Ebreodenidsa 3:9 - Kulina New Testament Brazil

⁹ Poua Attipa: “Uarrano 40 naha ouacauabaqquiza ocanauatoriri canani qqui qqui zanapomanaraha ‘Deo ia touacauabaqqui-rraraui’ quenarrari. Attideni nama quenazapa pina Oua nattome iquenarrarossa narraro.

Culina Mádija

⁹ Pohua Attipa: “Huajano 40 naha ohuacahuabaqquidsa ocanahatoriri canani qqui qqui dsanapomanaraha ‘Dio ia tohuacahuabaqqui-jarahi’ quinajari. Attideni nama quinadsapa pina Ohua nattome quinajarossa najaro.

Ebreodenidsa 3:9 Iomraidhean Croise

Roca 7:22

Nazapa Zouao zosse inarronabaqquirrarideniza Zeso poua cacomerarrari: —Rrehe, ticadaniza Zouaoza uati tinanimanarri. Arri qqui tiquenarraro, arri timittemanarraro pouaza uati tinanimanana −narrari Zeso. —Arrima tiquenana: “Madirra nocco sirideni nocco ssire tocanireui. Madirra isso sirideni naco tocanomireza rrauirizaui. Madirra zamacoma onini leprarrine uapideni rrazimarorrarideni naco imedeni tobicarizaui. Madirra uaribodeni didiqquiri narrarideni naco uaribodeni ssire tocanirerizaui. Madirra uatiarrarideni naco camittemani-rizemanaui. Madirra touati nauanaqquiri narrarideni naco icassiuaueraniuarrinecca uima mari icanabaqquiza mittarizemanaui” tinanimanana tiadeni marideza −narrari Zeso.

Tahimarideni 13:8

Naraha zoppinerre Barieso, poua oni zama Cresiacca touattiza: Erima quequenanarrari, narraripa poua tesse Sezio-Paoropa Deoza torrauiuarrine nacassera taza pocca uimara uati uati narrari. Poua attipa: —Pouadeni attiza rrehe onerrerani. Tia naqui rrehe terrerarri −narrari Barieso-Erima.

Tahimarideni 7:36

Moizepa icca idideni Ezitouarri eqquenabaqquirrari. Pouapa Deocca nauatoue carrirra naza canauatori canarizarrari. Arra taide Ezitoza canauatori canarrari, zotodepa arri ueni imehi oninipa Maccoui quenauiza naco canauatori canarrari. Zotode arri zama uamoniuarri uarrano 40 naha eccariza-baqquiza naco Moizepa canauatori canarizarrari.