Epesodeniza 1:7 - Kulina New Testament Brazil

⁷ Uimasiri iaza dacoreraha Deo itoui uati cauanari canaza ia tappa tabaqquiuiuarrine pocca erredeni eccorarrari. Poua emene toccarrarope icca uimasiri manaconi torrarraro. Nazapa Deo iaza: —Ticcadeni uimasiriza peperri onani −narrari.

Culina Mádija

⁷ Imasiri iadsa dacoraraha Dio itohui huati cahanari canadsa ia tappa tabaqquihijine pocca ejedeni eccorajari. Pohua emene toccajaropi icca imasiri manaconi tojajaro. Nadsapa Dio iadsa: —Ticcadeni imasiridsa epeje onani −najari.

Epesodeniza 1:7 Iomraidhean Croise

Mateo 20:28

Arri oua Madirra Bedi orrarrarope madirra zosse zosse onaniuarrine occarrona-rrerarraro. Madirra acco ocanabaqquiuiuarrinena occarronarraro. Madirra poccadeni uimasiri manaconi pouadeniza ssonari-rreraniuarrine poccadeni uimasiri manaconipe ouana oua ouaccoranitoui −nade Zeso.

Mateo 26:28

Arrarrari zezepa ouemenecca uima. Deo madirra tezerre rrehe canireuiuarrinecca uima torraniuarrine. Niza oua ozoqqueza ouemene toqquezape narraro rrehe canirenirri parrissa torranitoui. Arri ouemene toccarrarope madirra bazimaza uima bicani torraniuarrine. Narrarope madirra bazimacca uimasiri manaconi ouaza torrezape Deopa poccadeni uimasiri peperri inananiuarrine.

Mateo 6:12

Madirra iaza uaidirehe inanemaneza poccadeni uaidireheza: ‘Peperriua, uadi onerrerani’ inezape manaco icca uaidirehe peperri tinanarri, Abi Deo. Icca uaidirehe manaconi narrizoue iaza tinana-rrerarri, inarraro.

Maraco 14:24

Nazapa pouadeniza uati tarrari: —Arrarrari zezepa ouemenecca uima. Deo madirra tezerre rrehe canireuiuarrinecca uima torraniuarrine. Niza oua ozoqqueza ouemene toqquezape narraro rrehe canirenirri parrissa torranitoui. Arri ouemene toccarrarope madirra bazimaza uima bicani torraniuarrine.

Roca 1:77

Zouao, tiape icassiuaueraniuarrinecca uima ia Deo pocca madirra iquerrenarraro iaza uati tinarizanitoui. Deo icca uimasiri peperri inanezape niza pocca narrizoue torreza zori icanirenitoui.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Huano 20:23

Deo Corime ticarrimaneza madirracca uimasiriza: “Peperri, eti rrimani” tiquenezape rricani. Deo naco narraricca uimasiriza uati rramaui. Naraha madirracca uimasiriza: “Peperri, eti rrimani” tiquena-rrerezape pocca uimasiri rriquerrerani. Deo naco narraricca uimasiriza uati rrama-rrararrari −nade.

Tahimarideni 10:43

Narraria Zeso poua tauimari maittaccazama Deo Atti cacomeraqquiri narrarideni dozo narronemanarraripa arrama quequenanarrari: “Ia Idinide icca uimasiri inanamossiniuarrine nauato taui orrari naui. Pouaza parrissa inezape icca uimasiri inanamossi tani” quenapoui nade. Narraro uimape madirra bazimaza torrarraro −narrari Pedoro.

Tahimarideni 2:38

Nazapa Pedoro pouadeniza uati tarrari: —Ticcadeni uimasiri tinebomanarri, Deozara tiquerrenaniuarrine. Nazana Deo ticcadeni uimasiri peperri inanezape passo dopaniza niquide ticarrimanani bica tani. Zeso Cristo oniza passo dopaniza niniqui ticarrimanarri. Nazana Deo Poua Corime tibodideniza torrarizauiuarrine.

