Epesodeniza 1:13 - Kulina New Testament Brazil

¹³ Tiadenipe zodeo tiquerrena-rrereraha Zeso Cristo tauimari icassiuaueraniuarrinecca timittemanezape parrissa tiquenarraro. Nezape tiadeni naqui Zeso Cristocca tiquerrenarraro. Nazana Deo pocca madirra tiquerrenarraro auato taniuarrine Poua Corime zosse inaronarrari. Pina taide uati taporrarissa narrari: —Niza Ocorime tiadeniza onanarizanitoui −napoui nade.

Culina Mádija

¹³ Tiadenipi jodio tiquejena-jeraraha Jesocristo tahimari icassiejeranijinecca timittamanadsapi pajissa tiquinajaro. Nadsapi tiadeni naqui Jesocristocca tiquejenajaro. Nadsana Dio pocca madija tiquejenajaro ahuato tanijine Pohua Corime dosse inaronajari. Pina tahide huati tapojarissa najari: —Nidsa Ocorime tiadenidsa onanaridsanitohui −napohui nade.

Epesodeniza 1:13 Iomraidhean Croise

Roca 11:13

Tiadenipe uaidirehe ticarrimaneraha ticcadeni erredeniza bica tauicca dade nauatoqquiri tiquenani. Arri tiadeni naqui ticcadeni Abi Deo memeuarri madirrariza uati tiquenezape tiadeniza bica tauicca dade denima nacassa taui. Poua Corime toui tiqueneza naqui Pouaza uati tiquenezape tiadeniza da inauitoui, onarraro −narrari Zeso.

Roca 24:49

Neraha taidepe Zerozareza timadimanaccarri. Niza occa Abi Deo uati taporrarissa narrari ouana tiadeniza zosse onaronauitoui. Narrari Deo Corimena tiadeniza torrarizauitoui. Pouapa Deo memeuarri madirraricca dacorehe tibodideniza inanarizanitoui. Nezana otauimari mari tarizemananiuarrine −narrari Zeso.

Huano 1:17

Nazama maittaccazama Moizepa Deocca zossenirri mari mari naporrari. Narraro pocca marinarra uarirronania arri iaza bacco narraroparri. Nazama rridapanapa Zeso Cristona Deocca touati uanehe, pocca parrissehe iaza auato inanarraroparri.

Huano 14:26

Naraha niza noue orrirezape Abi Deo tiadeni Acco Canade zosse inaronauitoui. Narraripa Deo Corime pina orrinessa inananitoui. Denima tiadeni mari tocanabaqquiuitoui. Arri uati uati onarrarocca naqui pouarrine tibodideni uatomanissa tanitoui −nade.

Huano 15:26

—Tiadeni Acco Canade tiadeniza zosse onaronauitoui. Pouapa Abiuarricca, poua oni ouahapa Deo Corime Parrissehecca Maride. Niza narrari ccaronazana otauimari tiadeniza auatoma auatoma nanitoui.

Huano 3:33

Naraha poua attiza parrissa quenarrarina: “Rrehe, Deopa parrissehe rrinede” quenarrari.

Huano 6:27

—Naraha tiadenipe ticcadeni rrirripa rricaca tauicca touira tibodideni uato-rrerarri, onarraro. Rrirripa rricaquera tauicca touira tibodideni uatomemanarri −nade. —Ouape Madirra Bedi orrarraroa rrirripa rricaquera tauiccara tiadeniza da onarizauiuarrine, onarraro. Nazama narraro cacauehepe occa Abi Deo ouaza da ineza occarronarraro −nade Zeso.

Tahimarideni 1:4

Nazama pocca zozosse tabaqquiza madirizapomaza naco arrirraro uima pouadeniza uati tarrari: —Rrehe, arri oza panani Zerozare tinebomana-rrerarri. Occa Abi uati taporraricca uima bicani parrissa tiadeniza torraniuarrine touini timadimanaccarri. Narraro uimape tiadeniza uati onapode.

