Ebreodenidsa 8:2 - Kulina New Testament Brazil

² Pouapa Deoza uauatizemana nauicca ozaza zepe irrirrari. Narrarope Deo tazari parrissehecca. Ia Zozossede Deo Pouana Poua tazari icanauatorraro. Madirrarrine rrerani.

Culina Mádija

² Pohuapa Diodsa huahuatidsemana nahicca odsadsa dsepe ijijari. Najaropi Dio tadsari pajissacca. Ia Medsede Dio Pohuana Pohua tadsari icanahatojaro. Madijajine jerani.

Ebreodenidsa 8:2 Iomraidhean Croise

Roca 24:44

Nazapa pouadeniza uati tarrari: —Arri uima ouaza torrarrarope pina tiadeniza occarizaponi uati onaporrarossa narraro torrarraro. Narrarope Deo Atti dozo naponiccassa narraro. Arri Moize otauimari dozo inaporrarope narrarossa narraro. Deo Atti cacomeraqquiri narrarideni naco otauimari dozo iquenaporraro. Arrie rrirriridedeni naco otauimari dozo iquenaporraro. Narraro bazimape maittaccazama dozo iquenerre narronaponi narraro. Narrarossa narraro Deorrine ouaza torrarraro −narrari Zeso.

Romanodenidsa 15:8

Tiadeniza uati onarraro. Cristo zodeodeni acco icanabaqquiuiuarrine ccarronarraripa Deo icca idideniza uati taporraricca uima inaparrirenissa taniuarrine ccarronarrari. Parrissehera uati uati narronarraria Cristorrine auato tarraroparri.

2 Corintodeniza 5:1

Arrirraro namiza imadizape essire rricaca taniccaza imadirraro. Pina arrirraro namicca oza icanauatorrarossa ineza imadirraro. Pina boboderrinecca oza rricaca taniccassa inarraro. Naraha nauatoqquiri inani: Icca oza namicca tocauaidirezape memeuarrina oza zati icarrinitoui. Narrarope madirrarrine canauatorrarossa nerrerani. (Narrarope essire zati rricaquera tanicca icarriniuarrine Deorrine iaza narroraporrarocca uima.)

Corosadeniza 2:11

Cristocca tiquerrenezape pouarrine ticcadeni uimasiri rricarraro. Narrarope pina zopori cotani eteroni uissinarracca uimassa narraro. Zodeodenipa Deocca madirra toquerrenauiuarrine narraro uissinarra cacarrimana narrari. Narrarope assiredenizara auato tarraro naraha tiadenipe tibodidenina Cristorrine touissorrarona parri.

Ebreodenidsa 10:11

Nazama Deoza dada toqquimadedenipa uada uarrirriraza zepedeni ihirrimana narrari. Uarrirriraza uimasiri manaconi bani bedi emene Deoza da da ihiqquimemana naraha narrarope uimasiri inarricaniuarrine parrire-rrerani.

Ebreodenidsa 10:21

Pouapa icca danirri Deoza dada toqquimade, icca uima uauati toqquimade deni torrauicca. Deocca ozacca madirra Cacauade torrarrari.

Ebreodenidsa 11:10

Abarahaopa oza nema naniccaza madirizaporraripa niza zotode memeuarricca oza panani bicani touaidirarera taniccaza madiuiuarrine touini bodi uato-zanaporrari. Narraro oza pananipe Deo nauato taza inauatorraro.

Ebreodenidsa 9:1

Izarraeo potemauideni Deoza: —Rrehe, Tettiza iboraqquiri inanitoui −quenazapa narrarope Deocca rrehe canirenirri taidecca torrarraro. Nazapa Deo Pouaza uatizemanauiuarrine tocauatterauiuarrinepa marinarra uapi tehe pouadeniza da inarraro. Pina Pouaza uimarideni uati iqquime-mananiuarrinecca marinarra, pina madirracca danirri Pouaza da iqquime-mananiuarrinecca marinarra narraro. Narraro marinarra bazimape Deoza uatizemanauiuarrinecca. Deoza uauatizemana nauicca oza arrirraro namicca oninipe: —Deo tazari –quequenanarrari.

Apocalipsis 21:3

Nezape memeuarri Deni torrauicca uiuittari bicabote cauittariniuarri touatti moui tehe omittarraro: —Rridapanapa Deo madirraza madiui. Pouadeniza madi-zanapouitoui. Madirra bazima Deocca cacaueheza toquerrenauitoui. Deopa pouadeni Cacauade torrazanapouitoui.