Ebreodenidsa 7:2 - Kulina New Testament Brazil

² Arra Abarahaodenipa rrazireza deni toquerrenaza pouadenirrine rricarrari zepedenitarri uapi tehe eccanimanarraro. Bani bedi, madirra poccadeni zozosse tarabaiauarrine naco eccanimanarrari. Nazapa Abarahao pouaza torrarrari mota Meoquizedequiza da inarrari. (Narraro cariua attizape: dizimo, quenarrari.) Nazama Meoquizedequi poua onicca uimape: Tamine uimari bicabote, quequenanarrari. Pocca oza panani onini Sareme naqui: Rronehe, quequenanarrari. Nazapa Saremecca tamine torrarrauiuarrine pouaza naco: Rronehecca tamine, quequenanarrari.

Culina Mádija

² Aja Abarahaodenipa jadsiredsa deni toquejenadsa pohuadenijine jicajari dsepedenitaji huapi tehe eccanimanajaro. Bani bedi, madija poccadeni medse tarabaidsajine naco eccanimanajari. Nadsapa Abarahao pohuadsa tojajari mota Merequisedecadsa da inajari. (Najaro caria attidsapi: décima, quinajari.) Nadsama Merequisedeca pohua onicca imapi: Tamine imari bicabote, quiquinanajari. Pocca odsa panani onini Sareme naqui: Jonehe, quiquinanajari. Nadsapa Saremecca tamine tojajarijine pohuadsa naco: Jonehecca tamine, quiquinanajari.

Ebreodenidsa 7:2 Iomraidhean Croise

Mateo 1:23

Poua attipa: —Ticattomama canarri. Zouato maqquiderre ssamo teraha rriuezape erredeni carrinitoui. Poni bedizapa: Emanoueo, quequenanauitoui –napoui nade Izaia. (Emanoueo ettizape: Deo iaza madiui, inarraro.)

Roca 2:14

—Deo memeuarri madirraripa bica taui, deni torraui! Namiuarri Pouarrine uatizehe carririzani. Deo pocca cacatize tabaqquiza pocca rronehe torrarizani −quenarrari.

Romanodenidsa 3:26

Pouapa nama narraria —Amazati onarrizobaqquina −narrararrari. Mouaraza poccadeni uimasiri inauanarronarraro. Rridapanape uima pamehe Deo Pouarrine iaza auato tarraro: Rridapanape Deo Pouarrine parrirenissa tarraro. Zeso Cristoza parrissa quenarrarideniza: —Tiadenizape uima nouerani −naza naco Pouarrine parrirenissa tarraro.

Ebreodenidsa 7:1

Meoquizedequi maittaccazama madirrari. Oza panani onini Saremecca tamine. Pouapa Deo deni torrarrariza zepe irrirrari. Pocca madirracca danirri Deoza dada toqquimade torrarrari. Abarahao naco nauiuarri madirizaza zama onihicca zama onihicca taminedenicca madirraza rrazire inanarraro. Cauadiremanaza taminedeni inarricarizazapa Abarahaodenina deni toquerrenarrari. Rrazire rricaza Abarahaodeni rrauinizapa tamine Meoquizedequi toccarrari, Abarahao bacco irrizauiuarrine. Bacco irrizazapa poua tezerre Deoza uatizemanarrari. Abarahaoza uima bicani torraniuarrine Meoquizedequipa Deoza uati tarrari.

Ebreodenidsa 7:3

Poua tauimari mota nauato ineraha motape ssamoqquiri inani. Poua imehi oni, imeni onini, biridideni oni, midinideni onini naqui ssamoqquiri inani. Poua tossonauicca uada, zoqqueuicca uada naqui ssamoqquiri inani. Nama nazapa poua tauimaripe pina Deo Bedi tauimarissa narraro. Deoza dada toqquimade nama zanapouitoui.