Ebreodenidsa 7:8 - Kulina New Testament Brazil

⁸ Rridapana Rebi potemaui Deoza dada toqquimadedenipa madirra carrimanarraricca mota ihinaqquemana narrari. Naraha narraridenipa madirra querrenarra narrari. Zoqquemana taui. Naraha madirra carrimanarraricca mota nanaccade orrariapa poua zoqqueuicca uimape ssamoqquiri inani. Narrari Meoquizedequipa madiccarrari, quequenanarrari.

Culina Mádija

⁸ Jidapana Rebi potemahi Diodsa dada toqquimadedenipa madija cajimanajaricca mota ihinaccamana najari. Naraha najaridenipa madija quejenaja najari. Dsoqquemana tahi. Naraha madija cajimanajaricca mota nanaccade ojariapa pohua dsoqquehicca imapi ssamoqquiri inani. Najari Merequisedecapa madiccajari, quiquinanajari.

Ebreodenidsa 7:8 Iomraidhean Croise

Huano 14:19

Naraha niza denimape arrirraro zamacca madirrapa oua qqui tomanimana-rrarauitoui. Naraha tiadenipe oua qqui timanimananitoui. Ozoqqueraha onauatonizape omadinitoui. Nema onezape tiadeni naqui tinauatonimaneza timadimanapomanitoui.

Huano 14:6

Naraha Zeso uati tade: —Ouape rraui orrani. Orrinena madirra Abiza bacco toquenauiuarrine. Ouape parrissehe rrinede orrani. Ouape camittehe rrinede orrani. Rridacca oua noue orrirezape madirrapa Abiza bacco toquena-rraranarra.

Ebreodenidsa 3:16

Nerrecorraridenia Deo Atti mittemanaraha Poua Attiza touibomanarraritta? Izarraeo potemaui zama Ezitouarri Moize iaqquenabaqquirraridenina parra.

Ebreodenidsa 5:6

Deo Atti dozo nanicca onihiza naqui uati tapomarrari: —Tiape madirracca danirri Ouaza dada toqquimade, uimarideni uauati toqquimade nema tizanaponitoui. Pina Ouaza dada toqquimade Meoquizedequissa tanitoui −naui nade Deo.

Ebreodenidsa 6:20

Narrarossa narraro Zesopa Imehi madiuiuarri toqquezimaporrari. Narrarope ia Deouarri bacco inaniuarrine irrauine inauabarraro. Nama nazapa pouana icca danirri Deoza dada toqquimade, icca uima uauati toqquimade deni torrauicca nama zanapouitoui. Pina Meoquizedequi Deoza dada toqquimade nama zanaporrarissa nauitoui.

Ebreodenidsa 7:23

Taidecca Deoza dada toqquimade toquerrenauipa uapi tarrari. Ouaha ouaha narronemanarrari. Zoqquezapa ouaha torra, zoqquezapa ouaha torra narronemanarrari. Zozoqquemaneri narronarrarirrine orraria madi-zanapoza zepe irrizanapouiuarrine ssamo tani.

Ebreodenidsa 7:7

Nama nazapa Meoquizedequi pouana Abarahaoza deni torraui auato tarrari. Narraro uimape ia bazima nauatoqquiri inani. Madirra poua tesseza Deocca biquehe torraniuarrine uati tarraripa deni torrarrari. Deocca biquehe pouaza torrarrarona arramani torrarrari.

Ebreodenidsa 7:9

Uima onihi naqui. Rebi potemaui madirra carrimanarraricca mota nanaccade toquerrenarrarideni tossonemana-rraraccaza Abarahaopa Meoquizedequiza poua carrirraricca mota da inaporrari. Nema nezape etti: Pouadeni naco Meoquizedequiza pouadeni carrimanarraricca mota da iquenarrari, inarraro.

Ebreodenidsa 9:27

Madirra ia naqui izoqquenitoui. Izoqqueraha izoqqueni orrarinitoui. Narraro nattinipe madirra bazimacca uima cattemade Deo baccouarri idomo ueza ia tocatterrizabaqquiuitoui. Pouaza toquerrenarrarideniza pocca biquehe da inanitoui, Pouaza toquerrena-rrararraridenizape pocca narrizoue inassonarinitoui.

Apocalipsis 1:18

—Ouape camitta onani. Ozoqqueporaha onauatonizape omadi-zanaponitoui. Ouape chave ocarrini. Narrarope zoqquehecca, bobottacca narraro −nade Zeso Cristo ouaza.