Biblia Todo Logo
Bìoball air-loidhne

- Sanasan -




Ebreodenidsa 5:9 - Kulina New Testament Brazil

9 Pocca iborehe Deoza parrirenissa taza Deorrine madirra Tonassiuauade torrauiuarrine inaparrireuissa tarrari. Bazima pouaza iboraqquiri narrarideniza tossiuauehe rriquerreranicca inanarizarraro.

Faic an caibideil Dèan lethbhreac

Culina Mádija

9 Pocca iborehe Diodsa pajiranissa tadsa Diojine madija Tonassiajade tojahijine inapajirahissa tajari. Huapima pohuadsa iboraqquiri najaridenidsa tossiejehe jiquejeranicca inanaridsajaro.

Faic an caibideil Dèan lethbhreac




Ebreodenidsa 5:9
39 Iomraidhean Croise  

Pedoro uati uati nanarra pouadeni tetepiuarri esseni zibehi tarraro ccaronarraro. Ccaronezape pouadeniza irriuarranirraro. Nazapa naui esseni bodiza atti qquenarraro: —Arrarraripa occa erredeni. Pouaza ouati uana tarraro. Pocca uima bica tarrarorrine ouatizerraro. Poua atti timittemananissa tarri −naui nade Deo.


Naraha manaco Zeso pouadeniza poua cacomerarrari: —Narrari zomarri boqueboteza uati tiquenarri: “Zeso attipa arrama naui” tiquenana. “Tibodi uatorri. Rridapana, izamassa naqui, madirra bodidenicca tocorime siri zosse onineriza-baqquiuitoui, madirra tocanomireuiuarrine. Comaqquiri narrarideni naco onanomibaqquiuiuarrine. Uada onihizana ozepe rricanitoui. Narrarotoui occaronarrarode naderra” tiquenana Erodiza −narrari Zeso.


Zesopa uva pperrene ssicataui rroso inaha rricazapa uati tade: —Bazima rricanissa tani −nade. Nazapa tocatteza naza uatiade.


Tiadeni camittehe rrinede tinanazoqquemanaraha Deorrine nauatoniza Deo Pouauarri toccamacossanirraride. Iape parrissa qqui inarraroa arri nauatoqquiri inarraroparri.


Madirra ouahapa icca uimasiri inatappaniuarrine noueraui. Deocca danirri Zesona ia Idinide orrarirrari. Zama bazimaza madirra ouaha ia tonassiuauabaqquiuiuarrine noueraui. Nizaranibote Deocca uadie torrezape Zeso pouana ia zori tonanabaqquiuiuarrine orrarirrari −narrari Pedoro.


Iape Zeso tauimari nauato inezape parrissehera uati inarraro. Arri inoccoza qqui inarraro, eriboza imittarrarora tiadeniza ecomerarizarraro. Deo Corime naco nauato tarrari parrissehera mari icanabaqquirrari. Narraria arra Deo Poua Attiza iboraqquiri narrarideniza Poua Corime da inarizarrari −narrari Pedoro, Zesocca zozosse tabaqqui tezerre.


Narrarina ouaza uati uana taza oua cazosserrari, zama bazimacca madirra poua oni mittarizemanauiuarrine. Ouattipe: —Zeso Cristoza parrissa tiquenanissa tarri. Pocca marinarraza iboraqquiri tiquenarri −ohonariza naniuarrine oua cazosserraride.


Naraha madirra bazimapa icassiuaueraniuarrinecca uima bicaniza parrissa quena-rraraui. Pina Deo Atti cacomerabote Izaia uati tarrarissa narraro: —Oua Zozossede nerrecorrarina icca uimaza parrissa narrari? −napoui nade.


Ouatizezape arrirraro uimara uati uati onarizanitoui: Cristo oua tonadacorazapa zodeo querrena-rrararrarideni Deoza iboraqquiri onanabaqquirrari. Ouatti mittemanaza, occa madie naqui qqui toquenarrarirrine Zeso Cristoza parrissa quenarrari.


