Ebreodenidsa 4:2 - Kulina New Testament Brazil

² Parrissa iaza Deocca uima bicani anirrarope ia mari tocanabaqqui-manaza imittarrarode, pina Izarraeo potemauideni mittemanaporrarissa narraro. Pouadenipa narraro uima bicani mittemanaporaha ponima inanemanarraro. Pamahapa parrissa quenaraha motapa parrissa quena-rrararrari.

Culina Mádija

² Pajissa iadsa Diocca ima bicani anijaropi ia mari tocanabaqqui-manadsa imittajarode, pina Isaraeri potemahideni mittamanapojarissa najaro. Pohuadenipa najaro ima bicani mittamanaporaha ponima inanamanajaro. Pamahapa pajissa quinaraha motapa pajissa quina-jarajari.

Ebreodenidsa 4:2 Iomraidhean Croise

Tahimarideni 13:46

Naraha Paoro Banabe tezerrepa cappinenera taza pouadeniza uati toquenarrari: —Taidepe arri icca madirra zodeodeni tiadenizana Deo Atti icassiuaueraniuarrinecca uima eccoraponiuarrine Deo ia tocazossebaqquizapa nema inanarraro. Naraha tiadenipe timittemananiuarrine nacasseraqquiri tiquenezape parrissa tiquenerrerarraro. Nema tiquenerrerezape tettideni pina: “Iape Deocca camittehe rriquerreraniccaza imadi-zanaponiuarrine iparrire-rrerani” tiquenarrarossa narraro. Rridapanapa arra zodeo querrena-rrararraridenira mari icanabaqquina, inarraro.

Tahimarideni 3:26

Narraria Deo Poua Bedi taide tiadeniza zosse inaronapoza pina madirrassa naha tossonarrariparrade. Nerrecotoui Poua Bedi arra namiuarri zosse inaronarrari? Poua Bedirrine tibodideni bazimaza uatizeheri inananiuarrine, arra pouapa tiadeni tonauarriui narrari ticcadeni uimasiri tinebomananiuarrine −narrari Pedoro poua imecote Izarraeo potemauideniza.

Romanodenidsa 2:25

Zodeo tiquerrenezape zopori cotani eteroni uissinarra ticarrimanarraro. Moizecca marinarra tecauemananissa tezape Deopa tiadeniza uima bicani inananitoui. Naraha Moizecca marinarra tecauemananissa terrerezape ponima zopori cotani eteroni uissinarra ticarrimanarraro. Deopa tiadeniza uatize-rrarauitoui.

Romanodenidsa 3:3

Naraha icca madirra motana Deo Atti ecauemana-rrerarraro. Nama quenaraha Deopa ia zodeodeniza Poua Attissa inana-rrerapazerre?

1 Corintodeniza 13:3

Arri ozepetarri bazima ocarrirrarocca naqui touati nauanaqquiri narrarideniza da onehe rriquezape occa uima Deoza bica taniuarrineraha madirraza ouati uanera tezape occa uima Deoza bica terrerani. Zeso Cristo tauimariza damera onarrarorrine madirra oua inanazoqque-mananiuarrine ouassire ouaccoreza naqui occa uima Deoza bica taniuarrineraha madirraza ouati uanera tezape occa uima Deoza bica terrerani.

Carasiadeniza 3:2

Rrari, arrirraro ouatti orrarie tecomeremananiuarrine touini onarraro. Arra Deo Poua Corime tiadeniza inanarizarraripa Moizecca marinarraza iboraqquiri tiquenarrarorrinequi? Nouerani! Zeso Cristo tauimari timittemaneza parrissa tiquenezana Deo Poua Corime tiadeniza inanarizarraride.

Carasiadeniza 3:8

Maittaccazama Deo Atti dozo naporraroza arrirraro uima auato inanaporraro: Zodeo querrena-rrararrarideni Deoza parrissa quenazapa poccadeni uima Deoza tobicanitoui. Deopa pouadeniza: —Tiadeniza uima nouerani. Bicaqquiri tiquenani −nauitoui. Narraro uima bicani madirra tocassiuauerauiuarrinecca Deo Abarahaoza uati taporrari: —Deorrine tipotemani zotodeccazana arrirraro zamacca madirra bazimaza uatizeheri torrarizanitoui −naporrari.

