Ebreodenidsa 9:3 - Kulina New Testament Brazil

³ Nezape uauacossa ideniuarripe denima bica tarraro. Narraro oninipe: —Deo aniuiuarri denima bica tanicca −quequenanarrari.

Culina Mádija

³ Nadsapi huahuacossa idenihuajipi denima bica tajaro. Najaro oninipi: —Dio anihihuaji denima bica tanicca −quiquinanajari.

Ebreodenidsa 9:3 Iomraidhean Croise

Mateo 27:51

Nanerre Deoza dada toqquima bodiuarricca uauacossa etero sibabote naqui Deorrine sseo naronarraro. Carobe narraro. Nami naqui zaroro narraro. Siba imeni uiuitteri narizarraro naqui caroberizarraro.

Ebreodenidsa 6:19

Nazama Deocca uatinarraza: —Rrehe, parrissa iaza torranitoui −inarraro. Narraro rrehenirripe dacorarraro. Pina aua darroni ssossoque cazana dappo tozani dacorarrarossa narraro. Dappo zananissa teza darroni tocatabo-rrerarraro. Icca rrehenirri narrarossa nezape Deo madiuiuarri rrauirrezimarrarossa narraro. Pina Deoza dada toqquimade deni torrauicca uimassa narraro. Pouapa dada toqquima bodiuarri totoqquezima narrari, Deoza dade, Deoza uatide. Uauacossa etero sibabote ideniuarri, arra Deo aniuiuarri bica tanicca quequenanauiuarri Deoza totoqquezima narrari.

Ebreodenidsa 9:7

Naraha uauacossa ideniuarri Deo aniuiuarri denima bica taniccaza toqquezimadepa Deoza dada toqquimade deni torrauicca poua motta orrari naha totoqquezima narrari. Uada orrarieza toqquezima, uarrano ouahaza naco narraro uada bacco tapomazapa toqquezimapoma, uarrano ouahaza toqquezimapoma nanarra narrari. Nama nama zazanapo narrari. Nauiuarri toqquezimazapa bani bedi bicabote emene zorro zorro ihicazima narraro, Deo madirra bazimacca uimasiriza: —Peperri, ouati rrimani −nauiuarrine. Madirra bazimacca uimasiri manaconiuarrine zorro icazimazapa poua pocca uimasiri manaconiuarrine naqui zorro icazimarraro. Madirra ssamoqquiri naza uima inanemanarrarocca uimasiri manaconiuarrine naqui Deoza da da ihinanarraro.

Ebreodenidsa 9:8

Nezape Deo Corimerrine iaza uima auato tarraro: Narraroa arri Deo aniuiuarri bica taniccaza Deoza dada toqquimade zepedeni irrimanaccazapa arra Deo aniuiuarri denima bica taniccape madirra bazimaza uacossaccarraro. Deoza dada toqquimade deni torrauicca poua motta totoqquezima naccarrari. Nema nezape madirra bazima Deo aniuiuarri rraui torrezimauiuarrine touaba-rreraccani.