Tahimarideni 13:26

—Rrehe ouimecotedeni, arri tiadenipe Abarahao potemaui tiquerrenani titauaribobo canarri. Arri motape madirra ouaha tiquerreneraha Deo Attiza iboraqquiri tiquenani titauaribobo canarri. Deopa ia bazimaza pocca uima icassiuaueraniuarrinecca inanarizarraroparri.

Tahimarideni 2:33

Abi Deo Pouarrinea toccamacossanirrariparra. Narraria Deorrine Zeso Cristo deni inanazapa poua attiza madirra bazima iboraqquiri nauiuarrinepa Deo Poua uinori nauatoniuarri inauittarirrariparra. Deopa pina poua uati taporrarissa narraro Poua Corime Zesoza da inarrarope manaco madirraza da inarizauiuarrine. Nazapa Zeso Deo Corime iauarri zosse inaronarrari. Narrarirrinena arri mouini oppina tehe pina rrorrode dacorarrarossa narraro timittemanarraro. Pina rrororonissa narraro naqui qqui tiquenarraroparri. Poua Corimerrinea arri touatti onihiza uati uati ineza timittemanarraroparripa.

Romanodenidsa 1:16

Ouape Zeso Cristo tauimari icassiuaueraniuarrinecca ouacomeraniuarrinepe ocappina-rrerarraro. Ouape nauato onani: Zeso Cristo tauimaripa Deocca dacorehe madirra tocassiuauerauiuarrine, onarraro. Taidepe zodeodeniza, zotodepa zodeo querrena-rrararrarideniza naco Zeso Cristo tauimari dacorarraro. Bazima narraroza rrehe quenazapa tocassiuauerauiuarrine.

Romanodenidsa 4:11

Zotodena Abarahaoza Deo uati tarrari: —Zopori cotani eteroni uissinarra ticarrirri −narrari. Narraro uissinarra carrizapa Abarahao Deoza rrehe napouicca uima auato tarraro. Nazapa madirra ouahadeni naco zopori cotani eteroni uissinarra cappiremanaraha Deoza rrehe narizemanazapa Abarahaopa pina poccadeni abissa narrariparra. Narrarideniza naco Deo Atti: —Ouaza bicaqquiri tiquenani −narrari.

Romanodenidsa 6:17

Uima bicani ticatterrizemanezape Deoza ouatizeza: —Rrehe Abi Deo, tirrine bica tani −onarraro. Taidepe pina uimasiricca zozosse tabaqquissa tiquenaporaha rridapanape Zeso Cristo tauimari tiadeni mari tocanabaqqui-manazana ticcadeni uatizehema iboraqquiri tiquenarraro.

2 Corintodeniza 1:22

Nezape Poua pocca iquerrenani auato taniuarrinepe pocca nanarranoza ia narranorizarrarissa narraro. Narraria arra Poua Corime ibodiza inanarrari parra. Poua Corime icarrizape niza zotode Poua uati taporraricca icarriniuarrine nauatoqquiri inarraro.

2 Corintodeniza 6:7

Deocca uima bicani parrissehera mari mari inarraro. Pocca dacorehe icarrini iaza auato tarraro. Icca uima Deoza parrirenissa tarrarope pina rrazirerrine icarrirrarossa narraro. Ia uauadidedeniza issonariniuarrine icarri, iaza ssonarimanaza naqui ibiquera-rreraniuarrine icarri narraro.

Carasiadeniza 3:14

Cristo ia todinibaqquirraripa arra zodeo querrena-rrararrari pouaza rrehe quenarrarideni naco uatizeheri carrimanauiuarrine. Narraro uatizeheripe Deo Abarahaoza uati taporrarissa narraro pouadeniza torraniuarrine. Uima onihi naqui iape Zeso Cristoza rrehe inezape Deo Poua Corime iaza inanarizarrari, pina Poua uati taporrarissa narraro iaza da inarrari.

Epesodeniza 4:21

Pocca marinarra parrissehecca timittemanezape timadimananissa taniuarrinena ticauatterarraro.

