Epesodeniza 1:23 - Kulina New Testament Brazil

²³ Ia Cristoza irrariqquirrarope pina poua assiressa inarraro. Iaza parrireuissa tarizarrari. Meme, nami bazimaza naco pouana parrireuissa tarizarrari.

Culina Mádija

²³ Ia Cristodsa ijariqquijaropi pina pohua assiressa inajaro. Iadsa pajirahissa taridsajari. Meme, nami huapimadsa naco pohuana pajirahissa taridsajari.

Epesodeniza 1:23 Iomraidhean Croise

Huano 1:16

Nazama pocca biquehepe pouarrine iaza uapi tehe torrerre zanaponi narraro.

Romanodenidsa 13:5

Nema nezape taminedeni noppine ticappinemaneza attideniza iboraqquiri tiquenarri, nani tiadeniza Deocca narrizoue ssonari-rreraniuarrine, tibodideni bica taniuarrine.

1 Corintodeniza 12:6

Deo pocca dacorehe onihi onihi nehe iaza da inarizarraro naqui uapi teraha Deopa orrariui.

1 Corintodeniza 15:28

Deopa uapima Poua Bedi Cristoza iboraqquiri inanabaqquizapa Cristo naco Imehi Deoza ibora tauitoui. Rrehe, Deorrinepa bazima Cristoza toquerrenarrari. Nazapa Deoza bazima iboraqquiri narrari. Pouana zosse zosse naui orrari narrari.

Epesodeniza 2:16

Zeso aua porimacossaniza zoqquezapa arra zodeodeni, zodeo querrena-rrararrarideni tezerre arrauarri nacassera, arrauarri nacassera quenarrari uima pouarrine rricarraro. Rridapanapa carronerara canarrari. Pouaza bazima tassaqquimanauissa tazapa pina poua assire orrarirrarissa quenarrari. Pouaza parrissa quenarrarideni bazima Deo tezerre carronerarrariparra.

Epesodeniza 3:10

Deopa nama narraria rridapana pocca madirra Zeso Cristoza quequeriqquimana narrarideni Deo pocca nauatoue bicani rriquerreranicca auato inanemananiuarrine. Nazapa memeuarri cacauehe carrimanarrarideni, pina Deocca zozosse tabaqqui taminedeni, pina inoccoza qqui inabaqqui-rrararraridenicca taminedeni bazima Deocca nauatoue qqui toquenazapa: —Parrissa, Deopa nauatorride rarrari −quenauiuarrine.

Epesodeniza 3:19

Pocca touati uanehe deni torrarrarorrinepe nauato inanissa taniuarrine iparrire-rrereraha tiadeniza auato taniuarrine Deoza uati uati onarraro. Pocca touati uanehe tiadeniza torrizerezape Deo tiadeniza aniuissa tauiuarrine, onarraro.

Epesodeniza 4:10

Arra ccaronaporraripa Zeso Cristo. Narrari poua toccamacossanirraria memeuarri madiui parra naccaui. Meme, nami bazimaza Cristopa anirizarrari.

Epesodeniza 4:12

Nama nazapa pouaza toquerrenarrarideni inaparrirebaqquirrari, Deoza zepedeni irrimanauiuarrine, imecotedeni acco icanabaqqui- manauiuarrine. Nezape Zeso Cristo poua assiressa inarrarodeni icca rrehenirri denima todacorani naniuarrine.

Epesodeniza 4:13

Icca rrehenirri todacorani zanapozape niza zotode ia bazima Zeso Cristoza rrehe inarrarodeni irrariqquinissa tanitoui. Deo Bediza inocco torrizeranissa tezape pouaza nauatoqquiri inanitoui. Nezape denima denima Deo touini nauicca icauatterazanapozape pina rradauideni nauatoqquiri narrarissa inanitoui. Deocca nauatoue icarrinitoui. Icca madie parrirenissa tanitoui. Pina Zeso Cristocca madie bica tarrarossa nanitoui.

Epesodeniza 4:4

Ia bazima Zeso Cristoza iquerrenarrarope pouaza irrariqquirraro. Pina poua assire orrarirrarissa inarraro. Deo Poua Corime iaza anirrari naco orrariui. Itezerremacca uima bicani touini imadirraro naqui orrarini. Narraro iaza torraniuarrine Deo ia tocatterrizabaqquirrariparra.

Corosadeniza 1:24

Tiadeniza ouati uana teza Deo Atti denima timittemananiuarrine oneza ocasserani oueraha ouatizerraro. Cristopa pouaza orrariqquimanauiuarrine ocasserani auarrariparrade. Pouaza toquerrenarraridenipa pina poua assiressa quenarrari. Oua naqui pouaza toquerrenarrarideni acco ocanabaqquiza ocasserani ouarraroparri. Nema onarrarope oua ocasserani ouarraro, arra Zeso ocasserani auarraricca tazarrani tassaqquizape pouaza orrariqquimanarrarideni denima tobiquemana-zanapouitoui.

Corosadeniza 2:19

Pouadenipa Cristoza querrena-rraraui. Naraha iana Cristoza irrariqquizape pouapa pina itatissa narrari. Pouana irrariqquinicca ia Zossede. Iape poua assiressa inarraro. Nazama essirepe itone, essicone narraro tassaqquizape essire dacorarraro. Orrari nehe torrarraro. Rrirriparrine nanapi narraro. Narrarossa narraro Cristo pouaza itassaqquizape daco irrirarraro. Cristo poua attima, pocca dacorehema ihinapi narraro. Nema inanipe Deo Poua nacassa tarrarissa inanarraro.

Corosadeniza 3:11

Rridapanape Zeso Cristocca madieza tiquerrenarraro, tibodideni zati torrezape arra madirra ouaha ouaha inarizaraha Zeso Cristoza irrariqquinissa tarraroparri. Rrehe, arri tirrariqquirraro motapa zodeo querrena-rrararrari, motapa zodeodeni Cristoza toquerrenarrari. Motapa zopori cotani eteroni uissinarra carrimanarrari, motapa narraro uissinarra cappiremanarrari. Motapa zama onihicca madirra, motapa ssamoqquiri narrarideni. Motapa tarabaiauarrine zozosse toquerrenarrarideni, motapa zozosse toquerrena-rrararrarideni. Bazimapa Cristoza toquerrenarizarrariparra. Pouana uima bazimaza deni torrarrari. Pouapa ia bazimaza anirizarrari.

Corosadeniza 3:15

Cristocca rronehe tibodideniza deni torrana. Narraro rronehema timecotedeni tezerre timadirize-manarri. Nema tiquenaniuarrine Deo titouideni uaua narrari, pina Zeso Cristo poua assire orrarirrarissa tiquenaniuarrine. Nema nezape Deo Pouaza naqui: —Rrehe, tirrine iaza bica tani −titiquena narri.