani nezape tettideni bica taniccazara uati uati titiquena naniuarrine, uima bica taniccara tizepedeni ihirririzemana naniuarrine, inarraro. Rrehe, narraro uima tiadeniza torraniuarrinepe Deoza uatide inebo-rrerarraro.

1 Timoti 2:10

Amonerre attinidenipe: —Rrehe, ouape Deocca orrani −quenarrarodeni Deo Pouaza bicaqquiri naniuarrinepe arrima quenana: Uima bicanira inanarizemanezana bica tani.

1 Timoti 5:10

Poni zapani irrirrarope uima bicani inanarizani madirra bazimaza auato tarraro. Pina ponicca erredeni inanapiuissa tarrari, pina poniza madirra bacco quenaza naco itapabaqquiuirrine nanarrorapo narraro. Zesoza rrehe quenarrarideni acco canade nacassa tarraro, amorideni ssauade naqui ibora tarraro. Madirra nanarrizo toquerrenarrarideni naco acco acco ihicanabaqqui narrari. Uima bicaniza zapani irrizanaponirrine damera tarraro. Narrarossa narrarora oninideni dozo tiquenarri, onarraro.

1 Timoti 5:25

Narrarossa narraroa uima bicanicca naqui auatoniza inanemanezape bazima qqui toquenaui. Naraha uima bicanicca auatoraniza inanemanezape nizaranibote narraro naqui Deorrine auato tanitoui.

1 Timoti 6:18

Nazapa pouadeni mari ticanabaqquiza naqui arrima tarri: Madirra zepedeni sseqquiri narraridenipa uima bicanira inanemananiuarrine dameraqquiri nana. Accoraqquiri nauiuarrinepa bodideni narroremanaha madimanana. Nazapa pouadeni carrimanauicca accoraqquiri naza cappiremanarrarideni acco icanabaqqui-manauiuarrine da da iquenauiuarrine, onarraro.

2 Timoti 2:21

Narraro uimape madirra pocca uimasiri ineboza bodi uisso taha madi-zanapozapa Deoza bica tarrari. Pina tozepetarri bica taniccassa narrari. Deoza zepe irriuiuarrine narrora, uima bica taniccara inananiuarrine narrora narrari.

2 Timoti 3:17

Madirra Deocca torrarrari Poua Atti touattazapa Pouaza zepe irriuiuarrine narrorauissa tarrari. Bica tanicca bazima inananiuarrine parrireuissa tarrari.

Titodsa 2:14

Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Titodsa 2:7

Tito, tia naqui timadinissa tarri, ticca madie pouadeniza auato taniuarrine. Naui zabissodeni ticca madie qqui toquenazapa: —Ia naqui nema inana −quenauiuarrine. Mari ticanabaqquiza naco maizehe rrirehe, rrizehe rrirehe, parrissehera Deo Atti ponira mari ticanabaqquirro.

Titodsa 3:1

Ticca mamari tabaqqui bodideni uatome-manauiuarrine pouadeniza uati tinarri, arra tamine attideniza, zama cacauade attideniza naco iboraqquiri nauiuarrine. Poccadeni zama cacauadedenicca marinarrassa inanemananiuarrine, uima bicaniza zepedeni irrimanauiuarrine zosse zosse iquenaza naco: —Rrehe, acco canade nacassaqquiri inani −quenauiuarrine mari ticanabaqquirro.

Titodsa 3:14

Icca mamari tabaqqui naco uima bicani inanarizemananiuarrine tocauatterana, onarraro. Madirra cappiremanaza acco canade iboraqquiri nauiuarrine tocauatterana. Nama quenazapa pouama madirizemana-rrarauiuarrine. Uima bicanizara zepedeni irrimana-zanapouiuarrine, onarraro.

Titodsa 3:8

Nazama Tito, arri tiaza uima dozo onarrarope parrissa. Arrirraro uimaza Deoza rrehe quenarrarideni maride damera tinarri, onarraro. Naui uima bicaniza zepedeni irririzemanaza madirra naco acco icanarizabaqqui-manauiuarrine. Narraro uimape bica tani. Narraro uimazana madirra bazima tobicarizemanauiuarrine.

Ebreodenidsa 10:24

Rrari, tibodideni uatome-manarri. Nerrecoma ineza imecote bodideni acco icanabaqquiuiuarrine? Pina uatideni cauanerara canauiuarrine, uima bicanira inanemananiuarrine naqui bodideni acco acco ihicanabaqqui nana.

Ebreodenidsa 13:21

Narrari Deo Pouana tiadeni tonaparrire-baqquiuissa tana, ticcadeni uima uapima naqui inabicanissa tana, nani Poua touini nauicca tinanemana-zanaponiuarrine, onarraro. Deo pocca madirra bicaqquiri inaniuarrine ia tonadacora-baqquina, onarraro. Zeso Cristo pocca iquerrenezape Deo iaza nema inanazanaponitoui. Pouaza: —Bica tinani, deni tirrani! −ihizanapo nana, onarraro. Parrissa nema nana.

1 Pedoro 2:12

Arrirraro zamaza timadimanezape Deoza rrehe quena-rrararrarideni tezerre timadimananissa taccarri. Attideni uaidira taza titauimarideni uati uati toquenazapa: —Uimasiri sseqquiri tiquenani −quenauitide naraha uima bicanira tinanemana-zanapozape qqui toquenauitoui. Nazapa niza zotode Deo madirra bazimacca uima cattemade torrazapa arra ticcadeni madie bicani qqui toquenaporrari attidenipa: —Deopa bica taui, bica taui −quenauitoui.

1 Zouao 1:7

Naraha ssiuarraniza rrauirrarizezape pina Deo ssiuarra taha madirrarissa inaniuarrine. Nezape imecotedeni tezerre irrariqquirraroparri. Deo Bedi Zeso Cristo emene naqui icca uimasiri bazima inanamossi-zanaporraroparri.

1 Zouao 2:6

Madirra attipa: —Deocca orrani −nazapa pocca madie pina Zesocca madiessa nazana bica tani.