Tahimarideni 20:28

—Nazama ouattipe tiadeniza arrima onarraro: Deoza timadimananissa taniuarrinepe tiadeni tecauemanarri. Zesoza rrehe quenarrarideni, arra tiadeniza quequeriqqui narrarideni naco tecauabaqqui-manauissa tarro. Deo Corimerrine pouadeni cacauade tiquerrenarraro. Deocca madirra pouadeni manaconepa Deo Poua Bedi zoqqueza poua emene toccarraro. Narrarorrine pouadeni tecauabaqqui-manauissa tarro, onarraro.

Tahimarideni 3:19

—Narrarorrinea tiadeniza ouattipe: Rridapanape tibodideni cacarriqquimerarri, Deoza tiquerrenarri, onarraro. Nema tiquenezape Deo ticcadeni uimasiri sse inanitoui. Nazapa ia Zozossede Deo tibodideni rrassi tonanabaqquiuitoui.

Romanodenidsa 2:4

Deopa tiadeniza uati uana tarrari. Biquehe uapi tanicca tiadeniza inanarizarraro. Deo Pouaza parrissa tiquenaniuarrine tinarromaneza naqui titouideni denima madiccarrari. Naraha narraro uima bazimape tiadeniza pina ponimassa narraro. Arri Deorrine pocca biquehe tiadeniza torrarrarope tibodideni cacarriqquimeraniuarrine.

Romanodenidsa 3:24

Arri icca uimasiri manaconi narrizoue icarrinitouiraha Zeso Cristo pouarrinena Deo ia tappa tabaqquirrari. Deo iaza uati uana taza manaconi rrirehe iaza: —Tiadenizape uima nouerani. Ouaza bicaqquiri tiquenani −narrari.

Romanodenidsa 3:25

Deopa Poua Bedi Zeso Cristo zoqqueuiuarrine eccorazapa madirra bazimaza nohue inarraro: Pouapa uimasiriza boque tarrari. Aua porimacossaniza Zeso emene toccarrarope icca uimasiri manaconi da inarrari. Itoui Zeso zoqquerrari tauimariza parrissa inezape Deo iaza: —Rridapanape ticcadeni uimasiriza ouati rrimani −narrari. Deopa nama narraria iaza nohue inarraro: Pouarrine parrirenissa tani. Arra taide Zeso Cristo zoqque-rraraccazama Deopa madirracca uimasiri qqui taraha pina qqui toraui narrari.

Romanodenidsa 9:23

Pouapa narroccazama iaza uati canauari canaza ia tonassiuauabaqquiuiuarrine ia tonanarrora-baqquirrari. Pocca deni torrehe, pocca biquehe iaza auato inananiuarrine touini naza nema inanarraro.

1 Corintodeniza 1:30

Taidepe arri Deo Pouarrine Zeso Cristoza irrariqquirraroparri. Pouarrine naqui Cristoza icauatterara canarraroparri. Cristorrine icca uima Deoza parrirenissa tarraro. Ibodi tonauissorrari. Uimasiriza imadizanapo-rreraniuarrine ia todinibaqquirrari.

2 Corintodeniza 8:9

Tiadenipe ia Zozossede Zeso Cristocca biquehe, pocca touati uanehe nauatoqquiri tiquenani. Pouapa memeuarri madiza bazima carrirrari. Cappira-rraraha madiuissa taporrari. Naraha titouideni namiuarri ccaronazapa pina cappirarrarissa naha madirrarirrine tiadenipe sseqquiri tiquenarraro.

Epesodeniza 1:14

Deo Poua Corime iaza inanarizarraripa pocca danirri bicani uati taporraricca parrissa iaza torranitoui nauatoto inaniuarrine. Narraro danirri bicanipe niza zotode pocca madirra idinibaqquia rricauissa tazapa pocca danirri bicani bazimaza da inarizanitoui. Deo nama narraria madirra Pouaza uatizemanaza: —Rrehe Abi Deo, bica tinani, deni tirrani! −quequenanauiuarrine.

Epesodeniza 1:18

Deoza ouatti onihi naqui: —Abi Deo, pouadeni tezerremacca uima bicani bodideniza auato tinanarri −ohonanarraro. Deopa pocca madirra tiquerrenaniuarrine tiadeni uaua tabaqquirrari. Itezerremacca uima bicani iaza torraniuarrine touini imadirrarope parrissa iaza torranitoui. Narraro nauatoqquiri tiquenaniuarrine Deoza uati uati ohonanarraro. Deo Pouaza toquerrenarrarideniza pocca danirri bicani da inani nauatoqquiri tiquenaniuarrine naqui Pouaza uati uati ohonanarraro.

