Epesodeniza 1:1 - Kulina New Testament Brazil

¹ Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Culina Mádija

¹ ¿Nija ohuemecotedeni? Occa ima tiadenidsa dsodo onajaro. Ohuapi Pablo. Dio ohuadsa jipa tadsa Jesocristocca dodosse ojanijine otohui huahua najari. Jehe, nani odsa panani Epesodsa timadimanajaropi Diocca madija bicaqquiri tiquinani, Jesocristodsa disseraqquiri tiquinajarodenidsa dsodo onajaro.

Epesodeniza 1:1 Iomraidhean Croise

Roca 16:10

—Madirrapa cacauanirri bazira tehe ecaueza maiza-rrarazapa niza zotode cacauanirri deni torranicca ecauaniuarrine “Bica taui” quenauitoui. Naraha cacauanirri bazira tehe ecaueza maizazapa cacauanirri deni torraniccaza “Rrehe poua ecauana” quena-rrarauitoui.

Tahimarideni 16:15

Nezape Ridia Zesoza parrissa nezape passo dopaniza niniqui carrirraro. Ponicca ozacca madirra naco bazima passo dopaniza niniqui carririzemanarrari. Nezape poni attini iaza: —Arri ouaza tibodideni: “Ia Zozossedeza parrissa nani” tiquenezape rrina, occa ozauarri timadimanarri −nade. Iaza uatide damera tezape ponicca ozaza imadirrarode.

Tahimarideni 18:19

Nazapa rraui torranirrari, oza panani Epeso bacco toquenarrari. Nauiza Aquira bedimeni tazarrani madimanauiuarrine inebobaqquizapa Deo Atti mamariuarri toqquezimarrari, zodeodeniza Deo Atti maride.

Tahimarideni 18:21

Pouadeniza uati tarrari: —Occanini. Naraha nizaranibote Deo touini naza tiadeni qquide occanipomanitoui −narrari. Nazapa: —Rrehe ticcanirri −quenarrari. Nazapa darroni imeniza toqquezanizapa Epesouarri neboza rroppemapomarrari.

Tahimarideni 9:13

Naraha Anania: —Rraho, oua Zozossede, narrari maqquiderrepa arra Zerozarecca tiaza toquerrenarrari bicaqquiri narrarideni inarrizobaqquiui quenaui uima omittade.

Romanodenidsa 1:1

Nirra ouimecotedeni? Ouape Paoro, Zeso Cristocca zozosse, tiadeniza occa uima dozo onarraro. Zeso Cristocca zozosse orraniuarrinepe Deo otoui uaua narraride. Narraroa arri pocca uima bicani madirra tocassiuauerauiuarrinecca mari mari ohocanabaqquiriza nauiuarrine omadirraro.

Romanodenidsa 8:1

Nazama Zeso Cristoza iquerrenarrarope Deo icca uimasiri manaconi iaza inassonari-rreranitoui.

1 Corintodeniza 4:12

Izepe irriza naqui rrao iquerrenehe imadirizarraro. Madirra naco ia totamasso-baqquimana naraha uima bicanira pouadeniza ehecomera narraro. Ia totonarrizo-baqquimana naza naqui nema nehe ihinauana narraro.

1 Corintodeniza 4:17

Nema onezape tiadeniuarri Timotira zosse onarrari. Pouapa orrine Zeso Cristoza torrazapa pina occa erredenissa narrari. Pouaza ouati uana tani. Pouapa ia Zozossede tauimariza damera tarrari. Occa marinarra pina Zeso Cristo mari mari narizarrarissa narraro tiadeniza uati tauitoui, tibodideni uatome-mananiuarrine. Narraro marinarrape arri Zeso Cristoza quequeriqquimana nauiuarri mari mari ohocanarizabaqqui narrarissa narraro.

2 Corintodeniza 1:1

Nirra, ouimecotedeni? Ouape Paoro. Tiadeniza dozo onarraro. Deo nacassa taza Zeso Cristocca zozosse orrarraro. Ouimecote Timoti tezerre tiadeniza: —Nirra, bicaqquiri tiquenaqui? −inarraro. Arrirraro uimape nani zama arobeni Acaiacca oza panani Corintouarricca Deo Attiza titiqueriqquimana narrarodeniza dozo inarraro. Narraro ticcadeni zama arobeniza Zeso Cristoza rrehe quenarrari madirizemanarrarideniza naqui dozo inarraro.

