Ebreodenidsa 4:3 - Kulina New Testament Brazil

³ Iana parrissa inezape Deocca rrassinarra aniniuarri bacco inarraro. Naraha Pouaza parrissa quena-rrararraridenizapa Deo Attia: —Nezape occa uadiema Ouattipe: Narraridenipa occa zama bicaniuarri onamadibaqquiza rrassi quenauiuarrineraha nauiuarri rraui torrezima-rrarana, onarraro −naui nade Deo. Narraro rrassinarracca uimape Deo Poua meme, nami bazima nauatode torrazapa uada 6 nehe zepe irrirrari. Inauatorizehe rricanissa taza rrassi narrari.

Culina Mádija

³ Iana pajissa inadsapi Diocca jassinaja aninihuaji bacco inajaro. Naraha Pohuadsa pajissa quina-jarajaridenidsapa Dio Attia: —Nadsapi occa huadiema Ohuattipi: Najaridenipa occa dsama bicanihuaji onamadibaqquidsa jassi quinahijineraha nahihuaji jai tojedsima-jarana, onajaro −nahi nade Dio. Najaro jassinajacca imapi Dio Pohua meme, nami huapima nahatode tojadsapa huada 6 nehe dsepe ijijari. Inahatoridsehe jicanissa tadsa jassi najari.

Ebreodenidsa 4:3 Iomraidhean Croise

Mateo 13:35

Zeso nama narraripa arra maittaccazamacca Deo Atti cacomerabote Zeso tezerremacca uima dozo inaponicca narrarossa inanarraro. Narraro uima Deo Atti dozo naniza arrima narraro: —Otauimari arrirraro namiza imadinicca uima tazarrani mari mari ohocanabaqqui nauitoui. Zama onauato-rreraqquezama naqui otauimari auatora tarroneraha. Niza orrine narraro uima auatorizezape madirra bazima mari ocanabaqquirizauitoui −napoui nade Deo Atti cacomerabote.

Mateo 25:34

—Nezape oua tamine orreza arra madirra obirri nauatoniuarri domo uarrarideniza uati onanitoui: “Nirra, occa Abi tiadeniza uima bicani inanarizarraro. Pocca cacauehe tiadeniza torrani. Narrarope zama nauato-rreraqquezama tiadeniza narroraporraro.

Epesodeniza 1:4

Deopa zama inauatopo-rrerazama itoui naporrari. Pocca madirra iquerrenaniuarrine ia tocatterrizabaqquirrari. Nama narraria Poua Bedi Zeso Cristoza parrissa inarrarodeni ibodi ssiuarraqquiri naza Deo Pouatouira imadinissa zanaponiuarrine. Ia qqui tabaqquizapa uimasiri icappirani ia qqui tabaqquiuitoui. Deopa iaza uati uana tarrari.

Ebreodenidsa 3:11

Nezape occa uadiema Ouattipe: Narraridenipa occa zama bicaniuarri onamadibaqquiza rrassi quenauiuarrineraha nauiuarri rraui torrezima-rrarana, onarraro” naui nade Deo −nani nade Deo Atti dozo naniza.

Ebreodenidsa 3:14

Zeso Cristoza iquerrenaniuarrinepe pouaza rrehe izanaponiuarrine. Pina taide pouaza rrehe inazama narrarossa inarronehe damera izanapoza poua ccaniuicca uada bacco inezape pouaza iquerrena-zanaponitoui.

Ebreodenidsa 9:26

Rridacca uarrano uarrirriraza poua emene toccaniuarrine poua ccaccaccora narronazapa zama nauatoponizama zoqquehe tonauanarronanarra. Naraha rridapana zama rricanicca uada touarrireza iaza ccaronarrari. Zoqqueheuarrine poua ccaccoraui orrariui, icca uimasiricca dacorehe inarricaniuarrine. Nama naui orrari nazapa paparra. Nama napoma-rrarauitoui.

1 Pedoro 1:20

Zeso Cristopa zama nauato-rreraccazama madirra Idinide torrauiuarrine Deo inanarroraporrari. Rridapanana zama rricaniuarrine touarrirarroneza tiadeni todinibaqquiuiuarrine arrirraro namiza ccaronarrari.