Epesodeniza 1:6

Nazama iape: —Rrehe Abi Deo, bica tinani, bica tinani! Iape bicaqquiri inerrereraha iaza ticca biquehe rriquerreranicca tinanarraro. Ticca touati uanehepe deni torrani! −ihinanarraro. Abi Deopa Poua Bedi Zeso Cristoza uati uana tarrari. Narrariza parrissa inezape ibodiza uatizeheri inanarraro.

Epesodeniza 1:8

Deopa nema inanarrarope iaza pocca touati uanehe auato inanarraro. Memeuarricca nauatoue, touattehe bazima naqui iaza inanarizarraro.

Epesodeniza 2:4

Deopa touati uanehe sse tarrari. Itoui uati cauanari canarrari.

Epesodeniza 2:7

Deo nama narraria niza zotode pocca touati uanehe bicani iaza inanani madirra bazimaza auato tanitoui. Arri icca uima Deoza tobicarrarope Zeso Cristo pouarrine. Nazapa Deo iaza uati cauanari canaui madirra qqui toquenauitoui. Narraro uima naqui mittemanauitoui.

Epesodeniza 3:16

Deopa orrariui bica tarra, nauatorride rarra nazapa Pouaza uati onezape: —Abi Deo, Ticorimema ticca madirra bodideni todacoremanaui nauiuarrine ticca dacorehe tinanarizarri −ohonanarraro.

Epesodeniza 3:8

Zeso Cristoza toquerrenarrarideni mota uapi taha bicaqquiri naraha ouape bica onerrerani. Occa uima rradanipe uaidira tade. Ouape Deocca madirra bazimaza arrimani orrani. Nema oneraha Deona ouaza bica tarrari. Oua tocatterrizazapa tozepe irrie bicani ouaza da inarrarode. Narrarope arri zodeo querrenarrararrarideniza Zeso Cristo tauimari icassiuaueraniuarrinecca uima bicani maride occarizaniuarrine.

Piripodeniza 4:19

Nazapa icca Deo ticappiremananicca tiadeniza da da ihinananitoui. Zeso Cristocca tiquerrenezape pocca biquehe, poua carrirraricca bazima tiadeniza inanarrorarraro.

Corosadeniza 1:14

Poua Bedi Zeso zoqquerrarirrine icassiuauerarraro. Icca uimasirirrine iaza narrizoue ssonarinitouiraha pouarrine rricanissa tezape Deopa iaza: —Peperri, ticcadeni uimasiri ouati rrimani −narrariparra.

Corosadeniza 1:27

Deo Poua touini naza pouadeniza auato inanarrarope zodeo querrena-rrararrarideni naco pocca danirri bicani carrimanauitoui. Narraro uimape narroraporaha Deorrine auato terreraccade. Arri Deocca uima bicanipe Poua Bedi Zeso Cristo tibodideniza torrarizarrariparra. Narrarirrinena niza tinauatonimanezape bica taniza timadimananitoui. Deocca deni torrehe naqui tiadeniza torranitoui.

Corosadeniza 2:13

Taide tibodidenicca uimasirima timadimanapozape pina tecotarrarossa naccade. Deocca madirra tiquerrena-rreraccade. Neraha rridapanepe Deorrine pina Cristo tezerre tinauatonimanarrarossa tiquenezape camittehe zati ticarrimanarraroparri. Cristorrine Deo icca uimasiriza: —Peperri, ouati rrimani −narrari.

Corosadeniza 2:2

Deo tibodideni tonauatizebaqquiuiuarrine, pocca touati uanehema tibodideni orrariqquinissa taniuarrine naqui touini onarraro. Deocca uima bicani auatora taporaha rridapape auato tarraro timittemananissa taniuarrine naqui damera onarraro. Narraro uima bicanipe Cristona parra. Pouaza tinoccodeni torrizera-zanapozape pouaza parrissa tiquenanissa taniuarrine titouideni Deoza uatide damera onarraro.

