Ebreodenidsa 4:10 - Kulina New Testament Brazil

¹⁰ Ia bazima Deocca rrassinarraza iquerrenezape rrassi inanissa tanitoui. Nanizape izepe irripoma-rreranitoui. Pina taide zama nauatoponi Deo Poua zepe rricaza rrassi narrarissa inanitoui.

Culina Mádija

¹⁰ Ia huapima Diocca jassinajadsa iquejenadsapi jassi inanissa tanitohui. Nanidsapi idsepe ijipoma-jeranitohui. Pina tahide dsama nahatoponi Dio Pohua dsepe jicadsa jassi najarissa inanitohui.

Ebreodenidsa 4:10 Iomraidhean Croise

Huano 19:30

Zesopa uva pperrene ssicataui rroso inaha rricazapa uati tade: —Bazima rricanissa tani −nade. Nazapa tocatteza naza uatiade.

Ebreodenidsa 1:3

Rrehe, narrari Deo Bedirrinena Imehi Deocca dacorehe, deni torrehe, canauatori canehe iaza auato tarraro. Pouapa pina Imehi Deossa narrari. Nauato tarrari. Bica tarrari. Meme, nami, bazima anirizarraricca poua atti dacorarraroza: —Anizanapona −naza pouarrine anizanaporrari. Nazama itoui zoqqueuiuarrine ibora tazapa poua emenerrine ibodicca uimasiri sse narizaza ibodi touissorraro. Zotode Deorrine deni torrazapa memeuarri toccamacossaniza Deo Bicabote uinori nauatoniuarri uittarirrari.

Ebreodenidsa 10:12

Naraha Zeso Cristo uimasiri manaconi da inarrarope orrarirraro. Narrarope parrirenissa tehe nema zanaponitoui. Naui zotodepa Zeso Imehi Deo madiuiuarri toccamacossaniza deni torrehe carrirrarirrine Deo Poua uinori nauatoniuarri uittarirrari.

Ebreodenidsa 4:9

Narraro uimape ia Deo pocca madirra iquerrenarraroza pocca rrassinarra aniniparri naccarraro.

Apocalipsis 14:13

Nazapa memeuarri atti omittarraro. Ouaza arrama narrari: —Arrirraro uima bicani dozo tarri −narrari. —Arri rridapanaccazama ia Zozossede Zeso Cristoza toquerrenarrarideni rriquemanapozapa pouadeniza uima bicani torranitoui −narrari. Nazapa Deo Corime attipa: —Rrehe, narrarideni torricazapa rrassi quenauitoui. Narro tanicca zepedeni ihirrimana narraro rricani. Arra Deoza zepedeni irrimanaza pouadenirrine uima bicani torrarraroma memeuarri rraui torramacossauitoui −narrari.

Apocalipsis 6:11

Nazapa etero moponi uezemanauiuarrine pouadeniza da inarizarraro. Poua Attipa: —Rrassi tiquenaccarri. Timecotedeni pina tiadenissa quenarrari Zeso Cristocca zossenirriza zepedeni irrimanaccarrari. Niza pina tiadeni tirricaporrarossa quenaccauitoui. Narraridenitoui bazira tehe timadimanaccarri −nade Deo.