Carasiadeniza 1:1

Nirra ouimecotedeni? Occa uima tiadeniza dozo onarraro. Ouape Paoro, Zeso Cristocca zozosse orrani. Madirra atti touaccade orrarrerani. Madirrapa oua zosse narizade noueraui. Oua zossedepa Zeso Cristo, poua nauatonide Abi Deo tezerre.

Carasiadeniza 3:26

Zeso Cristoza rrehe tiquenezape Deo pocca erredeni tiquerrenarraro.

Carasiadeniza 3:28

Tiadeni bazima Zeso Cristoza rrehe tiquenarrarope zodeodeni, zodeo rrararrarideni, zozossedeni, zozosse rrararrarideni, maqquiderredeni, amonerredeni bazima Zeso Cristoza tirrariqquimananissa tarraro.

Carasiadeniza 3:9

Nazama Abarahaoza uatizeheri torrarrarope Deoza parrissa narrarirrine. Narrarossa narraroa madirra uapima Deoza parrissa quenarrarideniza uatizeheri torrarizanitoui.

Epesodeniza 1:15

Ticcadeni uima omittaponizama titouideni Deoza uati uati ozanaporraro. Arra ia Zozossede Zesoza parrissa tiquenanissa tarraro uima omittarraro. Deoza toquerrenarrari bazimaza naqui tetideni uanaqquiri narraro quenaui omitteza ouatizerraro.

Epesodeniza 2:10

Deopa taide nauato taporrari: —Occa tonauatobaqquinarra uima bicanira inanemananitoui. Ouattiza madimanauissa tauitoui −nazapa Poua Bedi Zeso Cristo zosse inaronarrari, pouarrine inauatomanizati iquerrenaniuarrine.

Epesodeniza 2:13

Tiadenipe Deoza uarrirri tinaccade. Naraha rridapana Zeso Cristo pouarrine Deoza uarrirrira tinarraro. Poua zoqqueza emene toccarrarorrinea tirrariqquimanarraroparri.

Epesodeniza 2:6

Madirra ia bazima pina ecotarrarossa ineraha Deopa Zeso Cristo inauatoniza ia naqui poua tezerre ia tonauatonibaqquirrari. Nezape memeuarri Deo Pouarrine Cristo tezerre rrassi inarinitoui.

Epesodeniza 6:21

Tiquicopa imecote bicabote. Pouapa arri omadinicca, nomi onanicca, ozepe irriecca bazima tiadeniza uati tauitoui. Pouapa ia Zozossede Zeso Cristoza ibora taza poua tauimari maride damera tarrari.

Corosadeniza 1:2

Arrirraro uimape nani oza panani Corosauarri Deocca tiquerrenarrarodeniza dozo inarraro. Tiadenipe imecotedeni. Zeso Cristoza dameraqquiri tiquenarraro. Icca Abi Deo tiadeniza uima bicani inananiuarrine, inarraro. Deo pocca rronehe naqui tiadeniza inananiuarrine, inarraro.

Apocalipsis 17:14

Narraridenina poccadeni madirrama Eueue Bediza rrazire imeni inanemananitoui. Naraha Eueue Bedipa dacorehe deni torranicca carrirrarirrine inarricauitoui. Pouaza toquerrenarraridenipa Deo icatterriza-baqquirrari. Pouaza dameraqquiri narrari. Tamine uapi taraha Eueue Bedi Zesopa bazimacca tamine deni torrauicca orrarirrari. Madirra zozosse totonanadedeni naco uapi taraha pouapa bazima Zozossededeni deni torrarrari −narrari.

Apocalipsis 2:10

Niza otauimari acconi ocasserani temanezape ticappinemana terrerana. Tocorime-Taminerrine tiadeni mota sibera tinehe toponi cocoroza tiquerrenanitoui. Nama nauiuarrinepa tiadeni bazima tiadeni nattome tabaqquiuitoui. Uada 10 nehe pouarrine ocasserani temaneraha otauimaripe tinebomana terrerarri. Dameraqquiri tizanapomanarri. Otauimari tinebomana-rreraza tizoqquemanani bacco tiquenezape tiadeniza occa camittehe rriquerreranicca da onanitoui.

Apocalipsis 2:13

Arri ouape ticcadeni madie nemanehe nauato onani. Timadimananiuarripe Tocorime-Taminecca uima dacoreraha oua onipe tinebomana-rrerarraro. Ouaza rrehe nauissa tarrari oni Antipas tinorideniza inanazoqque-manaraha ouaza rrehe tiquenarrarope tinebomana-rrerani. Naui tiadeniuarripa Tocorime-Tamine zosse zosse naraha oua tinebomana-rrerani.