1 Timoti 2:6

Zeso Cristopa zoqqueuiuarrine poua ccaccoraza icca uimasiri manaconi zoqquerrari. Narraro uima madirra bazima mittarizemanauiuarrine Deorrine auato inaneza parrissa torrarraro, arri Deorrine narroraponicca uada bacco teza, onarraro.

Titodsa 2:14

Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Titodsa 3:6

Deopa Poua Bedi Zeso Cristoza Poua Corime da inaza manaco Zeso Cristo ia Tonassiuauadena iaza da inarizarrariparra. Deo iaza accora taza Poua Corime namanaha iaza inanarizarrariparra.

Ebreodenidsa 9:22

Nazama narraro bani emenecca uimape iaza auato tarraro: Deocca zossenirriza uapima toppineraniuarrinepe bani emenezana touissorraro. Deocca zossenirriza uimasiri tomossiniuarrine naqui bani emene toccazana Deo narraro uimasiriza: —Peperri, ouati rrimani −narrari. Rrehe, maittaccazama bani emene toccarrerezape poccadeni uimasiri touisso taniuarrine ssamo taccade.

1 Pedoro 2:24

Zeso Cristo poua assireza icca uimasiri ssonarizape aua porimacossaniza zoqquerrari. Nama nazapa pouarrine iape uimasiriza ecotarraro. Madie bica taniccazana imadirraro. Pouapa biquerarrarirrine iape ibicarraro.

1 Pedoro 3:18

Zeso Cristopa icca uimasiri manaconi ocasserani auaza zoqquerrari. Zoqqueui orrariraha pouarrine uimasiri manaconi parrirenissa tehe nema zanaponitoui. Pouapa uimasiri cappiraraha uimasiri inanemanarrarodenitoui ocasserani auarrari. Nama narraripa Deoza ia bacco inaniuarrine. Pouapa pina madirrassa naza assire zoqqueraha poua corime Deoza tomadinipomarrari.

1 Zouao 2:12

Ouimecotedeni, occa erredenissa tiquenarraro. Tiadeniza dozo onarrarope Zesopa ticcadeni uimasiri manaconi torrarrarirrine Deo ticcadeni uimasiri peperri inanarraroparri.

1 Zouao 2:2

Arra Zeso Cristo itoui poua ccaccoraza zoqquerraripa icca uaidirehe inanamossiza Deoza ibicaniuarrine. Icca uimasiri manaconi torrarraripa ia motta orrari inanicca manaconi torra-rraraui. Madirra zama bazima madirizemanarraridenicca uimasiri manaconi torrarrari pouapa.

1 Zouao 4:10

Iape Deoza eti uanaqquiri napo-rrereraha Deopa iaza uati uana taza Poua Bedi iaza zosse inaronarrari. Bedipa itoui poua ccaccorazapa icca uimasiri manaconi torrarrariparra. Narrarona touati uanehe parrissehecca.

Apocalipsis 14:4

Poccadeni uima ssiuarra tarraro. Uananehe rrirehe madimanarrari. Amonerreza ssamoqquiri narrari. (Narraro uimape deo pouamaccaza uatizemana-rrararrari.) Eueue Bedi Zesoza dameraqquiri nazapa pouazara arrauarri rraui torra, arrauarri rraui torra narizarrari. Narraridenipa namicca madirra mota Deo idinibaqquipoza Pouaza toquerrenauissa, Eueue Bedi Zesoza toquerrenauissa tauiuarrine pina madirradenicca danirri bicabote Deoza torrarrarissa quenarrari.

Apocalipsis 5:9

Pouadenipa arrie zati rriri icanemanezape arrama quenarrari: —Tiana bicabote deni tirrani orrari tarraro. Papeo pico naqquini tidirraro bica tani. Nepi tamaroni 7 nehe carriraha titaboni uarrine bica tani. Tiana tia inanazoqque-maneza temene toccarraroza Deoza toquerrenauiuarrine mitta tinabaqquirraride. Arra madirra zama onihi onihiza madirizemanarrarideni mota, touatti onihi onihi carririzemanarrarideni mota, uapideni onihi onihi carririzemanarrarideni mota tirrine Deoza toquerrenarizarrari.