Ebreodenidsa 4:9 - Kulina New Testament Brazil

⁹ Narraro uimape ia Deo pocca madirra iquerrenarraroza pocca rrassinarra aniniparri naccarraro.

Culina Mádija

⁹ Najaro imapi ia Dio pocca madija iquejenajarodsa pocca jassinaja aninipaji naccajaro.

Ebreodenidsa 4:9 Iomraidhean Croise

Mateo 1:21

—Niza poni bedi tossonazapa onipa “Zeso” tana. (Ettizape: Ia Zozossede madirra Tonassiuauade, inarraro.) Narraripa pocca madirra inassiuauabaqquiuitoui, poccadeni uimasiri manaconi narrizoue pouadeniza inassonari-rreranitoui −narrari Deo Atti ccaccaronade atti.

Titodsa 2:14

Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Ebreodenidsa 11:25

Pouaza arrirraro namicca uimape uimasiri. Narraroza uatizeuiuarrine nacassera tarrari. Narrarope rricaca tani nauato tarrari. Pouapa Deocca madirradenizama narrizoue tonauanauiuarrinena pouaza bica tarraro.

Ebreodenidsa 3:11

Nezape occa uadiema Ouattipe: Narraridenipa occa zama bicaniuarri onamadibaqquiza rrassi quenauiuarrineraha nauiuarri rraui torrezima-rrarana, onarraro” naui nade Deo −nani nade Deo Atti dozo naniza.

Ebreodenidsa 4:1

Deocca rrassinarra aniniuarri rrassi inaniuarrine iaza touabaccani. Naniuarri rrauirrezimaniuarrinepe mouaraza imadina, onarraro. Mouaraza imadi-rrerezape orraria zori tarra canarana.

Ebreodenidsa 4:10

Ia bazima Deocca rrassinarraza iquerrenezape rrassi inanissa tanitoui. Nanizape izepe irripoma-rreranitoui. Pina taide zama nauatoponi Deo Poua zepe rricaza rrassi narrarissa inanitoui.

Ebreodenidsa 4:3

Iana parrissa inezape Deocca rrassinarra aniniuarri bacco inarraro. Naraha Pouaza parrissa quena-rrararraridenizapa Deo Attia: —Nezape occa uadiema Ouattipe: Narraridenipa occa zama bicaniuarri onamadibaqquiza rrassi quenauiuarrineraha nauiuarri rraui torrezima-rrarana, onarraro −naui nade Deo. Narraro rrassinarracca uimape Deo Poua meme, nami bazima nauatode torrazapa uada 6 nehe zepe irrirrari. Inauatorizehe rricanissa taza rrassi narrari.

Ebreodenidsa 4:8

Nazama arra Moize birri accode Zosouena Izarraeo potemauideni zama Canahauarri iaqquezimabaqquirrari. Narraro zama bicaniza bacco tozimemanaraha rrassi quenauissa tarraraui. Deocca rrassinarra parrisseheccaza toquerrena-rrararrari. Nazapa zotodedeniccana rraui torrezimauiuarrine uada onihi narrorapomarraro.

1 Pedoro 2:10

Taidepe ponima timadirize-manaporaha rridapanana Deocca madirra tiquerrenarraro. Taidepa Deo tiadeniza uati touana-rrararaha rridapanapa tiadeniza uati cauanari canaui.

Apocalipsis 14:13

Nazapa memeuarri atti omittarraro. Ouaza arrama narrari: —Arrirraro uima bicani dozo tarri −narrari. —Arri rridapanaccazama ia Zozossede Zeso Cristoza toquerrenarrarideni rriquemanapozapa pouadeniza uima bicani torranitoui −narrari. Nazapa Deo Corime attipa: —Rrehe, narrarideni torricazapa rrassi quenauitoui. Narro tanicca zepedeni ihirrimana narraro rricani. Arra Deoza zepedeni irrimanaza pouadenirrine uima bicani torrarraroma memeuarri rraui torramacossauitoui −narrari.

Apocalipsis 21:4

Pouapa inocco pparrani sse inanitoui, denima orri inerreraniuarrine. Iaza Deo madizapa zoqquehe noue, orrie noue, ettima orri orri inarraro noue, coma inarraro naqui noueranitoui. Arri uima uapima namiza carri taporrarope rricanitoui −nade.