Naraha madirrapa poccadeni uima touinira dameraqquiri narraridenizana Deocca uadie ssonarinitoui. Narraridenipa Deocca uima parrisseheccaza iboqquiri narrari. Uaidirehena pouadeniza bica tarraro.


Uima bicani ticatterrizemanezape Deoza ouatizeza: —Rrehe Abi Deo, tirrine bica tani −onarraro. Taidepe pina uimasiricca zozosse tabaqquissa tiquenaporaha rridapanape Zeso Cristo tauimari tiadeni mari tocanabaqqui-manazana ticcadeni uatizehema iboraqquiri tiquenarraro.


Madirradenicca deni torrehe naqui inarricanitoui. Madirrapa Deocca parrissehe tocauatterauiuarrineraha pouadeni deni totonanadedeni ecossemanarraro. Poccadeni deni torrehe inarriquezape pouadeni bodicca uatoue Cristocca parrisseheza nattome inauitoui. Nezape pouadeni bodicca uatoue maizehe torrani auato tanitoui. Bodideni cacarriqquimeraza Cristozana touiboremanauiuarrine, onarraro.


Ouimecotedeni, tiadeniza ouati uana tani. Zeso Cristo tauimari uarrirriraza tiadeni mari mari ohocanabaqqui naza iboraqquiri tiquenade. Naraha rridapanape tiadeniuarri omadi-rrereza naqui denima Zeso Cristocca marinarrazara iboraqquiri tiquenana. Pouarrine ticassiuaueranirrinepe madie zati ticarrimanani. Deo Corimepa tibodideniza madirizaui. Deocca erredeni tiquerrenani. Narraro uima tossamo-rreraniuarrine Deo noppine ticappinemaneza mouaraza timadimananissa tarri.


Nazapa madirra inarrizobaqquiuitoui. Arra madirra Deoza noccodeni rrizaqquiri narrarideni, arra ia Zozossede Zeso Cristo tauimari icassiuaueraniuarrineccaza iboqquiri narrarideni naco inarrizobaqquiuitoui.


Nazama arra ia Zozossede Zeso Cristo, Abi Deo tezerre iaza uatideni uanana tarrari. Pouadeni pamaha bicaqquiri naza ibodi acco acco totocanabaqquimana zanaporrariparra. Pouadenirrine itezerremacca uima bicani iaza torraniuarrine nauatoqquiri inehe imadirraroparri.


Nezape orri onerrereza ocasserehe uapima onauanarraroparri. Nema onarrarope Deo icatterriza-baqquiporrarideni Zeso Cristo tauimari icassiuaueraniuarrinecca mittemanaza parrissa quenazapa Deo inassiuauabaqquiuitoui, Deo Poua ssiuerrenema Pouaza madimana-zanapouiuarrine.


Arra, pocca zozosse tabaqquipa assiredeni qqui inabaqqui-rraraui. Pina madirra iassa quena-rraraui. Deo pocca madirra tocassiuauerarrarideni acco canadedeni arrauarri zosse, arrauarri zosse ihinarizabaqqui narrari. Narraridenipa bicaqquiri naraha arramani toquerrenarrari. Deo Poua Bedina deni torrarrari, onarraro. Peperri.


Poua uati taporraricca uima pouadeniza da inerrerarrarope itoui bodi uatorrari. Iaza naqui Poua uati taporraricca inananitoui. Arra Deoza rrehe quenaporraridenipa rricaporaha iazama Deo uati taporraricca carrimanauitoui. Nazana pouadeni, ia bazima itassaqquiza Poua uati taporrari bicabote iaza torrarizanissa tanitoui.


Maittaccazama Abarahao naco Deoza rrehe nauissa tarrari. Pouaza Deo uaua nazapa Poua Attiza ibora tarrari. Pouaza Deo Attipa: —Arrirraro zama tineboza ticcarri. Zama onihi tiaza noue onanitoui. Narraro zama tiaza, tipotemanideniza da onanitoui −narrari. Nazapa poua toccauiuarri ssamo taraha pocca zama ineboza toccarrari.


