Ebreodenidsa 9:1 - Kulina New Testament Brazil

¹ Izarraeo potemauideni Deoza: —Rrehe, Tettiza iboraqquiri inanitoui −quenazapa narrarope Deocca rrehe canirenirri taidecca torrarraro. Nazapa Deo Pouaza uatizemanauiuarrine tocauatterauiuarrinepa marinarra uapi tehe pouadeniza da inarraro. Pina Pouaza uimarideni uati iqquime-mananiuarrinecca marinarra, pina madirracca danirri Pouaza da iqquime-mananiuarrinecca marinarra narraro. Narraro marinarra bazimape Deoza uatizemanauiuarrinecca. Deoza uauatizemana nauicca oza arrirraro namicca oninipe: —Deo tazari –quequenanarrari.

Culina Mádija

¹ Isaraeri potemahideni Diodsa: —Jehe, Tettidsa iboraqquiri inanitohui −quinadsapa najaropi Diocca jehe canireniji tahidecca tojajaro. Nadsapa Dio Pohuadsa huatidsemanahijine tocahatterahijinepa marinaja huapi tehe pohuadenidsa da inajaro. Pina Pohuadsa imarideni huati iqquima-mananijinecca marinaja, pina madijacca daniji Pohuadsa da iqquima-mananijinecca marinaja najaro. Najaro marinaja huapimapi Diodsa huatidsemanahijinecca. Diodsa huahuatidsemana nahicca odsa ajijaro namicca oninipi: —Dio tadsari −quiquinanajari.

Ebreodenidsa 9:1 Iomraidhean Croise

Roca 1:6

Zacaria pocca amonerre tazarranipa poccadeni uima Deoza bica tarraro. Ia Zozossede Deocca zossenirri naqui ecauemananissa tarraro.

Romanodenidsa 9:4

Occa madirra zodeodenipa idi Izarraeo potemaui. Narraridenina Deo pocca erredenissa inanabaqquirrari. Deo pocca dacorehe, poua zibehinema pouadeniza madirizarrari. Deo pouadeni tezerre rrehe canirerrari. Pocca zossenirriza madimanauiuarrine Moizeza uati tarrari. Deo Pouaza uatizemanauiuarrine naco mari icanabaqquirrari. Pouadeni tezerremacca uima bicani uapi tani uati taporrari.

Corosadeniza 2:8

Parri, madirra uima ponimacca uati toquenaui carri taui. Pouadenipa poccadeni uimaza rrehe tiquenaniuarrine titouideni quenaui. Neraha attideniza rrehe tiquenerrerarri, onarraro. Poccadeni uimape pina parrissassa naraha maizehe. Poccadeni uima bazimape pina Zeso Cristo tauimari icassiuaueraniuarrineccassa nerrerani. Poccadeni uimape pina ididenicca uima ponimacca uarirronarrarossa narraro. Pouadenipa arrirraro namicca dacorehe carrimanaza: —Arrima tinanemanezape uima bicani bacco tiquenanitoui −quequenanaraha maizemanarrari.

Ebreodenidsa 8:13

Nazama Deo pocca rrehe canirenirri zati tauimarini uati tazapa Pouarrine rrehe canirenirri taideccape rradani torrarraro. Nezape narraro rrehe canirenirri rradani torrezape ponima torrarraro. Amossi nabote nani.

Ebreodenidsa 8:2

Pouapa Deoza uauatizemana nauicca ozaza zepe irrirrari. Narrarope Deo tazari parrissehecca. Ia Zozossede Deo Pouana Poua tazari icanauatorraro. Madirrarrine rrerani.

Ebreodenidsa 8:7

Deopa pocca zossenirri taidecca Moizeza da inezape Izarraeo potemauideniza uati tarrari: —Ouattizara iboraqquiri tiquenarri −naza madirra attidenipa: —Rrehe, Tettiza iboraqquiri inanitoui −quenarrari. Deo tezerre rrehe canirerrari. Naraha narraro pocca rrehe canirenirri madirracca uimasiri inarricaniuarrine parrire-rrerani. Rridacca parrirenissa tezape Deo pocca rrehe canirenirri: -onihira torrana −narrarauitouiraha.

Ebreodenidsa 9:24

Zeso Cristopa arri namiuarricca —Deo aniuiuarri bica tanicca −quequenanarrariza toqquezima-rrararrari. Narrarope madirra icanauatomanarraro. Deo tazari parrissehecca corimanira. Pouapa memeuarri parrissa Deo madiuiuarrina toqquezimarrari, nauiza icca uima Imehiza uati tazapa Imehi: —Peperriua, ouati rrimani −nauiuarrine.