Epesodeniza 4:30

Deo Corime orri tinanemana-rrarauiuarrine timadimananissa tarri. Zeso Cristoza rrehe tiquenapozama Deo Corimepa tiadeniza anirronaui. Nazapa niza zotode Deo pocca madirra inassiuauabaqquiuiuarrinecca uada bacco tezape Poua Corime anirrarideniza: —Occa −nauitoui. Nazapa narraridenina inassiuauabaqquiuiuarrine.

1 Tesaronicadeniza 2:13

Ticcadeni uima Deoza uati uati ihinanezape: —Rrehe, peperri. Tirrine bica tani −ihinanarraro. Arri Deocca marinarra tiadeni mari icanabaqquirrarozape: —Madirra attia –tiquenerrerade. —Arrirraro marinarrape parrissa Deo Attia. Iaza torrana −tiquenade. Deo Atti parrisseheccara tiadeni mari icanabaqquirrarode. Pouaza parrissa tiquenezape Poua Atti tibodideniza torrarrarorrinea arri tibiquemana-zanaporraroparri.

2 Timoti 2:15

Deocca zozosse bica tinaniuarrinepe ibora tineza tizepe irrinissa tarri. Deo tinauatizezapa tiaza: —Rrehe, bica tinani −nauitoui. Pina tatarabaiade damera tarrarissa tarri. Tarabaia tanissa tezape tia zozossedeza ticappina-rreranitoui. Deo Atti parrissehera zori terreraniuarrine mari tanissa tarri.

2 Timoti 2:19

Naraha Deocca uima parrisseheccaza parrissa inanissa tezape marinarra maizeheccazape parrissa inerreranitoui. Arrina, Deo Atti dozo naniza arrima narrarope: —Ia Zozossede Deopa Pouaza toquerrenarrarideniza nauato tarrari −nani nade. Onihi naqui arrima narraro: —Madirra bazima attideni: “Ia Zozossede Deocca madirra orrani” quenarraridenipa uaidireheza touarrimanaui nana −nani nade Deo Atti dozo naniza.

2 Timoti 3:15

Erredeni tirrapozama Deo Atti dozo nani tiattezape touattehe ticarrirronarraro nauato tinani. Narraro touattehe ticarrizape Zeso Cristoza rrehe teza narrarorrine Deo tia tonassiuauarrari.

Titodsa 2:11

Rrehe, Deo madirraza uati cauanari canaui auato inanarraro. Narraroza madirra bazima tocassiuauerauiuarrine parrireni.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.

Satiacocca 1:18

Deo touini zapa arrima inanarraro: Poua Atti parrissehe ponira ia mari tocanabaqquizapa iaza camittehe zati inanarraroparri. Nama narraripa pocca madirra Pouaza bicaqquiri inaniuarrine. Pocca nauatonarra bazima Pouaza bicaqquiri naraha iana Pouaza denima bicaqquiri inarraroparri.

Satiacocca 1:21

Nezape arrirraro namicca uaidirehe onihi, onihi narraro bazima tineborizemanarri. Mouaraza Deo Attizara iboraqquiri tiquenana. Deo Atti timittemana, Zeso Cristo tauimari timittemana narraroa tibodideniza madizarraroparri. Narraro Zeso Cristo tauimaripa tiadeni tonassiuauabaqquiuiuarrine dacorarrari.

1 Pedoro 2:10

Taidepe ponima timadirize-manaporaha rridapanana Deocca madirra tiquerrenarraro. Taidepa Deo tiadeniza uati touana-rrararaha rridapanapa tiadeniza uati cauanari canaui.

Apocalipsis 7:2

Pouadenipa dacorehe carrimanarrari, nami, passo inarrizorize-mananiuarrine. Nazapa Deocca zozosse ouaha marri ccarronauiuarri ccarronaui qqui onarrari. Narraripa Deo Camittehe carrirraricca nanarrano zorro narronarrari. Nazapa Deocca zozosse tabaqqui memeuarricca 4 quenaha uaueri nauarranirrarideniza rrazirema uaua nade.