Poua tezerremara tocattaza parra rroppa tariui nazapa rricaqquiniuarri bacco tarrari. Ia naqui Zeso touira icattomama canana. Pouapa icca rrehenirri rrinede. Pouapa taide Deoza: —Rrehe Abi, Tettissa tinananiuarrine tiparrireni −naporrari. Pouarrine icca rrehenirri parrirenissa tarraro. Zesopa Imehiuarri toccamacossanizapa uatizehe imeni carriuitoui nauato taporrari. Narrarorrine aua porimacossaniza zoqquehe inauanarraro. Arri aua porimacossaniza izoqqueniuarrinepe oppina taraha pouapa cappina-rraraza poua ccaccorarraride. Nazapa parrissa nauatoniza Imehiuarri toccamacossanizapa madirra cacauade torrauiuarrine Deo Poua uinoriuarri uittarirrari.


Memecca namicca bazimapa Deo pocca. Pouarrine nauatorizaporrari, Pouarrine anizanaporrari. Poua Bediza rrehe quenarrarideni pocca deni torreheza toquerrenauiuarrine touini narrari. Narrarorrine Zeso ocasserani inauaneza zoqqueuiuarrine Imehi Deo ecossa-rrerarraro. Nama nazapa Deo Poua Bedi Zeso Cristo madirra Tonassiuauade torrauiuarrine inaparrireuissa tarrari.


Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.


Zeso Cristo nauiuarri toqquezimazapa eueue rrizaza bode emene zorro icazima-rrararrari. Boui bedi bicabote emene naco zorro icazima-rrararrari. Poua poua emenena da inaniuarrine toqquezimarrari. Toqquezimaui orrariui. Niza zotode poua emene dade toqquezimapoma-rrarauitoui. Poua emene da inarrarope parrirenissa zanaponitoui. Nama nazapa uimasiri manaconi narrizoue iaza ssonari-rreraniuarrine ia todinibaqquizapa tossiuauehe rriquerreranicca iaza inanarraro.


Rrehe, Zeso Cristo poua ccaccoraza poua emene toccarrarorrine pouana Deocca rrehe canirenirri zati iaza inanarraro. Arri Deocca rrehe canirenirri taideccaza madirra iboqquiri nazapa uimasiri ihinanemana narraro. Narraro uimasiri manaconi Zeso zoqquerrariparra. Nama nazapa Deo pocca madirra toquerrenauiuarrine icatterriza-baqquirrarideni pocca biquehe rriquerreranicca carrimana-zanapouitoui. Pina Deo Poua uati taporrarissa inananitoui.


Zeso Cristo naco zoqqueui orrarirrari. Uimasiri manaconi poua ccaccorarrari. Pouarrine icca uimasiri rricarizarrarodenipe uapi inani. Niza ccanipomazapa icca uimasiri manaconi zoqquepoma-rrarauitoui. Pouatoui imadirraro ia tonassiuauabaqquiuiuarrinena ccanipomauitoui.


Rridapana tiadenipe Deocca uima parrisseheccaza iboraqquiri tiquenarrarorrine tibodideni touissorizarraro. Nema nezape Zesoza rrehe quenarrari timecotedeni toquerrenarrarideniza parrissehera touati uaneheza tetideni uanaqquiri narri. Naraha tettidenizara tetideni uanaqquiri nani orrari-rrerarri. Tetideni cauanari canaza timecotedeni tezerre acco acco titicanarizera narri, onarraro.


Uima onihi naqui nauatoqquiri inarraro: Deo Bedi iaza ccaronarraripa ibodiza touattehe da inarrarorrinea Deopa iaza rrizera tarrariparra. Deopa parrissa orrari narrari. Pouana Deo. Iape narrariza imadi-zanaporraro. Iape pocca Erredeni Zeso Cristoza imadirraro. Narrarina parrissa Deo Poua ia Cacauade. Narraripa camittehe rriquerreranicca rrinede.


Deocca touati uanehema tiadeni tecauemananissa tana. Ia Zozossede Zeso Cristopa itoui uati cauanari canaza iaza camittehe rriquerreranicca da inanitoui. Narraro uima touira timadimana-zanaporri, onarraro.


Lean sinn:

Sanasan


Sanasan