Ebreodenidsa 4:6 - Kulina New Testament Brazil

⁶ Deocca uima bicani arri zama bicaniuarri rrassi quenauiuarrinecca uima mittemanaporraridenipa Deo Poua Attiza iboqquiri naza nauiuarri rraui torrezima-rrararrari. Naraha zotodedeniccana Deocca rrassinarra aniniuarri rrassi quenauiuarrine pouadeniza touaba-zanapoccani.

Culina Mádija

⁶ Diocca ima bicani aji dsama bicanihuaji jassi quinahijinecca ima mittamanapojaridenipa Dio Pohua Attidsa iboqquiri nadsa nahihuaji jai tojedsima-jarajari. Naraha dsotodedeniccana Diocca jassinaja aninihuaji jassi quinahijine pohuadenidsa tohuaba-dsanapoccani.

Ebreodenidsa 4:6 Iomraidhean Croise

Mateo 21:43

—Nezape tiadeniza arrima onarraro: Deopa pocca cacauehe tiadeniza torraniuarrine narroraporaha Poua Bedi tettarromanazapa pocca cacauehepe idininitoui, madirra ouahadenizana da inaniuarrine. Narraridenina Deoza iboraqquiri naza poccadeni madieza uima bicani auato tanitoui.

Tahimarideni 28:28

—Rrehe occa madirradeni, nauatoqquiri tiquenaniuarrine tiadeniza uati onarraro. Rridapanapa zodeo querrena-rrararraridenizana Deo ia tonassiuauabaqquiuiuarrinecca uima torrarizanitoui. Narraridenina mittemanauissa tauitoui −nade.

1 Corintodeniza 7:29

Ouimecotedeni, arri uati uati onarrarocca uimape arrima narraro: Iape uarrano uapi taha imadi-rrerani. Nazapa maqquiderre amonerre carrimanarraridenipa pina arra amonerre cappiremanarraridenissa quenana.

Carasiadeniza 3:8

Maittaccazama Deo Atti dozo naporraroza arrirraro uima auato inanaporraro: Zodeo querrena-rrararrarideni Deoza parrissa quenazapa poccadeni uima Deoza tobicanitoui. Deopa pouadeniza: —Tiadeniza uima nouerani. Bicaqquiri tiquenani −nauitoui. Narraro uima bicani madirra tocassiuauerauiuarrinecca Deo Abarahaoza uati taporrari: —Deorrine tipotemani zotodeccazana arrirraro zamacca madirra bazimaza uatizeheri torrarizanitoui −naporrari.

Ebreodenidsa 4:11

Nezape narraro Deocca rrassinarraza iquerrenaniuarrine dameraqquiri izanapona. Icca madirra zori tarra canima-rrarauiuarrine. Pina taidedenicca Deoza iboqquiri naza zori tocanirerrarissa quena-rrarauiuarrine, onarraro.

Ebreodenidsa 4:2

Parrissa iaza Deocca uima bicani anirrarope ia mari tocanabaqqui-manaza imittarrarode, pina Izarraeo potemauideni mittemanaporrarissa narraro. Pouadenipa narraro uima bicani mittemanaporaha ponima inanemanarraro. Pamahapa parrissa quenaraha motapa parrissa quena-rrararrari.

Ebreodenidsa 4:9

Narraro uimape ia Deo pocca madirra iquerrenarraroza pocca rrassinarra aniniparri naccarraro.