Ebreodenidsa 3:2 - Kulina New Testament Brazil

² Pouapa madirra cacauade torrauiuarrine Imehicca zosseheza ibora tarrari. Nama nazapa pocca uima pina Moizecca uimassa narraro. Moize naco Deocca zosseheza ibora tazapa Deocca madirra cacauade torrarrari. Arri Deocca madirra inarrarope Deocca ozacca ihinanarraro.

Culina Mádija

² Pohuapa madija cacahuade tojahijine Imehicca dossehedsa ibora tajari. Nama nadsapa pocca ima pina Moisesicca imassa najaro. Moisesi naco Diocca dossehedsa ibora tadsapa Diocca madija cacahuade tojajari. Aji Diocca madija inajaropi Diocca odsacca ihinanajaro.

Ebreodenidsa 3:2 Iomraidhean Croise

Huano 15:10

Occa zossenirriza iboraqquiri tiquenezape occa touati uaneheza timadimanani parri naniuarrine. Arri pina oua occa Abicca zossenirriza ibora oneza pocca touati uanehema omadirizarrarossa tiquenarri, onarraro.

Huano 17:4

—Nazama ticca deni torrehepe auato onanarraro arrirraro zamaza. Arri oua ticazosserraro bazimape onarricanissa tani.

Huano 7:18

Arra madirra pocca uima uati uati tatarra narraripa madirra ouaha pouaza: “A, tiape nauato tinani” nauiuarrine uati uati tatarra narrari. Naraha madirra ouaha uati uati tatarra narraripa: “Arrirraro uimape orrine rrerani, oua Cazossedecca uima, pouazara tetizemanarri” narrari. Narrarina parrissehecca uima uati uati tatarra narrari. Maiza-rrararrari −nade Zeso.

Huano 8:29

Nazama oua Cazossedepa ouaza madiui. Occa Abipa oua motta orraniuarrine oua nebo-rraraui, uarrirriraza Pouaza bica tanicca ohonana nezape −nade.

Epesodeniza 2:22

Rrehe Zeso Cristoza tirrariqquimanezape pina Deo madiuiuarrinecca ozassa tiquenarraro. Deo nauiza madiuiuarrine Poua Corime tiadeniza inana-zanaporrari.

1 Timoti 1:12

Ouape ia Zozossede Zeso Cristoza: Rrehe, tirrine bica tani, onarraro. Arri poua tauimari maride occarizaniuarrine ouaza pocca dacorehe inanezape ouatizerraro. Rrehe, poua attiza ibora onaniuarrine nauato tapozapa oua zosse tarrari.

1 Timoti 3:15

Nazama tiauarri occaniuarrine denima onarrozape occa uimara qqui tineza arra Zesoza rrehe quenarrarideni madimanauissa tauiuarrinecca uima nauato tinaniuarrine. Arri ia Deocca madirra iquerrenarrarope Deo camitta tarrariza ihiqueriqqui narraro. Deo pocca parrissehe iaza inanarrarope rrouizo terreraniuarrine ecauanissa tarraro. Nezape madirra bazima Deocca parrisseheza mari icanabaqquiuissa tarrari.

Ebreodenidsa 2:17

Pouapa pina iassa narrarirrine ia acco canade parrireuissa tarrari. Nama nazapa poua poua ccaccoraza zoqquezapa icca danirri Deoza torrarrari. Narraria icca uimasiri manaconi torrarrari. Pouaza parrissa inezape Deopa iaza: —Peperri, tiaza ouadi-rrerani. Ticca uimasiri ouati rrimani −narrari. Narrarorrine —Zesopa icca danirri Deoza dada toqquimade deni torrauicca −inarraro. Pouapa iaza uati uana, Imehi Deoza uati uana tarrari. Maizera tarrari, Imehi Deoza damera tarrari.