Deopa pocca zossenirri Izarraeo potemauideniza da inezape Rebi potemaui Arao, poua potemauidenina narraro zossenirri ecauemanarraro. Nazapa poccadeni madirra Deocca zossenirriza iboraqquiri nauiuarrine maride toquerrenarrari. Poccadeni madirra uimasiri inanemanezape poccadeni uimasiri manaconi Deoza da da ihiqquimemana narraro. Uimarideni naqui Deoza uati uati ihiqquimemana narraro. Nama nama quequenanaraha poccadeni cacaueherrine madirradenicca uima Deoza parrirenissa taniuarrine parrire-rrerani. Nazapa Deo Attia: —Ouaza dada toqquimade ouahara torrana. Pina Meoquizedequissa nana −narrari. Nezape Pouarrine narraro cacauehepe cacarriqquimerarraro. Pouaza dada toqquimade ouahapa Arao potemauideni rraraui.
Ebreodenidsa 7:12 - Kulina New Testament Brazil12 Nezape Rebi potemaui, Arao potemauidenicca cacauehe cacarriqquimerezape Deocca zossenirri naqui cacarriqquimerarraro. Nazapa Arao potemauideni Deoza zepedeni irrie neborraro. Faic an caibideilCulina Mádija12 Nadsapi Rebi potemahi, Arao potemahidenicca cacahuehe cacajiqquimeradsapi Diocca dosseniji naqui cacajiqquimerajaro. Nadsapa Arao potemahideni Diodsa dsepedeni ijie nebojaro. Faic an caibideil |
Ebreodenidsa 7:12
7 Iomraidhean Croise
Nazapa madirra ouahana Deoza dada toqquimade torrauiuarrine toqquezimarrari. Narraripa ia Zozossede Zeso poua tauimari uati uati onarraro. Pouapa Rebi potemauideni rraraui. Narraripa Izarraeo bedi Zoda potemaui. Taidepa Zoda potemauideni Deoza dada toqquimade toquerrenauiuarrine Moize uati tarrararrari. Nazapa narraridenipa Deoza dade zepedeni irrimana-rrararrari. Nouerarrari.
Deocca zossenirri taideccassa inanemanezape poccadeni danirri pina rrirripa, zeze, oqui, bani narrari da da ihiquenanarrari. Uima oppina tanicca carrimanaza naco poccadeni uima toppineraniuarrine Deocca zossenirrissa ihinanemana narraro. Deo pocca zossenirri cacarriqquimera-rreraccaza nama nama nanarronemana narrari. Narraro zossenirripe amossiniccara, uapideniccara, assiredeniccara inanabicabaqquirrari. Naraha bodideni tobicauiuarrine rrerani.
Sanasan