Ebreodenidsa 7:10 - Kulina New Testament Brazil

¹⁰ Etti nema inarrarope pouadenipa tossonemana-rraraccaraha pouadeni potaporrari Abarahaozama Meoquizedequiza da iquenarrari, inarraro.

Culina Mádija

¹⁰ Etti nema inajaropi pohuadenipa tossonamana-jaraccaraha pohuadeni potapojari Abarahaodsama Merequisedecadsa da quinajari, inajaro.

Ebreodenidsa 7:10 Iomraidhean Croise

Ebreodenidsa 5:6

Deo Atti dozo nanicca onihiza naqui uati tapomarrari: —Tiape madirracca danirri Ouaza dada toqquimade, uimarideni uauati toqquimade nema tizanaponitoui. Pina Ouaza dada toqquimade Meoquizedequissa tanitoui −naui nade Deo.

Ebreodenidsa 7:11

Deopa pocca zossenirri Izarraeo potemauideniza da inezape Rebi potemaui Arao, poua potemauidenina narraro zossenirri ecauemanarraro. Nazapa poccadeni madirra Deocca zossenirriza iboraqquiri nauiuarrine maride toquerrenarrari. Poccadeni madirra uimasiri inanemanezape poccadeni uimasiri manaconi Deoza da da ihiqquimemana narraro. Uimarideni naqui Deoza uati uati ihiqquimemana narraro. Nama nama quequenanaraha poccadeni cacaueherrine madirradenicca uima Deoza parrirenissa taniuarrine parrire-rrerani. Nazapa Deo Attia: —Ouaza dada toqquimade ouahara torrana. Pina Meoquizedequissa nana −narrari. Nezape Pouarrine narraro cacauehepe cacarriqquimerarraro. Pouaza dada toqquimade ouahapa Arao potemauideni rraraui.

Ebreodenidsa 7:5

Meoquizedequipa Moize tossona-rraraccazama taide madiporrari. Abarahao rrinodi Rebi tossona-rraraccaza naco Meoquizedequipa madiporrari. Zotode nizaranibotena Moizeza Deo pocca zossenirri da inarraro. Narraro Deocca zossenirriza Rebi potemauidenipa Deoza dada toqquimade toquerrenarrari. Pouadenipa Abarahao potemaui, pouadeni imecotedeni bazima naco Abarahao potemaui. Naraha Rebi potemauidenina pouadeni imecotedeni carrimanarraricca mota nanaccade toquerrenarrari.

Ebreodenidsa 7:9

Uima onihi naqui. Rebi potemaui madirra carrimanarraricca mota nanaccade toquerrenarrarideni tossonemana-rraraccaza Abarahaopa Meoquizedequiza poua carrirraricca mota da inaporrari. Nema nezape etti: Pouadeni naco Meoquizedequiza pouadeni carrimanarraricca mota da iquenarrari, inarraro.