1 Tesaronicadeniza 1:5

Nazama arri ia naqui Zeso Cristo tauimari icassiuaueraniuarrinecca tiadeni mari mari ihicanabaqqui nade. Etti poni motta orrari-rrerani. Deo Corimecca dacorehema mari mari ihinanarraro. Pouarrine Deo Atti tiadeniza torrarraro. Zeso Cristo tauimaripe parrissa ineza uati uati inarraro. Tiadeniza imadiza naqui icca madie qqui tiquenade. Iape deni iquerrenaniuarrine izepe irrirrerade. Deo Atti tiadeniza torraniuarrinena izepe irrirrarode.

1 Tesaronicadeniza 2:13

Ticcadeni uima Deoza uati uati ihinanezape: —Rrehe, peperri. Tirrine bica tani −ihinanarraro. Arri Deocca marinarra tiadeni mari icanabaqquirrarozape: —Madirra attia –tiquenerrerade. —Arrirraro marinarrape parrissa Deo Attia. Iaza torrana −tiquenade. Deo Atti parrisseheccara tiadeni mari icanabaqquirrarode. Pouaza parrissa tiquenezape Poua Atti tibodideniza torrarrarorrinea arri tibiquemana-zanaporraroparri.

1 Timoti 4:8

Arrana madirra tarabaiade damera tazapa poua assire todacora, poua birri todacora, poua isso naco todacora taui. Ccanarrabote zorrode naco parrireuitoui. Narrarossa narraro uima denima bica tarrarope Deoza damera ineza Pouaza icca rrehenirri todacoraniuarrine. Narraroa icca madie arrirraro namiza bica taniuarrine. Niza memeuarri Deoza imadiza naqui icca madie denima bica taniuarrine.

Ebreodenidsa 11:6

Ia naqui Deoza rrehe inerrerezape irrine Deo uatizeuiuarrine ssamo tani. Madirra Deoza touarriressiuiuarrine touini nazapa taide poua bodi: —Rrehe, Deo aniui. Pouatoui quenarrarideniza pocca biquehe da ina tani −napozana Deoza touarriressiuiuarrine parrireui.

Ebreodenidsa 3:12

Parri ouimecotedeni, tibodideniza uaidirehe tecauemana-rrerarri. Tibodideniza rrehe tiquenanissa terreraza naqui Deo camitta tarrari Pouaza tiarrimanerana.

Ebreodenidsa 4:6

Deocca uima bicani arri zama bicaniuarri rrassi quenauiuarrinecca uima mittemanaporraridenipa Deo Poua Attiza iboqquiri naza nauiuarri rraui torrezima-rrararrari. Naraha zotodedeniccana Deocca rrassinarra aniniuarri rrassi quenauiuarrine pouadeniza touaba-zanapoccani.

Satiacocca 1:21

Nezape arrirraro namicca uaidirehe onihi, onihi narraro bazima tineborizemanarri. Mouaraza Deo Attizara iboraqquiri tiquenana. Deo Atti timittemana, Zeso Cristo tauimari timittemana narraroa tibodideniza madizarraroparri. Narraro Zeso Cristo tauimaripa tiadeni tonassiuauabaqquiuiuarrine dacorarrari.

1 Pedoro 1:12

Cristo-Mesia tauimari ecomeremana-porrarope pouadeni madimanaza torraniuarrine rrerani, zotodedeniccazana torraniuarrine. Deorrine pouadeniza auato inanaporrarope tiadenizana parrissa torrarraroparri. Arra Deo memeuarri madirrari Poua Corime namiuarri zosse inaronaza Poua Atti maridedeni bodideniza torrarizarrariparrade. Nazapa pocca dacorehema Zeso Cristo tauimari icassiuaueraniuarrinecca tiadeni mari mari totocanabaqquimana narraride. Deocca zozosse tabaqqui memeuarricca naco narraro uima bicani qqui toquenauiuarrine touini narronemanarrari.